Azərbaycan Xəbərləri

<span style="color:#FF0000;font-size:18px;">[b]Gələn ay Bakıda əmək yarmarkası keçiriləcək[b]</span>

[Bakı. İlhamə İsabalayeva - APA-ECONOMICS. Azərbaycan Əmək və Əhalinin Sosial Müdafiəsi Nazirliyinin Baş Məşğulluq İdarəsi oktyabrın 31-də Gəncə və Sumqayıt şəhərlərində əmək yarmarkası keçirməyi nəzərdə tutur. İdarədən «APA-ECONOMICS»ə verilən məlumata görə, Bakıda əmək yarmarkasının noyabrın 20-21-də keçirmək planlaşdırılır. Oktyabrın sonu, noyabrın əvvəlində isə BMİ tərəfindən Naxçıvan Muxtar Respublikasında yarmarkanın təşkili gözlənilir. Ümumilikdə bu il respublikanın 53 şəhər və rayonunda 54 yarmarka keçirilib. Bu yarmarkalarda 1 899 müəssisə 16 894 boş iş yeri təqdim edib. Yarmarkalarda 5 104 nəfər münasib işlərə göndəriş alıb, 426 nəfər peşə hazırlığı, 340 nəfər haqqı ödənilən ictimai işlərə cəlb edilib.

<span style="color:#FF0000;font-size:18px;">[b]ABŞ-da yaşayan azərbaycanlı iş adamı Paul Murad: "Dünyada baş verən maliyyə böhranı hələlik Azərbaycana ciddi təsir göstərməyib"[b]</span>

[Bakı. Ramil Məmmədli-APA. Bu gün ABŞ-da yaşayan iş adamı Paul Murad mətbuat konfransı keçirib. APA-nın məlumatına görə, P. Murad 1975-ci ildə Bakıda anadan olduğunu, 1992-ci ildən isə ABŞ-da yaşadığını deyib. O Rusiya, İspaniya və Çində təhsil aldığını vurğulayıb: "Nevada ştatının Las-Veqas şəhərində daşınmaz əmlak üzrə investisiyalar yatıran, inkişaf planları tərtib edən "Metroplex" Şirkətlər Qrupunun prezidentiyəm. Təhsili Oklahoma ştatındakı Tulsa Universitetində maliyyə və beynəlxalq biznes ixtisası üzrə tamamlamışam". Dünyada baş verən maliyyə böhranı barədə də danışan azərbaycanlı iş adamı bildirib ki, bu problem hələlik Azərbaycana ciddi təsir göstərməyib. ABŞ-da isə bəzi insanlar ipoteka və ya adi kreditlə aldıqları mənzilləri banklara qaytarmaq məcburiyyətində qalıblar. Ölkənin iri iqtisadi qurumlarının bir neçəsi müflis olmaq dərəcəsinə çatıb. Hələlik Azərbaycanda biznes qurmadığını deyən P. Murad bu fikirdə olduğunu inkar etməyib: "Ötən 50 il ərzində ABŞ-da insanlar şəhər mərkəzlərindən kənarlarda yaşamağa üstünlük verirdilər. Buna görə də şəhər mərkəzləri yalınız iş məqsədləri üçün istifadə edilirdi. Son bir neçə ildə isə insanlar yenidən mərkəzlərdə tikilən mənzillərə üstünlük verirlər. Azərbaycanda isə insanlar həm mərkəzdə, həm də şəhər kənarlarında yaşayırlar. Bu daşınmaz əmlakın inkişafı baxımından yaxşı göstəricidir. Bir müddət əvvəl isə ABŞ-da və bəzi digər ölkələrdə fəaliyyət göstərən şirkətlər Azərbaycanda biznes qurulması üçün müvafiq əlaqələr yaradılması xahişi ilə mənə müraciət etdilər. Həmin şirkətlər dünya miqyasında fəaliyyət göstərirlər və mənim vətənimdə də biznes qurmaq istəyirlər. İstənilən halda vətənimdə biznes əlaqələrinin qurulmasında maraqlıyam və bu layihələrin yaxşı nəticələr verəcəyinə inanıram".

<span style="color:#FF0000;font-size:18px;">[b]Hulusi Kılıç: "Türkiyə BMT Təhlükəsizlik Şurasının Azərbaycanla bağlı qətnamələrinin icrası üçün əlindən gələni edəcək"[b]</span>

Bakı. Laçın Sultanova - APA. Türkiyənin Azərbaycandakı səfiri Hulusi Kılıç ölkəsinin BMT Təhlükəsizlik Şurasına (TŞ) müvəqqəti üzv seçilməsi ilə bağlı mətbuat konfransı keçirib.

[APA-nın məlumatına görə, səfir Ankaranın müvəqqəti üzvlük üçün 5 il əvvəl müraciət etdiyini və bu müddət ərzində çox iş görüldüyünü bildirib: "Dünyada sülhün və təhlükəsizliyin çox böyük təhdidlərlə qarşı-qarşıya olduğu bir dövrdə Türkiyənin BMT Təhlükəsizlik Şurasına seçilməsi beynəlxalq ictimaiyyətin dövlətimizə etimadının və türk millətinə dostluq duyğularının təzahürüdür". Diplomatın fikrincə, Türkiyənin aldığı səslərin çoxluğu (151) onu göstərir ki, digər ölkələr Türkiyədən çox şey gözləyir: "Türkiyə Təhlükəsizlik Şurasının üzvü olaraq üzərinə düşən vəzifələri müvəffəqiyyətlə yerinə yetirəcək". Türkiyənin xarici siyasətinin Atatürkün "Yurdda sülh, dünyada sülh" şüarı əsasında qurulduğunu vurğulayan H. Kılıç ölkəsinin Asiya, Afrika, Latın Amerikası, Balkanlar, Qafqaz və Yaxın Şərqdəki beynəlxalq sülh missiyalarına əsgər, polis və mülki müşahidəçilər göndərdiyini söyləyib. Türkiyənin sülhə, təhlükəsizliyə və əməkdaşlığa verdiyi töhfələrdən danışan diplomat Qafqaz bölgəsində beş ölkəni bir araya gətirəcək Qafqaz Sabitlik və Əməkdaşlıq Platforması təşəbbüsü ilə çıxış etdiklərini də xatırladıb.Jurnalistlərin suallarını cavablandıran H. Kılıç BMT TŞ-nin Azərbaycanın işğal olunmuş ərazilərinin azad edilməsini nəzərdə tutan 4 qətnaməsinin yerinə yetirilməsi üçün əllərindən gələni edəcəklərini bildirib. "Türkiyənin BMT Təhlükəsizlik Şurasının daimi üzvü olmaq niyyəti varmı" sualına səfir təsdiqləyici cavab verib: "Daimi üzvlərin sayı artırılmalıdır. Türkiyə, Yaponiya, Almaniya kimi dövlətlər bu sıraya qatılmalıdır".

<span style="color:#FF0000;font-size:18px;">[b]ABŞ-da erməni musiqiləri adı altında buraxılan diskə mütəxəssis rəyi bu həftə veriləcək[b]</span>

[Bakı. Kəmalə Quliyeva-APA. Müəllif Hüquqları Agentliyi Nyu-Yorkda (ABŞ) "Tradisional Grossroad" şirkəti tərəfindən erməni musiqiləri adı altında buraxılan Azərbaycan musiqilərindən ibarət kompakt diski rəy vermək üçün Bakı Musiqi Akademiyasına təqdim edib. Agentliyinin hüquq şöbəsinin müdiri Xudayat Həsənlinin APA-ya verdiyi məlumata görə, disk Azərbaycan Xarici İşlər Nazirliyi tərəfindən MHA-ya bu ilin avqustunda daxil olub. Bu həftə Bakı Musiqi Akademiyasından mütəxəssis rəyi alınacağını bildirən Xudayat Həsənli deyib ki, bundan sonra təmsil etdiyi qurum faktla bağlı müvafiq addımlar atacaq.

<span style="color:#FF0000;font-size:18px;">[b]Azərbaycan Depozitlərin Sığortalanması üzrə Avropa Forumuna üzv olub[b]</span>

[Bakı. Elnur Hüseynquluyev - APA-ECONOMICS. Azərbaycan Əmanətlərin Sığortalanması Fondu (ƏSF) Depozitlərin Sığortalanması üzrə Avropa Forumuna (EFDI) üzv qəbul olunub. ƏSF-dan «APA-ECONOMICS»ə verilən məlumata görə, EFDI 2002-ci ilin oktyabr ayında yaradılıb və hazırda 39 Avropa ölkəsinin əmanətlərin sığortalanması üzrə 54 qurumu bu təşkilatın üzvüdür. Xatırladaq ki, ƏSF 2007-ci il avqustun 13-dən fəaliyyətə başlayıb. Ölkədə fəaliyyət göstərən 45 bankdan 38-i fondun üzvüdür. Üzv banklardakı əmanətçilərin əmanətləri Fond tərəfindən 100%, lakin 6 min manat olmaqla sığortalanır. Banklar tərəfindən quruma ödənilən birdəfəlik üzvlük haqqı isə 10 min manatdır.

<span style="color:#FF0000;font-size:18px;">[b]Şirvan şəhər İcra Hakimiyyəti başçısının müavininin oğlu, gəlini və nəvəsi avtomobil qəzasında həlak olub[b]</span>

Hacıqabul. Əlibəy Zeynalov - APA. Hacıqabulda baş verən avtomobil qəzasında 3 nəfər ölüb. Hacıqabul rayon Polis Şöbəsinin müstəntiqi Bəxtiyar Qurbanovun APA-nın Mil-Muğan bürosuna verdiyi məlumata görə, hadisə bu gün saat 11.40 radələrində baş verib.

[1984-cü il təvəllüdlü Abıyev Hüseyn Samid oğlu yüksək sürətlə idarə etdiyi "KİA" markalı, 18 BD 990 dövlət nömrə nişanlı avtomobili Hacıqabul rayonu ərazisində aşırıb. Nəticədə avtomobildə olan sərnişinlər, sürücünün qardaşı, Şirvan şəhər sakini, M. Aydınov küçəsi 2, mənzil 2 ünvanında yaşayan, 1989-cu il təvəllüdlü Abıyev Cavid Samid oğlu, sürücünün digər qardaşının həyat yoldaşı, 1988-ci il təvəllüdlü Abıyeva Validə Xəqani qızı və Validə Abıyevanın qızı, 2007-ci il təvəllüdlü Abıyeva Zeynəb Amil qızı hadisə yerində keçiniblər. Sürücü H. Abıyev ağır vəziyyətdə Hacıqabul Mərkəzi Rayon Xəstəxanasının reanimasiya şöbəsinə yerləşdirilib. Qeyd edək ki, ölənlər və yaralı Şirvan şəhər İcra Hakimiyyəti başçısının birinci müavini Samid Abıyevin oğlu, gəlini və nəvəsidir. Faktla bağlı Hacıqabul rayon Polis Şöbəsində araşdırma aparılır.

<span style="color:#FF0000;font-size:18px;">[b]İlham Əliyev ikinci müddətə prezident səlahiyyətlərini rəsmən icra etməyə başladığı gün Azərbaycan hökuməti istefaya gedəcək[b]</span>

Bakı. Rəşad Süleymanov - APA. İkinci müddətə Azərbaycan prezidenti seçilən İlham Əliyevin səlahiyyətlərini rəsmən icra etməyə başladığı gün hazırkı hökumət istefaya gedəcək.

[APA-nın məlumatına görə, Azərbaycan Konstitusiyasının 116-cı maddəsinə əsasən, yeni seçilmiş prezident vəzifəsini tutduğu və səlahiyyətlərini icra etməyə başladığı gün Nazirlər Kabineti istefa gedir. Bundan sonra prezident yeni hökumətin üzvlərini təyin edir. Yeni hökumətdə həm köhnə kabinetdə çalışanlar, həm də yeni şəxslər ola bilərlər.Qeyd edək ki, hazırkı hökumətdə 21 nazir, baş nazirin 4 müavini, 9 komitə sədri, 3 xidmət rəisi, 3 agentlik direktoru, həmçinin Dövlət Sosial Müdafiə Fondu və Dövlət Qulluğu Məsələləri üzrə Komissiyasının sədrləri var.

<span style="color:#FF0000;font-size:18px;">[b]Azərbaycan gələn il hərbi xərclərini 10% azaldacaq[b]</span>

Bakı. Rəşad Süleymanov - APA-ECONOMICS. Azərbaycanın 2009-cu il dövlət büdcəsində müdafiə və təhlükəsizlik sektoruna ayrılacaq maliyyə vəsaitinin həcmi üzrə proqnoz 2008-ci ilin təsdiqlənmiş analoji proqnozuna nisbətən 10,3% azaldılıb.

[Bu barədə «APA-ECONOMICS»ə Milli Məclisin müdafiə və təhlükəsizlik məsələləri daimi komissiyasının üzvü Zahid Oruc məlumat verib.Z.Orucun sözlərinə görə, 2009-cu ilin dövlət büdcəsində müdafiə və təhlükəsizlik sektoru üçün 1 205,520 mln. manat vəsaitin ayrılması nəzərdə tutulub. Bunun 1 115,948 mln. manatı müdafiə qüvvələrinə, 84,561 mln. manatı milli təhlükəsizlik, 2,633 mln. manatı tətbiqi tədqiqatlar, 2,376 mln. manatı isə digər kateqoriyalar üzrə xərclərdir.«Müdafiə xərclərinin 2008-ci illə müqayisədə az olması əsaslı investisiya qoyuluşlarının artıq əvvəlki illərdə həyata keçirilməsi ilə bağlıdır. Bununla belə, gələn il də müdafiə sektoru diqqət mərkəzində olacaq, hərbçilərin sosial müdafiəsi sahəsində mühüm işlərin görülməsi nəzərdə tutulur», - deyə Z.Oruc vurğulayıb.Qeyd edək ki, dövlət büdcəsinin «Müdafiə xərcləri» funksional təsnifatı üzrə müdafiə qüvvələrinə ayrılan vəsaitlərin həcmi 2008-ci ilə nisbətən 19%, milli təhlükəsizlik sektoruna ayrılan vəsaitlər 12%, digər kateqoriyalar üzrə ayrılan vəsait 31% artırılıb, tətbiqi tədqiqatlara yönəldilən vəsait isə 2% azaldılıb.Xatırladaq ki, Azərbaycanın 2009-cu il dövlət büdcəsinin layihəsi ötən həftə ölkə hökuməti tərəfindən parlamentə təqdim olunub.

<span style="color:#FF0000;font-size:18px;">[b]Heydər Əliyev Sarayında əsaslı təmir başa çatıb[b]</span>

[Bakı. Ülkər Qasımova - APA. Heydər Əliyev Sarayında aparılan əsaslı təmir işləri başa çatıb. APA-nın məlumatına görə, müasir standartlara uyğun hazırlanan sarayın ətrafındakı yol örtüyü də yenilənir. Xatırladaq ki, Azərbaycanın ən böyük mədəniyyət ocağı ötən ilin aprelindən təmirə dayanıb. Əsaslı təmir zamanı binanın girişində yeni işıq avadanlıqları, ekskalator, lift sistemi, müxtəlif ölçülü ekranlar, zalda isə işıqlar, lazer sistemi, texniki avadanlıq və yeni oturacaqlar quraşdırlıb. 35 ildən sonra əsaslı təmirdən çıxan Heydər Əliyev Sarayında artıq ilk konsert proqramının vaxtı da müəyyənləşdirilib. Belə ki, noyabrın 5-6-da sarayda Zeynəb Xanlarovanın konserti təşkil olunacaq. Kassalar oktyabrın 22-də fəaliyyətə başlayacaq.

<span style="color:#FF0000;font-size:18px;">[b]Dünya bazarında neftin yenidən bahalaşması gözlənilir[b]</span>

[Bakı. Vahab Rzayev - APA-ECONOMICS. Neft İxracatçısı Ölkələri Təşkilatının (OPEC) oktyabrın 24-də keçiriləcək fövqəladə iclasında gündəlik neft hasilatının iki mərhələdə 2 mln. barel azaldılması barədə qərar qəbul olunacaq. «APA-ECONOMICS»in məlumatına görə, OPEC prezidenti Şakib Xəlilin sözlərinə əsasən, hasilatın azaldılması bazarda təklif-tələb tarazlaşmasının düzgünlüyü üçün əhəmiyyətlidir.Hazırda OPEC dünyada maliyyə və iqtisadi böhran nəticəsində müşahidə olunan istehsalın azalmasına görə tələbatın azaldığını qeyd edir və bununla bağlı təklifin azaldılmasını zəruri sayır. OPEC prezidentinin sözlərinə görə, təşkilat neftin qiymətinin 1 barel üçün 70-90 dollar arasında saxlanmasını məqsədəuyğun hesab edir.Qeyd edək ki, OPEC-in hesablamalarına görə, 2009-cu ildə dünyada gündəlik neft tələbatı 31,14 mln. barel təşkil edəcək. Sentyabr ayında OPEC-in gündəlik hasilatı 32,16 mln. barel təşkil edib. Yəni, artıq noyabrın 1-dən hasilatın sentyabra nisbətən 1 mln. barel, gələn ilin əvvəlindən isə daha 1 mln. barel azaldılacağı gözlənilir. Nəticədə, bazardakı təklif 30 mln. barelə enəcək və bu, tələbatdan azdır. Göründüyü kimi, artıq yaxın aylarda neftin yenidən bahalaşmasını gözləmək olar.

<span style="color:#FF0000;font-size:18px;">[b]«Azərenerji» prezidenti Etibar Pirverdiyev: «Gələn il Azərbaycanda enerji tariflərində dəyişiklik olmayacaq»[b]</span>

[Bakı. Rəşad Süleymanov - APA-ECONOMICS. Bu il qış mövsümündə Azərbaycanda əhalinin elektrik enerjisi ilə təchizatında problem olmayacaq. «APA-ECONOMICS»in məlumatına görə, bunu «Azərenerji» ASC-nin prezidenti Etibar Pirverdiyev bildirib.E.Pirverdiyevin sözlərinə görə, Azərbaycan bu ilin qış mövsümünü tarixində ilk dəfə olaraq 4300 MVt güc ehtiyatı ilə qarşılayır: «Əvvəllər qışı tələbatdan azacıq çox, bəzi vaxtlarda isə kəsirlə qarşılamışıq. Bunun üçün Rusiyadan enerji idxal edirdik».«Azərenerji» rəhbəri qış mövsümündə fasilələrin də minimuma enəcəyini vurğulayıb. E.Pirverdiyevin sözlərinə görə, son bir il ərzində rayonlarda enerji təchizatında yaranmış bəzi kiçik müddətli fasilələr güc çatışmazlığı ilə deyil, şəbəkədə aparılan işlərlə bağlı olub.E.Pirverdiyev bu il və gələn il enerji tariflərində dəyişikliyin olmayacağını vurğulayıb. Enerji haqlarının yığımına gəlincə, E.Pirverdiyev bu sahədə artımın olduğunu qeyd edib: «Kartlı sayğacların tətbiqi nəticəsində Gəncə və Mingəçevirdə yığım səviyyəsi 100%-ə yaxınlaşıb».

<span style="color:#FF0000;font-size:18px;">[b]Sumqayıtda könüllü qanvermə aksiyası keçirilib[b]</span>

[Bakı. İlhamə İsabalayeva-APA. Azərbaycan Səhiyyə Nazirliyinin təşkilatçılığı ilə Sumqayıt şəhərində könüllü qanvermə aksiyası keçirilib. Nazirlikdən APA-ya verilən məlumata görə, aksiya zamanı 153 nəfər könüllü olaraq qan verib. Tədarük olunan qandan hazırlanmış qan preparatlarından talassemiyalı, hemofiliyalı və qana ehtiyacı olan digər xəstələrin müalicəsində istifadə ediləcək.

<span style="color:#FF0000;font-size:18px;">[b]Zemfira Meftahəddinova karyerasını başa vurur[b]</span>

"Gələcəkdə yenə uğursuzluq yaşayacağımdan qorxuram"

[Bakı. Aqşin Əliyev - APA-SPORT. Azərbaycanın ən titullu stend atıcısı Zemfira Meftahəddinova karyerasını başa vurmaq haqqında düşünür. Bunu "APA-SPORT"a açıqlamasında Meftahəddinova özü deyib. 45 yaşlı idmançı hələlik qəti qərara gəlmədiyini bildirib."Pekin Olimpiadasından sonra məşqləri dayandırmışam, hazırda istirahət edirəm. Təqvimdə bu il heç bir yarış yoxdur. Gələn ilin aprelində keçiriləcək lisenziya xarakterli Dünya Kuboku öncəsi yekun qərarımı açıqlayacağam" - deyə Meftahəddinova vurğulayıb.Sidney Yay Olimpiya Oyunlarının qalibi qatıldığı axırıncı turnirin ardından karyerasını bitirmək fikrinə düşüb. Belə ki, avqustda keçirilmiş Pekin Olimpiadasında mükafat qazana bilməməsi onu məyus edib: "İdmançı karyeramda demək olar, mümkün titulların hamısına yiyələnmişəm. Ancaq Pekindən əliboş döndüyüm üçün çox pərişan oldum. Yaxınlarımı, məşqçimi, azarkeşlərimi də məyus etdim. Gələcəkdə yenə uğursuzluq yaşayacağımdan qorxuram. İstəyirəm ki azarkeşlərim məni qalib kimi xatırlasınlar".Qeyd edək ki, Meftahəddinova Pekin Yay Olimpiya Oyunlarında 15-ci yeri tutub.

<span style="color:#FF0000;font-size:18px;">[b]Yanvar-sentyabr aylarında Azərbaycandakı sığorta şirkətlərinin daxilolmaları 45% artıb[b]</span>

[Bakı. Elnur Hüseynquluyev - APA-ECONOMICS. Azərbaycanda fəaliyyət göstərən sığorta şirkətləri tərəfindən 2008-ci ilin yanvar-sentyabr aylarında ümumilikdə 148,7 mln. manat həcmində sığorta haqqı toplanılıb ki, bu da ötən ilin müvafiq dövrü ilə müqayisədə 45% çoxdur. Maliyyə Nazirliyindən «APA-ECONOMICS»ə verilən məlumata görə, hesabat dövründə sığorta şirkətlərinin həyata keçirdikləri sığorta riskləri üzrə ödənişlərinin həcmi 59,4% artaraq 40,4 mln. manata çatıb. Sığorta haqlarının strukturunda həyat sığortası növləri üzrə toplanan ümumi daxilolmaların həcmi son bir il ərzində 2,9 dəfə artaraq 1,5 mln. manat, qeyri-həyat sığortası üzrə 48,9% artaraq 130,73 mln. manat, həmçinin icbari sığorta növləri üzrə isə 15,5% artaraq 16,47 mln. manat təşkil edib.Sığorta ödənişlərində həyat sığortası növləri üzrə məcmu ödənişlərin həcmi 46,7% artaraq 0,22 mln. manat, qeyri-həyat sığortası 60,3% artaraq 32,55 mln. manat və icbari sığorta növləri üzrə ödənişlər 55,7% artaraq 7,63 mln. manat olub.Xatırladaq ki, hazırda Azərbaycanda 28 sığorta şirkəti fəaliyyət göstərir.

<span style="color:#FF0000;font-size:18px;">[b]Azərbaycanın 1 mln. barel həcmində «Azeri Light» markalı növbəti xam neft partiyasını Yeni Zelandiyanın «Sumato Energy Group» şirkəti alıb[b]</span>

[Bakı. Nicat Mustafayev - APA-ECONOMICS. Azərbaycan Respublikası Dövlət Neft Şirkəti (ARDNŞ) 1 mln. barel həcmində «Azeri Light» markalı xam neft partiyasının ixracına dair keçirdiyi marketinq sorğusunun nəticələrini elan edib. ARDNŞ-dan «APA-ECONOMICS»ə verilən məlumata görə, oktyabrın 14-də ARDNŞ-in Marketinq və İqtisadi Əməliyyatlar İdarəsi bu ilin noyabrın 1-7-də Türkiyənin Aralıq dənizi sahilində yerləşən Ceyhan limanından 1 mln. barel həcmində «Azeri Light» markalı xam neft partiyasının ixracına dair marketinq sorğusu elan edib. Sorğunun nəticələrinə əsasən, Yeni Zelandiyanın «Sumato Energy Group» şirkəti qalib elan edilib.

<span style="color:#FF0000;font-size:18px;">[b]Süleyman Dəmirəl Azərbaycan prezidenti İlham Əliyevi seçkilərdə qələbə qazanması münasibətilə təbrik edib[b]</span>

[Bakı - APA. Türkiyənin 9-cu prezidenti Süleyman Dəmirəl Azərbaycan prezidenti İlham Əliyevə zəng edib. Prezidentin mətbuat xidmətindən APA-ya daxil olan məlumata görə, S. Dəmirəl seçkilərdə qələbə qazanması münasibətilə İ. Əliyevi təbrik edib, dost və qardaş Azərbaycan xalqının rifahı naminə dövlətçilik fəaliyyətində ona uğurlar arzulayıb.Prezident İlham Əliyev təbrikə və diqqətə görə minnətdarlığını bildirib.

<span style="color:#FF0000;font-size:18px;">[b]Mingəçevirin axundu barədə cinayət işi başlanıb[b]</span>

Mingəçevir. Şahnəzər Bəşirov-APA. Mingəçevirdə suvaqçı işləyən şəhər sakini Süleymanov Ramiz Məhəmməd oğlunu döyərək ona xəsarət yetirən Qafqaz Müsəlmanları İdarəsinin Şirvan bölgəsi üzrə Qazisi, Mingəçevir şəhərinin Axundu Hacı Xanəli Babayev barədə Cinayət Məcəlləsinin 127.1 maddəsi (sağlamlığa qəsdən ağır zərər yetirmək) ilə cinayət işi başlanıb.

[BU barədə APA-nın yerli bürosuna Mingəçevir şəhər Polis Şöbəsinin istintaq bölməsindən məlumat verilib. Məlumata görə, faktı araşdıran təhqiqat qrupu hadisənin baş vermə səbəbləri barədə faktlar toplayıb, şahid ifadələri alınıb. Ramiz Süleymanova xəsarət yetirən Hacı Xanəli Babayevin sürücüsü Saleh Babayev istintaqa cəlb olunaraq dindirilib. O istintaqa verdiyi ifadədə Ramiz Süleymanova xəsarət yetirdiyini inkar etsə də, bu fakt şahid ifadələri ilə təsdiqlənib. Bundan başqa faktla bağlı Mingəçevir şəhər prokurorluğuna da məlumat verilib. Hazırda araşdırma davam edir. Qeyd edək ki, Mingəçevir şəhəri, Təbriz küçəsi, 5 ünvanda yaşayan R. Süleymanov Aşıq Ələsgər küçəsi, 9 ünvanda yaşayan bibisinin evinin fasad hissəsində suvaq işləri apararkən qonşuluqda yaşayan Hacı Xanəli Babayevin ailə üzvləri tərəfindən təhqirlərə məruz qalıb. R. Süleymanov bu zaman evə gələn Hacı Xanəliyə müraciət edərək, ailə üzvlərindən ona şikayət etmək istəyib. Məlumata görə, şəhərin Axundu R. Süleymanovu dinləmədən onun üzünə yumruqla zərbələri endirib. Eyni zamanda Xanəli Babayevin sürücüsü və yaxın qohumu olduğu bildirilən Saleh Rafiq oğlu Babayev də R. Süleymanovun başına yumruq zərbələri vurub. Mingəçevir Mərkəzi Şəhər Xəstəxanasının travmatologiya şöbəsinə yerləşdirilən R. Süleymanova çənə sınığı diaqnozu qoyulub.

<span style="color:#FF0000;font-size:18px;">[b]Serj Sərkisyan Robert Simmonsla görüşüb[b]</span>

[İrəvan-APA. Ermənistan prezidenti Serj Sərkisyan NATO baş katibinin Cənubi Qafqaz və Mərkəzi Asiya üzrə nümayəndəsi Robert Simmonsla görüşüb. APA-nın "Panarmenian"a istinadən yaydığı məlumata görə, Sərkisyan bildirib ki, Avropaya inteqrasiya Ermənistan xarici siyasətinin əsas prioritetlərindən biri olaraq qalır və Ermənistan-NATO əməkdaşlığı bu istiqamətlərdən biridir. Ermənistan prezidenti ölkəsinin Qafqazda gedən son proseslərə dair mövqeyini açıqlayıb, Dağlıq Qarabağ münaqişəsinin nizamlanması prosesi, Ermənistan-Türkiyə münasibətlərinin normallaşması məsələlərinə toxunub. Robert Simmons Ermənistanın Türkiyə ilə münasibətləri normallaşdırmaq təşəbbüsünü dəstəklədiklərini bildirib.

<span style="color:#FF0000;font-size:18px;">[b]Bu gün BBVB-nin valyuta bölməsində 21,096 mln. dollarlıq əqd bağlanıb[b]</span>

[Bakı. Nicat Mustafayev - APA-ECONOMICS. Bu gün Bakı Banklararası Valyuta Birjasının (BBVB) valyuta bölməsində keçirilən ticarət sessiyasının nəticələrinə görə, USD/AZN ortaölçülü məzənnəsi 0,8081 AZN/$1 təşkil edib.BBVB-dən «APA-ECONOMICS»ə verilən məlumata görə, BEST sistemində keçirilən səhər sessiyasının açılış məzənnəsi 0,8086 AZN/$1, USD/AZN T+0 aləti üzrə əqdlərin həcmi 5 009 567 AZN təşkil edib. Sessiyanın yekunlarına görə manatın orta məzənnəsi dollara nisbətən dəyişməz qalıb.BEST-in gündüz sessiyasında USD/AZN T+0 aləti üzrə bağlanılan banklararası əqdlərin həcmi 12 053 017 AZN, manatın orta məzənnəsi isə 0,8081 AZN/$1 təşkil edib.Beləliklə, hər iki sessiyanın nəticələrinə görə, BEST-in ümumi həcmi USD/AZN aləti üzrə 21,096 mln. dollar və ya 17 062 584 AZN təşkil edib. Orta hesabla hər sövdələşmənin payına 1,758 mln. dollar düşür. USD/AZN T+1, T+2 və SWAP_USD/AZN alətləri üzrə tələbat olmadığı şəraitdə dilerlər tərəfindən əqdlər bağlanılmayıb. EUR/AZN T+0 aləti üzrə bağlanılan banklararası əqdlərin həcmi 4 138 960 AZN, manatın orta məzənnəsi 1,0922 AZN/EUR təşkil edib. Rusiya rublu üzrə sifarişlər banklar tərəfindən BEST sisteminə daxil edilməyib.Qeyd edək ki, BEST sistemində fəaliyyət göstərən mütəşəkkil banklararası kredit bazarında market-meyker statusu alan banklar tərəfindən 90 günlük alət üzrə verilən sifarişlər əsasında hesablanan BakIBOR indeksi manat vəsaitləri üzrə illik 16,14%, ABŞ dolları üzrə isə illik 17,00% təşkil edib. Gün ərzində banklar arasında həcmləri 3 mln. AZN və 1,5 mln. EUR, müddətləri 90 gün, faiz dərəcələri 17,00% və 16,00% təşkil edən əqdlər qeydə alınıb.

<span style="color:#FF0000;font-size:18px;">[b]Yanvar-sentyabr aylarında Azərbaycanda sənaye istehsalı 12% artıb[b]</span>

[Bakı. Nicat Mustafayev - APA-ECONOMICS. Bu ilin yanvar-sentyabr aylarında Azərbaycanın sənaye kompleksində istehsal olunan məhsulun və göstərilən xidmətlərin həcmi ötən ilin analoji dövrü ilə müqayisədə 12% artıb.Dövlət Statistika Komitəsindən «APA-ECONOMICS»ə verilən məlumata görə, hesabat dövründə ölkə sənayesində məhsul və göstərilən xidmətlərin həcmi neft sektorunda 12,4%, qeyri-neft sektorunda isə 8,2% artıb, ümumilikdə sənaye işlərinin həcmi 24,2 mlrd. manat təşkil edib.Sənayenin artımı neftin hasilatında 11,6%, qazın hasilatında 57,5%, qida məhsullarının istehsalında 1,2%, kimya sənayesində 53,7%, dəri, dəridən məmulatlar və ayaqqabı istehsalında 36,2%, metallurgiya sənayesi və hazır metal məmulatların istehsalında 32,6%, maşın və avadanlıqların istehsalında 9,8% və s. sahələrdə müşahidə olunub. İstehsalın 94,7%-i malların, 5,3%-i isə sənaye xarakterli xidmətlərin payına düşüb, sənaye məhsulunun 17%-i dövlət müəssisələrində, 83%-i isə özəl bölmədə istehsal edilərək müvafiq olaraq 6,5% və 13,2% çoxalıb.

<span style="color:#FF0000;font-size:18px;">[b]Gədəbəydə yeddi nəfərin yaralanması ilə nəticələnən yol-nəqliyyat hadisəsi baş verib[b]</span>

[Gədəbəy. Nəzakət Məşədiəliqızı-APA. Gədəbəy-Şəmkir magistral yolunun 2-ci kilometrliyində ağır yol qəzası baş verib. Qəza nəticəsində 7 nəfər yaralanıb. Gədəbəy rayon Polis Şöbəsinin rəis müavini Fəzail Məmmədovun APA-nın Qərb bürosuna verdiyi məlumata görə, Şəmkir sakini, 51 yaşlı Mehdi Kamil oğlu Nağıyevin idarə etdiyi "VAZ 2107" markalı avtomobil, Gədəbəy rayon sakini, 25 yaşlı Bəxtiyar Zeynal oğlu Məmmədovun idarə etdiyi "VAZ 2106" markalı avtomobillə toqquşub. Nəticədə hər iki sürücü və "VAZ 2106" markalı avtomobildə olan 5 sərnişin müxtəlif dərəcəli xəsarət alıb. Hadisənin "VAZ 2107" markalı avtomobilin qarşıdan gələn maşının yoluna çıxması səbəbindən baş verdiyi ehtimal olunur. Faktla bağlı Gədəbəy rayon Polis Şöbəsində cinayət işi başlanıb.

<span style="color:#FF0000;font-size:18px;">[b]Prezident İlham Əliyev Belçikanın Azərbaycandakı səfirini diplomatik fəaliyyətinin başa çatması münasibətilə qəbul edib[b]</span>

[Bakı - APA. Prezident İlham Əliyev oktyabrın 20-də Belçika Krallığının Azərbaycandakı səfiri Frank Girkensi diplomatik fəaliyyətinin başa çatması münasibətilə qəbul edib. Prezidentin mətbuat xidmətindən APA-ya daxil olan məlumata görə, səfir F. Girkens dövlət başçısı İ. Əliyevi seçkilərdə qələbə qazanması münasibətilə təbrik edib.Təbrikə görə minnətdarlığını bildirən prezident Azərbaycanla Belçika Krallığı arasında ikitərəfli əlaqələrin uğurla inkişaf etdiyini vurğulayıb. Müxtəlif sahələrdə əməkdaşlığın yaxşı səviyyədə olduğunu bildirən dövlət başçısı Belçika Krallığının Bakıda səfirliyinin açılmasını əlaqələrin daha da genişlənməsi baxımından əhəmiyyətini diqqətə çatdırıb.İkitərəfli münasibətlərin möhkəmlənməsində səfir F. Girkensin fəaliyyətini qeyd edən dövlət başçısı Azərbaycan-Belçika əlaqələrinin bundan sonra daha da genişlənəcəyinə əminliyini bildirib.

<span style="color:#FF0000;font-size:18px;">[b]Gələn ilin sonuna kimi Azərbaycanın bütün şəhər və rayon mərkəzləri elektron elektrik sayğacları ilə təmin olunacaq[b]</span>

[Bakı. Rəşad Süleymanov - APA-ECONOMICS. Ötən iki il ərzində Azərbaycanın enerji sistemində ölkənin daxili imkanları hesabına 700 MVt yeni güc əldə olunub. «APA-ECONOMICS»in məlumatına görə, bunu 20 oktyabr - Energetiklər Günü münasibəti ilə keçilən tədbirdə «Azərenerji» ASC-nin prezidenti Etibar Pirverdiyev bildirib.E.Pirverdiyevin sözlərinə görə, 2008-ci ilin sonuna kimi Səngəçalda 300 MVt, Sumqayıtda isə 525 MVt gücündə iki, gələn ilin birinci yarısında isə Qubada 104 MVt gücə malik yeni elektrik stansiyasının istifadəyə verilməsi planlaşdırılır.E.Pirverdiyev son illər elektrik şəbəkələrinin yenidən qurulduğunu, əhalinin enerji təchizatındakı fasilələrin aradan qalxdığını da vurğulayıb. «Azərenerji» rəhbəri bildirib ki, gələn il İmişli-Parsabad, İmişli-Şirvan, Şirvan-Salyan kimi yüksək gərginlikli elektrik verilişi xətlərinin istifadəyə verilməsi, yaxın vaxtlarda isə 330 kV-luq İmişli-Goranboy xəttinin tikintisinə başlanılması nəzərdə tutulur.«Dövlət başçısının tapşırığına əsasən, gələn ilin sonuna qədər bütün şəhərlərdə və rayon mərkəzlərində kartla işləyən sayğaclar quraşdırılacaq. Bundan sonra, digər yaşayış məntəqələrində bu tip sayğacların qurulması planlaşdırılır», - deyə E.Pirverdiyev vurğulayıb.E.Pirverdiyev bu ildən etibarən energetiklərin sosial vəziyyətinin yaxşılaşdırılması istiqamətində bir sıra tədbirlərə start verildiyini də qeyd edib. Bu gün Şirvan şəhərində «Azərenerji»nin işçiləri üçün tikilmiş 60 mənzilli yaşayış binası istifadəyə verilib. Energetiklərin mənzillə təminatının növbəti illərdə də həyata keçirilməsi planlaşdırılır.Tədbirin sonunda Azərbaycanın ali məktəblərinin energetika fakültələrinə yüksək balla qəbul olunmuş 37 tələbəyə mükafatlar təqdim olunub.Qeyd edək ki, 20 oktyabr - Energetiklər Günü 2004-cü ildən qeyd olunur.

<span style="color:#FF0000;font-size:18px;">[b]Prezidentliyə sabiq namizədlər "Xural" qəzetini məhkəməyə verəcəklər[b]</span>

[Bakı. Ramil Məmmədli-APA. Oktyabrın 15-də Azərbaycanda keçirilən prezident seçkisində namizəd olmuş şəxslərin bir neçəsi "Xural" qəzeti barədə məhkəməyə müraciət edəcək. Böyük Quruluş Partiyasının sədri, prezidentliyə keçmiş namizəd Fazil Qəzənfəroğlu APA-ya deyib ki, "Xural" qəzetinin sonuncu sayında seçki kampaniyası ilə bağlı çap olunan yazıda ona qarşı böhtan atılıb: "Həmin yazıda bildirilir ki, seçki kampaniyası üçün guya bizə verilən məbləği təzminat olaraq onun tərəfindən ödənilməsini tələb edəcəyik. Mən mətbuatla məhkəmə çəkişməsinin olmasını istəmirəm. Amma böhtanın bir dərəcəsi olmalıdır. Oktyabrın 26-a qədər vaxt vermişəm. Əgər həmin vaxta qədər təkzib verilməsə, oktyabrın 27-də məhkəməyə müraciət etmək məcburiyyətində qalacağıq. Bizim tərəfimizdən isə heç bir bağışlanma olmayacaq". Müasir Müsavat Partiyasının sədri, sabiq prezidentliyə namizəd Hafiz Hacıyev də məqalədə yazılanlarla bağlı məhkəməyə müraciət etmək niyyətində olduqlarını söyləyib: "Qəzetin baş redaktoru Əvəz Zeynallı yazıda həm dövlət başçısına, həm də prezidentliyə namizədlərə böhtan atıb. Sonra da jurnalist həbs olunanda, deyirlər ki, mətbuata təzyiqlər var. Biz nə edək ki, təhqir olunuruq". Bütöv Azərbaycan Xalq Cəbhəsi Partiyasının sədri, keçmiş prezidentliyə namizəd Qüdrət Həsənquliyev yazı ilə bağlı Mətbuat Şurasına müraciət etdiklərini deyib. Ümid Partiyasının sədri, keçmiş prezidentliyə namizəd İqbal Ağazadə məhkəməyə müraciət etmək niyyətində olmadığını bildirib: "Heç hara müraciət etmək niyyətim yoxdur. Yazını oxumamışam və oxusam da belə, kiməsə şikayət etmək istəmirəm. Fikrimcə, bu, mətbuata qarşı təzyiq olar". "Xural" qəzetinin baş redaktoru Əvəz Zeynallı isə deyib ki, məhkəmədə prezidentliyə sabiq namizədlərə qalib gəlməyə hazırdır: "Məmnunam ki, prezidentliyə namizədlər mübarizə aparmağa obyekt tapdılar".

<span style="color:#FF0000;font-size:18px;">[b]Dövlət qulluğuna qəbulla bağlı elan edilən müsabiqəyə yekun vurulub[b]</span>

[Bakı. Laura Cəbrayıllı - APA. Azərbaycan prezidenti yanında Dövlət Qulluğu Məsələləri üzrə Komissiya tərəfindən bu il sentyabrın 11-də dövlət qulluğuna qəbulla bağlı elan edilən müsabiqəyə sənəd qəbulu başa çatıb. Komissiyanın mətbuat xidmətindən APA-ya verilən məlumata görə, 33 dövlət orqanı üzrə 601 vakant dövlət qulluğu vəzifəsinə qeydə alınan 2338 namizədin 574-ü (24,6%) qadın, 1764-ü (75,4%) isə kişidir. Ən çox namizəd İqtisadi İnkişaf Nazirliyi (49 yerə 401 namizəd), Əmək və Əhalinin Sosial Müdafiəsi Nazirliyi (88 yerə 181 namizəd), Dövlət Əmlakının İdarə Edilməsi üzrə Dövlət Komitəsi (57 yerə 168 namizəd), Təhsil Nazirliyi (58 yerə 168 namizəd) və Dövlət Miqrasiya Xidmətinə (9 yerə 159 namizəd) qeydə alınıb. Namizədlər gələn ayın ilk ongünlüyündə test imtahanından, sonra isə müsahibədən keçəcəklər.

<span style="color:#FF0000;font-size:18px;">[b]Rusiya vətəndaşı Bakıda ölüb[b]</span>

[Bakı. Hafiz Heydərov - APA. Bakıda baş vermiş yol-nəqliyyat hadisəsində Rusiya vətəndaşı həlak olub. Bakı şəhər Baş Polis İdarəsindən APA-ya verilən məlumata görə, hadisə R. Rüstəmov küçəsində baş verib. Bakı şəhər sakini, 1978-ci il təvəllüdlü İlqar Vaqif oğlu Həşimov idarə etdiyi "Mercedes" markalı, 10 TN 871 dövlət nömrə nişanlı maşınla piyada, Rusiya vətəndaşı, 1975-ci il təvəllüdlü Vyeçeslav Vitalyeviç Balyayevi vurub. V. Balyayev aldığı xəsarətdən hadisə yerindəcə keçinib. Faktla bağlı araşdırma aparılır.

<span style="color:#FF0000;font-size:18px;">[b]Flora Kərimova Türkiyədə əməliyyat olunmaq fikrindən daşınıb[b]</span>

[Bakı. Ülkər Qasımova-APA. Azərbaycanın xalq artisti Flora Kərimova Türkiyədə gözündən əməliyyat olunmaq fikrindən daşınıb. Xalq artisti APA-ya bildirib ki, əməliyyatın olacağını biləndə çox həyəcanlanıb, qorxu hissi keçirib: "Əməliyyat barədə danışıqlardan sonra gözüm öz-özünə düzəlməyə başladı. Gözümün tam düzəlməsi üçün bir az vaxt lazımdır. Az bir müddətdə gözüm tam gücünü bərpa edəcək və daha əməliyyata ehtiyac qalmayacaq". F. Kərimova onu da bildirib ki, problem tam həll olunandan sonra yaradıcılıq işlərini sürətləndirəcək. O, 12 mahnısına klip çəkdirməyi qarşısına məqsəd qoyduğunu da açıqlayıb.

<span style="color:#FF0000;font-size:18px;">[b]İçərisində azərbaycanlılar olan sərnişin avtobusu Rusiyada qəzaya uğrayıb[b]</span>

[Saratov-APA. Bakı-Kirov marşrutu ilə hərəkət edən "SETRA S-140" tranzit avtobusu Volsk-Saratov şosesində qəzaya uğrayıb. APA-nın Rusiya mətbuatına istinadən verdiyi məlumata görə, içərisində Azərbaycan vətəndaşları olan avtobus yoldan çıxaraq xəndəyə yuvarlanıb. Sərnişinlərdən dördü müxtəlif dərəcədə xəsarət alıb. Qəzanın 47 yaşlı sürücünün maşını sürətlə idarə etməsi nəticəsində baş verdiyi güman olunur.

<span style="color:#FF0000;font-size:18px;">[b]"Neftçilər" metrostansiyasının yanında baş vermiş atışmanı törədən şəxs saxlanılıb[b]</span>

Bakı. Hafiz Heydərov-APA. Bu il oktyabrın 12-də paytaxtda "Neftçilər" metrostansiyasının yanında baş vermiş atışma ilə əlaqədar Bakı Şəhər Prokurorluğu və Bakı Şəhər Baş Polis İdarəsi ilə birgə məlumat hazırlayıb.

[Bakı Şəhər Prokurorluğundan APA-ya daxil olan məlumata görə, bu il oktyabrın 12-də Bakının Nizami rayonu, Qara Qarayev küçəsi 53 ünvanında "Neftçilər" metro stansiyasının yaxınlığında yerləşən "Avropa qapıları" mağazasının qarşısında Ədalət Çoban oğlu Çobanov ictimai qaydanı kobud şəkildə pozaraq, vətəndaş Azad Vaqif oğlu Rəhimovu təhqir edərək, qanunsuz saxladığı "Makarov" tipli tapança ilə havaya 5 dəfə atəş açıb və hadisə yerindən qaçıb. Məlumatda Ə. Cobanovun bu hərəkəti qərəzli xuliqanlıq əməli kimi qiymətləndirilib. Baş vermiş hadisə nəticəsində ölən və xəsarət alan olmayıb. Bu hadisə ilə əlaqədar Nizami rayon Polis İdarəsinin istintaq şöbəsində Cinayət Məcəlləsinin 221.3 və 221.1-ci maddələri ilə cinayət işi başlanılıb. Bakı Şəhər Prokurorluğunun və Bakı Şəhər Baş Polis İdarəsinin birgə apardığı istintaq tədbirləri nəticəsində Ə. Çobanov bu gün Nizami Rayon Polis İdarəsinin əməkdaşları tərəfindən həbs edilib, ondan "Makarov" tipli tapança götürülüb. Hazırda cinayət işi üzrə ibtidai istintaq tədbirləri davam etdirilir.Qeyd edək ki, Ə. Çobanov Gürcüstan vətəndaşıdır.

<span style="color:#FF0000;font-size:18px;">[b]Con Makkeyn seçki kampaniyası üçün Rusiyadan pul istəyib[b]</span>

Vaşinqton-APA. Respublikaçılar partiyasından prezidentliyə namizəd Con Makkeyn Rusiyanın BMT-dəki daimi nümayəndəliyinə məktub göndərərək öz seçki kampaniyasına maliyyə yardımı göstərilməsini xahiş edib.

[APA-nın məlumatına görə, daimi nümayəndəlik bununla bağlı press-reliz yayıb: "Biz senator Con Makkeyndən onun seçki kampaniyasına yardım göstərilməsi xahişi ilə məktub almışıq. Bununla əlaqədar bir daha təkrarlamaq istəyirik ki, nə Rusiya rəsmi şəxsləri, nə Rusiya Federasiyasının daimi nümayəndəliyi, nə də Rusiya hökuməti xarici ölkələrdə siyasi fəaliyyəti maliyyələşdirmir". Qeyd edək ki, Con Makkeyn dəfələrlə Rusiyanın kəskin tənqid edib və bu ölkəni "Böyük səkkizlik"dən çıxarmağa çağırıb.

<span style="color:#FF0000;font-size:18px;">[b]Abxaziya və Cənubi Osetiyanın sərhədlərini Rusiya Federal Təhlükəsizlik Xidməti mühafizə edəcək[b]</span>

Moskva-APA. Rusiya Xarici İşlər Nazirliyi Abxaziya və Cənubi Osetiyanın sərhədlərinin mühafizəsinin Federal Təhlükəsizlik Xidməti tərəfindən təmin olunmasına dair sazişin hazır olduğunu bəyan edib.

[APA-nın məlumatına görə, saziş Rusiya Dövlət Dumasının bu separatçı bölgələrlə dostluq, əməkdaşlıq və qarşılıqlı yardım barədə sazişi ratifikasiya etdikdən sonra imzalanacaq. Sazişi ratifikasiya etmək üçün dünən Dumaya təqdim edən prezident Dmitri Medvedev bu sənədi prioritet qaydada qəbul etməyə çağırıb. Sərhədlərin mühafizəsi hər iki sazişin yeddinci maddəsində öz əksini tapıb. Bu maddəyə əsasən, Rusiya hər iki bölgənin sərhədlərini qarşılıqlı razılaşma əsasında mühafizə edəcək. Dumada ratifikasiya olunan sənədə həmçinin Rusiya və separatçı bölgələrin bir-birinin ərazisində hərbi bazalar tikmək, istifadə etmək və mükəmməlləşdirmək hüququ verir. Sentyabrın əvvəllərində Rusiyanın müdafiə naziri Anatoli Serdyukov prezidentə etdiyi məruzəsində bildirib ki, hər iki bölgənin rəhbərliyi ilə bu ərazilərdə 3,800 nəfərlik Rusiya hərbi kontingentinin yerləşdirilməsi barədə razılaşma əldə olunub.

<span style="color:#FF0000;font-size:18px;">[b]Viktor Yuşşenko parlament seçkilərinin vaxtının dəyişdirilməsi barədə sərəncam imzalayıb[b]</span>

[Kiyev-APA. Ukrayna prezidenti Viktor Yuşşenko növbədənkənar parlament seçkilərinin vaxtının dəyişdirilməsi haqqında sərəncam imzalayıb. APA-nın məlumatına görə, dekabrın 7-nə təyin olunmuş seçkilərin vaxtı bir həftə uzadılıb. Viktor Yuşşenko seçkilərin vaxtının dəyişdirilməsinə görə məsuliyyəti baş nazir Yuliya Timoşenkonun daşıdığını bildirib. Onun sözlərinə görə, növbədənkənar seçkilərin keçirilməsi barədə prezident sərəncamı nə hökumət, nə də baş nazir tərəfindən yerinə yetirilməyib. Bu səbəbdən Ukrayna Milli Təhlükəsizlik Şurası prezidentə seçkilərin tarixinin dekabrın 14-nə dəyişdirilməsini tövsiyə edib. Yuşşenko həmçinin söz verib ki, onun istefaya göndərdiyi parlament bir neçə günlük öz işini bərpa edəcək. O, müvafiq sərəncamı bazar ertəsi imzalayacağını deyib. Prezidentin sözlərinə görə, parlamentin işinin müvəqqəti bərpası böhrana qarşı bəzi qanunların qəbulu ilə bağlıdır. Qeyd edək ki, prezident Yuşşenko Ali Radanın buraxılması və növbədənkənar seçkilərin təyin olunması barədə sərəncamı oktyabrın əvvəllərində imzalayıb.

<span style="color:#FF0000;font-size:18px;">[b]Rusiya Çexiya ərazisində yerləşdiriləcək ABŞ raket hücumundan müdafiə sistemini təftiş etmək istəyir[b]</span>

[Moskva-APA. Rusiyanın xarici işlər naziri Sergey Lavrov bəyan edib ki, ABŞ-ın Çexiyada raket hücumundan müdafiə sistemi yerləşdirməsi ilə bağlı narahatlığı yalnız bu obyektlərdə rus nümayəndələrin iştirakı ilə aradan qaldırıla bilər. APA-nın məlumatına görə, Lavrov amerikalı həmkarı Kondoliza Rays və Pentaqon rəhbəri Robert Qeytslə bu obyektlərin Rusiya tərəfindən daim təftiş edilməsi barədə şifahi razılıq əldə olunduğunu bildirib. Lakin sonradan ABŞ-ın təqdim etdiyi sənəddə bu məsələ öz əksini tapmayıb. Qeyd edək ki, iyulun 8-də ABŞ-la Çexiya arasında bu ölkə ərazisində ABŞ raket hücumundan müdafiə sistemlərinin yerləşdirilməsinə dair saziş imzalanıb.

<span style="color:#FF0000;font-size:18px;">[b]"Bakılı" futbol klubunun baş məşqçisi istefa verib[b]</span>

[Bakı. Vüqar Xeyrullayev - APA-SPORT. Azərbaycan Premyer Liqasında növbəti məşqçi istefası gerçəkləşib. "APA-SPORT"un məlumatına görə, debütant "Bakılı" klubunun baş məşqçisi Nadir Qasımov istefa verib.Çempionatın ilk 8 turunda cəmi 1 xal toplayan (top fərqi 4:22) paytaxt təmsilçisinin qeyri-qənaətbəxş çıxışı Qasımovun komandadan ayrılmasına səbəb olub. Bu, onun "Bakılı"dan ilk gedişi deyil. Belə ki, 2003/04 və 2004/05 mövsümlərində fasilələrlə komandanı çalışdırmış Qasımov artıq üçüncü dəfədir istefaya göndərilir.Hazırda baş məşqçi axtarışına çıxan "Bakılı"nın rəhbərliyi komandanı müvəqqəti olaraq, Bəxtiyar Qulamova tapşırıb. 1997/98 mövsümündə də "Bakılı"ya rəhbərlik etmiş Qulamov birinci dövrənin sonunadək bu vəzifəni icra edəcək.Qeyd edək ki, Nadir Qasımov Premyer Liqanın cari mövsümündə istefa verən dördüncü məşqçidir. Öncə Ağasəlim Mircavadov "Xəzər-Lənkəran"dan, Anatoli Demyanenko "Neftçi"dən, Mustafa Yılmaz isə "Turan"dan ayrılmışdı.

<span style="color:#FF0000;font-size:18px;">[b]Yanvar-sentyabr aylarında Azərbaycanda bütün maliyyə mənbələrindən əsas kapitala yatırılan sərmayənin həcmi 38% artıb[b]</span>

[Bakı. Nicat Mustafayev - APA-ECONOMICS. Bu ilin yanvar-sentyabr ayları ərzində Azərbaycanın iqtisadi və sosial sahələrinin inkişafı üçün bütün maliyyə mənbələrindən əsas kapitala 6 283,0 mln. manat məbləğində və ya əvvəlki ilin müvafiq dövrünün səviyyəsindən 38% çox investisiya yönəldilib.Dövlət Statistika Komitəsindən «APA-ECONOMICS»ə verilən məlumata görə, dövlət mülkiyyətinə məxsus müəssisə və təşkilatlar əsas kapitala 3 943,5 mln. manat və ya ümumi investisiyanın 62,8%-i, qeyri-dövlət müəssisələri 2 339,5 mln. manat və 37,2%-ə qədər sərmayə qoyub. Tikinti-quraşdırma işlərində istifadə edilmiş investisiyanın həcmi əvvəlki ilin müvafiq dövrü ilə müqayisədə 55% artaraq 4 089,3 mln. manat olub. İstehsal təyinatlı obyektlərin inşasında 4 715,6 mln. manat, qeyri-istehsal təyinatlı obyektlərin tikintisində 1 567,4 mln. manatlıq investisiyadan istifadə edilib. Hesabat ilinin 9 ayında əsas kapitala yönəldilmiş vəsaitin 72,5%-i daxili investisiyalar, 27,5%-i isə xarici investisiyalar təşkil edib. Daxili investisiya əvvəlki ilin müvafiq dövrünün səviyyəsini 75,6% üstələyib. Əsas kapitala yönəldilmiş daxili investisiyanın 83,5%-i dövlət mülkiyyətinə məxsus müəssisə və təşkilatların, 16,5%-i qeyri-dövlət mülkiyyətinə məxsus müəssisələrin payına düşür.Bu il büdcədən maliyyələşdirilməsi nəzərdə tutulan inşaat işlərini həyata keçirmək üçün dövlət büdcəsindən 4 326,3 mln. manat vəsait nəzərdə tutulub. Hesabat dövründə bu vəsaitin 2 496,3 mln. manatından və ya 57,7%-dən istifadə edilib. İstifadə edilmiş investisiyanın ¾ hissəsindən çoxunu tikinti-quraşdırma işləri təşkil edib.Əsas kapitala yönəldilmiş sərmayənin ümumi həcmində müəssisə və təşkilatların vəsaitləri 2 794,7 mln. manat (ümumi investisiyanın 44,5%-i), bank kreditləri 248 mln. manat (3,9%-i), büdcə vəsaitləri 2 621,2 mln. manat (41,7%-i), büdcədənkənar fondların vəsaitləri 417 mln. manat (6,6%-i), əhalinin şəxsi vəsaitləri 198 mln. manat (3,2%-i), digər vəsaitlər isə 4,1 mln. manat (0,1%-i) təşkil edib. Cari ilin ilk 9 ayı ərzində əsas kapitala yönəldilmiş bütün investisiyanın 45,2%-i sənaye sahələrinin inkişafına, 3,6%-i kənd təsərrüfatına, 0,4%-i ticarət və xidmətə, 23,8%-i nəqliyyata, 1,7%-i rabitəyə, 7,5%-i mənzil tikintisinə, 2,7%-i səhiyyəyə, 4,1%-i təhsilə, 11%-i isə digər sahələrə sərf edilib.Əsas kapitala yönəldilmiş ümumi investisiyanın 4 197,2 mln. manatı (66,8%-i) qeyri-neft bölməsinin, 2 085,8 mln. manatı (33,2%-i) neft bölməsinin inkişafında istifadə edilib. Əvvəlki ilin müvafiq dövrü ilə müqayisədə qeyri-neft bölməsinə yönəldilmiş investisiyanın həcmi 96,1% yüksək olub. Qeyd edək ki, 2008-ci ilin yanvar-sentyabr aylarında Ağdam, Salyan, Kürdəmir, Oğuz, Sabirabad və Qusar rayonlarında Olimpiya İdman Kompleksləri, Bakı şəhərində gücü 7 min ton olan illik pambıq emalı fabriki, Zaqatala rayonunda Hava Limanı, Şamaxı şəhərində məişət soyuducuları, Bərdə rayonunda asfalt-beton, Kürdəmir rayonunda konserv, Qəbələ rayonunda süd emalı, Saatlı rayonunda biyan və Balakən rayonunda yem istehsalı zavodları, Ağstafa rayonunda tikiş fabriki, Şəki rayonunda kolbasa məmulatı və pendir istehsalı sexləri, ölkənin müxtəlif bölgələrində 137,1 km uzunluğunda fiber-optik magistral kabel xətti və 67,7 min nömrəlik avtomat telefon stansiyaları, bütün maliyyə mənbələri hesabına ümumi sahəsi 1 035,7 min kv. metr olan yeni yaşayış evləri, 6 790 şagird yerlik ümumtəhsil məktəbləri, 197 çarpayılıq xəstəxana, növbədə 513 nəfəri qəbul edən ambulatoriya-poliklinika müəssisəsi, 1 390 yerlik məktəbəqədər uşaq müəssisəsi, 840 yerlik klub, Babək rayonunda «Duzdağ» Fizioterapiya və Naxçıvan şəhərində Əyləncə İdman Mərkəzləri, Gəncə şəhərində, Qazax, Qəbələ və Zaqatala rayonlarında Müalicə Diaqnostika Mərkəzləri, Qəbələdə «Qafqaz» turizm istirahət kompleksi və «Yengicə İstisu» sağlamlıq və istirahət kompleksi, Balakən rayonunda Avtovağzal binası və digər obyektlər istifadəyə verilib. Bununla yanaşı, cari ilin 9 ayında təbiətin mühafizəsi obyektlərinin inşasına 60,4 mln. manat məbləğində investisiya yönəldilib ki, bu vəsaitin 42,1 mln. manatı su mənbələrinin mühafizəsi və istifadəsinə, 16,6 mln. manatı torpaqların mühafizəsi və səmərəli istifadəsinə və 1,7 mln. manatı atmosferin mühafizəsinə sərf edilib.

<span style="color:#FF0000;font-size:18px;">[b]Dünya bazarında neft daha 3% bahalaşıb[b]</span>

[Bakı. Vahab Rzayev - APA-ECONOMICS. Oktyabrın 20-də Nyu-Yorkun NYMEX əmtəə birjasında keçirilən hərracın gedişində WTI neftinin ixracına dair noyabr müqaviləsinin dəyəri 2,4 dollar və ya 3,34% qalxaraq 1 barelə görə 74,25 dollar təşkil edib.«APA-ECONOMICS»in məlumatına görə, ICE London qitələrarası birjasında noyabrda ixrac etməklə Brent markalı neftin 1 barelinin dəyəri 2,43 dollar - 72,03 dollaradək artıb. Neft bazarına əsasən OPEC-in neft hasilatının azaldılacağına dair bəyanatları təsir edib. Qeyd edək ki, OPEC-in oktyabrın 24-də keçiriləcək fövqəladə iclasında gündəlik neft hasilatın iki mərhələyə 2 mln. barel azaldılması barədə qərarın qəbul ediləcəyi gözlənilir.

<span style="color:#FF0000;font-size:18px;">[b]Dow Jones indeksi 4,65%, S&P 500 4,77%, Nasdaq isə 3,43% yüksəlib[b]</span>

[Bakı. Vahab Rzayev - APA-ECONOMICS. Oktyabrın 20-də Amerika bazarlarında Dow Jones indeksi 4,65% - 9265,43 bəndədək, S&P 500 4,77% - 985,40 bəndədək, Nasdaq isə 3,43% - 1770,03 bəndədək yüksəlib. «APA-ECONOMICS»in məlumatına görə, oktyabrın 20-də Amerika fond bazarlarında artımın əsas səbəbi ABŞ-ın Federal Ehtiyat Sisteminin böhranın uzunmüddətli mənfi təsirinin aradan qaldırılması üçün dövlət tərəfindən əlavə vəsaitin ayrılması zərurəti barədə bəyanatı və dünya bazarlarında neftin qiymətinin artması olub. Nəticədə, maliyyə və enerji sektorunun şirkətlərin səhmləri bahalaşıb. Belə ki, «Merrill Lynch» bankının səhmləri 6,45%, «Citigroup»un 1,4%, «Goldman Sachs»ın 6,3%, «ExxonMobil»in 10,2%, «Chevron»un 11,6%, «NRG Energy İnc.»in 29,3%, dünyada ikinci yeri tutan «Halliburton»un səhmləri isə 13,9% yüksəlib. Avropa fond birjalarında Britaniya FTSE 100 indeksi 5,41% - 4282,67 bəndədək, Fransa CAC-40-ı 3,56% - 3448,51 bəndədək, Almaniya DAX-ı isə 1,12% - 4835,01 bəndədək artıb. Kotirovkaların artması əsasən maliyyə və enerji sektorunda müşahidə olunub. Belə ki, «Deutsche Bank»ın səhmləri 1,1%, «Barclays»ın 7,1%, HSBC-nin 5,4%, «Total»in 7,1%, BP-nin 10,42%, «Royal Dutch Shell»in səhmləri isə 10,56% bahalaşıb.Dünya bazarında avronun dollara qarşı məzənnəsi 1,3332 dollar təşkil edib (-0,01%).