Azərbaycan Xəbərləri

Milli Azərbaycan musiqisi – “Muğam” Londonda

Milli Azərbaycan musiqi aləti, kamançanın ustası sayılan Gefri Veerbax mürəkkəb Azərbaycan musiqisinin nadir qərb ifaçılarındandır. Özünün çox incə və zərif ifası ilə tanınmış Gefri çox nadir duyulan incə köklənmiş Azərbaycan muğam musiqi adət-ənənəsini bütün dünya dinləyicilərinə çatdırmışdır.

6 yaşında piano, 10 yaşında musiqi bəstələməyə başlayan Veerbax Birləşmiş Ştatlarda, Avropada və Orta Şərqdə, həmçinin də Azərbaycan televiziya və radiosunda ifa etmişdir. O, 2001-ci ildə Dövlət Musiqi Akademiyasının Azərbaycan Milli Konservatoriyası tərəfindən şərəf dərəcəsi ilə mükafatlandırılmışdır. 2002-ci ildə Smitsonian İnstitutunun İpək Yolu Festivalında Azərbaycanın rəsmi təmsilçisi seçilmişdir.

Gefri Veerbax oktyabr ayının 19-da Londonda “Puşkin Evi”ndə öz ifası ilə çıxış edəcək. Londona səfəri müddətində o, orada yaşayan azərbaycanlı ictimaiyyətlə və “Kaspian-Xəzri” Azərbaycan Məktəbi və “Azərbaycan Evi”nin nümayəndələri ilə görüşəcək.

Konsert London-Azərbaycan cəmiyyəti tərəfindən təşkil olunmuşdur.

Aqşin B. Bağırov,
“Euro Xəbər”

SUMQAYITDA BOMBA HƏYƏCANI

Göz Xəstəlikləri İnstitutunun partladılacağı ilə bağlı anonim zəng aləmi qarışdırdı
Dünən Sumqayıt bomba həyəcanı yaşayıb. Saat 19:30 radələrində Göz Xəstəlikləri İnstitutuna zəng edən naməlum şəxs sözügedən xəstəxanaya bomba qoyulduğunu deyib. Bundan sonra xəstəxananın tibb bacısı bu barədə baş həkimi məlumatlandırıb. Baş həkim isə dərhal Polis İdarəsinə, Şəhər İcra Hakimiyyətinin başçısına və digər müvafiq qurumlara məlumat verib. Az keçmiş xəstəxana polis və Fövqəladə Hallar Nazirliyinin əməkdaşları tərəfindən mühasirəyə alınıb. Fövqəladə hallar nazirinin müavini Oruc Əliyev də hadisə yerində olub. İlk olaraq xəstələr və tibbi heyət evakuasiya edilib. Bundan sonra əraziyə minaaxtaranlar gətirilib.

QUŞ QRİPİ AZƏRBAYCANA DOĞRU GƏLİR

Rusiyanın Krasnodar vilayətində təhlükəli virus aşkar olunub
Quş qripi virusu Azərbaycanla qonşu ölkələrdə yenidən baş qaldırıb. Rusiya KİV-inin məlumatlarına görə, ölkənin Krasnodar vilayətindəki quşçuluq fermalarından birində H5N1 virusu aşkar olunub. Bununla bağlı Rusiyanın dövlət kənd təsərrüfatı nəzarəti agentliyi vilayətin bütün quşçuluq fermalarından və həyətyanı təsərrüfatlarda yoxlamaya başlayıb. Virusun aşkar olunduğu fermada 22 min quş məhv edilib. Xəstəliyin vilayətə köçəri quşlar vasitəsilə gətirildiyi güman edilir. Həmin vilayətdə köçəri quşların miqrasyasına geniş təsadüf olunur.

Yeni Musavat

BAKIDA ÜÇ ALMANİYA RƏSSAMININ BİRGƏ SƏRGİSİ AÇILACAQDIR

AzərTAc xəbər verir ki, oktyabrın 12-də Almaniya Federativ Respublikasının Azərbaycandakı səfirliyinin dəstəyi ilə “Qız qalası” qalereyasında almaniyalı üç fırça ustasının-İbrahim Əhrari (təsviri sənət), Peter Foeller (qrafika) və Falko Xammanın (heykəltəraşlıq) “Bakı-Berlin” adlı birgə sərgisi açılacaqdır.
Əslən Azərbaycandan olan rəssam İ.Əhrari uzun illərdir ki, Almaniyada yaşayır və onun ölkəmizlə sıx mədəni əlaqəsi bu gün də davam edir. O, Almaniya Rəssamlar İttifaqının və Azərbaycan-Almaniya Mədəni Əməkdaşlıq Cəmiyyətinin üzvüdür.
Sərgi oktyabrın 22-dək davam edəcəkdir.

AzərTAc

İran Azərbaycanda nəşr edilən yeni xəritəyə etiraz edib


İran Milli Təhlükəsizlik Komissiyası və Milli Məclisinin xarici siyasət üzrə rəhbəri Əlaəddin Burucerdi Azərbaycanda nəşr edilən yeni atlas xəritəsinə etiraz edərək bildirib ki, bu xəritədə İran və bəzi qonşu ölkələrin ərazisinin Azərbaycan ərazisi kimi göstərilməsi ABŞ və sionizmin bölgədə yürütdüyü siyasətin göstəricisidir.
İranın İSNA agentliyinin oktyabrın 7-də verdiyi məlumata əsasən, Burucerdi əlavə edib ki, İran qonşu ölkələrin ərazi bütövlüyünə hörmətlə yanaşır. “Ərazi iddiası məsələsi qalxsa, birinci, İrandan ayrılmış (Azərbaycan) ərazi geri qaytarılmalıdır” - deyə Burucerdi bildirib.

İSNA agentliyinin oktyabrın 6-da yaydığı məlumata əsasən, Azərbaycan Milli Akademiyasının Tarix İnstitutu tərəfindən yeni nəşr edilən atlas xəritədə İran və bəzi qonşu ölkələrin ərazisi Azərbaycan ərazisi kimi göstərilib. AMEA Tarix İnstitutunun direktoru Yaqub Mahmudov bildirib ki, bu xəritə Azərbaycanın orjinal xəritəsidir və göstərilən əraziləri ədalətsiz qərarlar çıxarılması nəticəsində tarix boyu Azərbaycandan ayırıblar. Mahmudov əlavə edib, yaxın gələcəkdə bu xəritə rus və ingilis dillərində dünyanın bir çox ölkələrinə də yayılacaq.

QayNar

Ermeniler Sınır Bölgesindeki Azeri Subayı Öldürdü

Azerbaycan Savunma Bakanlığı, İhtilaflı Dağlık Karabağ Sınırında Bir Azeri Subayın Ermeni Güçlerince Açılan Ateş Sonucu Hayatını Kaybettiğini Açıkladı.

Azerbaycan Savunma Bakanlığı, ihtilaflı Dağlık Karabağ sınırında bir Azeri subayın Ermeni güçlerince açılan ateş sonucu hayatını kaybettiğini açıkladı.

Bakanlık sözcüsü Eldar Sabiroğlu yaptığı açıklamada, "Ermeni güçleri ateşkesi ihlal ederek, Agdam bölgesindeki Azeri mevzilerine ateş açmış ve Üst Teğmen Bulkhasan Melikov şehit olmuştur" dedi.

Ermeni güçleri 1990'lı yılların başında Dağlık Karabağ'ı işgal etmişti. İşgal sonucu 30 bin kişi hayatını kaybetmiş ve 1 milyondan fazla kişi de evlerinden kaçmak zorunda kalmıştı.

Taraflar arasında 1994'te bir ateşkes anlaşması imzalanmış ve doğrudan ticaret ve ulaşım bağlantıları kesilmişti.

İHA / 08.10.2007

Xəzərin statusu ilə bağlı bəyannamə layihəsinə gələn həftə Tehranda baxılacaq


Xəzərin hüquqi statusu ilə bağlı gələcək konvensiya məsələləri üzrə 5 ölkənin (Rusiya, İran, Qazaxıstan, Azərbaycan, Türkmənistan) razılığının əldə olunması üçün nəzərdə tutulmuş Xəzəryanı dövlətlərin bəyannamə layihəsi gələn həftə Tehranda keçiriləcək Xəzər sammitində müzakirə olunacaq. Bu barədə bu gün jurnalistlərə RF-nin xarici işlər naziri Sergey Lavrov məlumat verib, RBK -nın məlumatında belə deyilir.

«Beş ölkənin prezidenti tərəfindən bəyannamənin imzalanması status məsələlərinin birdəfəlik həlli istiqamətində atılan mühüm addım olacaq» - deyə Lavrov bildirib. Nazir, həmçinin, qeyd edib ki, qarşıdakı sammitdə Xəzərin statusu ilə bağlı razılaşdırılmamış məsələlər də müzakirə olunacaq. «Biz ümid edirik ki, prezidentlər fikir mübadiləsi yolu ilə qalan məsələlərin tezliklə həll olunması üzrə apardığımız işin gələcək istiqamətini müəyyən edə biləcəklər» - deyə nazir bəyan edib.

Xəzərin təbii ehtiyatlarına 500-dən çox bitki növü və 854 növ balıq daxildir (eləcə də, dünyanın nərə balığı ehtiyatlarının 90%-i). Neft ehtiyatları isə, dünyanın neft ehtiyatlarının 2%-ni təşkil etməsinə baxmayaraq, regionun enerji təhlükəsizliyini təmin etmək üçün kifayətdir. SSRİ-nin dağılması ilə sahilyanı ölkələrir sayının ikidən beşə qədər artması nəticəsində, bütün Xəzəryanı dövlətlərin iştirakı ilə Xəzər dənizinin statusu ilə bağlı yeni müqavilənin qəbul olunmasına ehtiyac yaranıb.

Xəzəryanı dövlətlərin birinci sammiti 2002-ci ilin aprel ayında keçirilib. Sammit zamanı ikinci sammitin 2003-cü ildə Tehranda keçirilməsinə dair qərar qəbul olunub. Lakin bu vaxta qədər sammit hər il təxirə salınıb.

Express

Borclu abonentlərin suyu kəsiləcək

Azərbaycanın "Azərsu" Açıq Səhmdar Cəmiyyəti (ASC) oktyabrın 22-dən borclu abonentlərin su təchizatını dayandıracaq. Bu barədə "APA-Economics"ə "Azərsu" ASC-nin ictimaiyyətlə əlaqələr şöbəsindən məlumat verilib.
"Azərsu" ASC su istehlakçılarının nəzərinə çatdırır ki, su sayğacları quraşdırmayan, su və kanalizasiya xidmətlərinin dəyərini tam ödəməyən müəssisə və təşkilatların su təchizatı birtərəfli qaydada dayandırılacaq. Kəsintilər Bakı şəhəri və Abşeron yarımadası ilə yanaşı ölkənin digər şəhər və rayonlarında da aparılacaq. Qeyd edək ki, Bakı, Sumqayıt, �əncə, Mingəçevir, Əli Bayramlı, Xırdalan şəhərləri və Abşeron rayonu üzrə 1 kubmetr suyun əhali kateqoriyasına satış qiyməti 18 qəpik, kanalizasiya xidmətləri isə 4 qəpikdir. Sayğacı olmayan abonentlər üçün isə ay ərzində 6 kubmetr su həcmi müəyyənləşdirilib.
Regionlarda isə suyun 1 kubmetrinin qiyməti 14 qəpik, kanalizasiya xidmətləri isə 3 qəpik təşkil edir. Yuxarıda adıçəkilən iri şəhərlərdə digər kateqoriyalardan olan abonentlər (istehsal, ticarət, xidmət, kommersiya və s.) suyun 1 kubmetrinə görə 70 qəpik, sudan xammal kimi istifadə üçün isə 12 manat ödəməlidir.

Şadlıq evlərinə reydlər keçiriləcək

Toyların başlaması qaz oğrularını fəallaşdırır
Ramazan ayının qurtarması və toy şənliklərinin başlaması ilə əlaqədar "Azəriqaz" şadlıq evlərində reydlər keçirəcək. Qurumun xidmət rəisi Nüsrət Qasımovun "OLAYLAR"a verdiyi məlumata görə, reydlərdə məqsəd şadlıq evlərinin qaz oğurluğu ilə məşğul olub-olmamasını araşdırmaqdır.
İndiyə qədər bir neçə şadlıq evində qaz oğurluğu faktının aşkarlandığını və şadlıq evlərinin 7 min manat vəsait ödəməsi üçün məhkəməyə müraciət edildiyini deyən N.Qasımov paytaxtdakı şadlıq evlərinin də qaz oğurluğu ilə məşğul olduğunu, lakin məsələnin yerində həll edilib istifadə edilən qazın dəyərinin ödənildiyini vurğulayıb.

ADALET

Tikinti şirkətləri qorxuya düşüb

Yeni binalarda təkrar bərkidilmə işlərinə başlanılıb
Yeni tikintilərdə aparılan yoxlamalar əksər şirkətlərin narahatçılığına səbəb olub. Azərbaycan Bələdiyyə Sistemindən "OLAYLAR"a bildiriblər ki, buna görə də bəzi şirkətlər tikinti işlərini yarımçıq saxlamaqla yoxlamalardan yayınmaq istəyir: "Araşdırmalardan bəlli olub ki, tikintilər keyfiyyətsiz aparıldığından bərkidilmə işlərinə ehtiyac var. "Təzə bazar" yaxınlığında inşa edilmiş binalara bitişik avtomobil dayanacaqlarında təkrar bərkidilmə işlərinə başlanılıb. Bu prosesə 6 tikinti şirkəti də qoşulub. Yoxlama aparılmasına qərar verilməsəydi, keyfiyyətsiz binalar sakinlərin həyatı üçün təhlükə mənbəyinə çevrilərdi".

ADALET

Mövlana Cəlaləddin Ruminin 800 illiyi dünya miqyasında qeyd edilir


“Azərbaycanda Mövlana Cəlaləddin Rumi günləri” keçiriləcək

“Gəl, gəl yenə gəl! Hər nə olursa olsun, yenə də gəl. İstər xristian, istər məcusi, istər bütpərəst ol. Bizim dərgahımız ümidsizlik dərgahı deyil. Tövbəni yüz kərə pozmuş olsan belə, yenə gəl”. Bu misralar Şərqin böyük mütəfəkkiri Mövlana Cəlaləddin Rumiyə məxsusdur. Bu böyük şəxsiyyətdən söz açmağımız səbəbsiz deyil. Bildiyiniz ki, YUNESKO 2007-ci ili “Dünyada Mövlana ili” kimi elan edib. Hazırda dünyanın bir çox ölkələrində bu istiqamətdə təntənəli tədbirlər və layihələr həyata keçirilməkdədir.
Oktyabrın 21-25-dək bu böyük şair və mütəfəkkirin 800 illiyi münasibətilə “Azərbaycanda Mövlana Cəlaləddin Rumi günləri” keçiriləcək. Mədəniyyət və Turizm Nazirliyinin, Konya Böyükşəhər Bələdiyyəsinin, Rəssamlar İttifaqının, Yazıçılar Birliyinin, Milli Elmlər Akademiyasının, o cümlədən “NAB Qrup”un təşkilatçılığı və dəstəyi ilə ölkənin bir sıra mədəniyyət ocaqlarında, teatrlarda, konsert salonlarında, habelə müxtəlif bölgələrdə bir neçə günlük silsilə tədbirlər keçiriləcək. Tədbirlərin əsas təşkilatçısı isə əməkdar incəsənət xadimi, professor Tofiq İsmayılovdur.
“Azərbaycanda Mövlana Cəlaləddin Rumi günləri” çərçivəsində Bakı İncəsənət və Müasir İncəsənət Mərkəzlərində İrandan və Türkiyədən dəvət olunan rəssamların işlərindən ibarət sərgilər təşkil olunacaq. Təntənəli açılış mərasimi Dövlət Filarmoniyasında baş tutacaq. Gecədə Mövlana ənənələrinə uyğun olaraq Konya Böyükşəhər Bələdiyyəsinin “Səma” qrupunun ifasında “Səma göstərişi” olacaq. Qeyd edək ki, ötən il “Asiya dialoqu” və Qafqaz Media Mərkəzinin dəvəti ilə ölkəmizə dəvət edilən və azərbaycanlı tamaşaçıların böyük marağına səbəb olan “Səma” qrupunun göstəriləri Azərbaycanın müxtəlif bölgələrində də təşkil ediləcək.
Oktyabrın 24-də isə Musiqili Komediya Teatrında Mövlanaya həsr olunmuş şeir və musiqi gecəsi keçiriləcək. İki hissədən ibarət olacaq gecədə Azərbaycan aktyorları Cəlaləddin Ruminin məşhur “Məsnəvi”sindən nümunələr əsasında hazırlanan “Mövlana və yaşayan poeziya” adlı şeir kompozisiyası ilə çıxış edəcəklər. Tədbirdə Konyadan və İrandan gəlmiş ney ustalarının və digər musiqiçilərin ifaları səslənəcək.
Layihə çərçivəsində müxtəlif ölkələrdən gələcək elm adamlarının qatılacağı simpozium təşkil ediləcək və Akademik Opera və Balet Teatrında İrandan gələcək xoreoqrafiya qrupunun “Oyanan eşq” adlı kompozisiyası nümayiş olunacaq.

Yeni AzMövlana Cəlaləddin Ruminin 800 illiyi dünya miqyasında qeyd edilir


“Azərbaycanda Mövlana Cəlaləddin Rumi günləri” keçiriləcək

“Gəl, gəl yenə gəl! Hər nə olursa olsun, yenə də gəl. İstər xristian, istər məcusi, istər bütpərəst ol. Bizim dərgahımız ümidsizlik dərgahı deyil. Tövbəni yüz kərə pozmuş olsan belə, yenə gəl”. Bu misralar Şərqin böyük mütəfəkkiri Mövlana Cəlaləddin Rumiyə məxsusdur. Bu böyük şəxsiyyətdən söz açmağımız səbəbsiz deyil. Bildiyiniz ki, YUNESKO 2007-ci ili “Dünyada Mövlana ili” kimi elan edib. Hazırda dünyanın bir çox ölkələrində bu istiqamətdə təntənəli tədbirlər və layihələr həyata keçirilməkdədir.

Oktyabrın 21-25-dək bu böyük şair və mütəfəkkirin 800 illiyi münasibətilə “Azərbaycanda Mövlana Cəlaləddin Rumi günləri” keçiriləcək. Mədəniyyət və Turizm Nazirliyinin, Konya Böyükşəhər Bələdiyyəsinin, Rəssamlar İttifaqının, Yazıçılar Birliyinin, Milli Elmlər Akademiyasının, o cümlədən “NAB Qrup”un təşkilatçılığı və dəstəyi ilə ölkənin bir sıra mədəniyyət ocaqlarında, teatrlarda, konsert salonlarında, habelə müxtəlif bölgələrdə bir neçə günlük silsilə tədbirlər keçiriləcək. Tədbirlərin əsas təşkilatçısı isə əməkdar incəsənət xadimi, professor Tofiq İsmayılovdur.

“Azərbaycanda Mövlana Cəlaləddin Rumi günləri” çərçivəsində Bakı İncəsənət və Müasir İncəsənət Mərkəzlərində İrandan və Türkiyədən dəvət olunan rəssamların işlərindən ibarət sərgilər təşkil olunacaq. Təntənəli açılış mərasimi Dövlət Filarmoniyasında baş tutacaq. Gecədə Mövlana ənənələrinə uyğun olaraq Konya Böyükşəhər Bələdiyyəsinin “Səma” qrupunun ifasında “Səma göstərişi” olacaq. Qeyd edək ki, ötən il “Asiya dialoqu” və Qafqaz Media Mərkəzinin dəvəti ilə ölkəmizə dəvət edilən və azərbaycanlı tamaşaçıların böyük marağına səbəb olan “Səma” qrupunun göstəriləri Azərbaycanın müxtəlif bölgələrində də təşkil ediləcək.

Oktyabrın 24-də isə Musiqili Komediya Teatrında Mövlanaya həsr olunmuş şeir və musiqi gecəsi keçiriləcək. İki hissədən ibarət olacaq gecədə Azərbaycan aktyorları Cəlaləddin Ruminin məşhur “Məsnəvi”sindən nümunələr əsasında hazırlanan “Mövlana və yaşayan poeziya” adlı şeir kompozisiyası ilə çıxış edəcəklər. Tədbirdə Konyadan və İrandan gəlmiş ney ustalarının və digər musiqiçilərin ifaları səslənəcək.

Layihə çərçivəsində müxtəlif ölkələrdən gələcək elm adamlarının qatılacağı simpozium təşkil ediləcək və Akademik Opera və Balet Teatrında İrandan gələcək xoreoqrafiya qrupunun “Oyanan eşq” adlı kompozisiyası nümayiş olunacaq.

Yeni Azərbaycan

2008-ci ildə Azərbaycanı da “Eurovision” müsabiqəsində görəcəyik


Dünən müsabiqədə ölkəmizi təmsil edəcək müğənnini müəyyənləşdirmək üçün ilk seçim turu keçirilib

“Biz sözümüzün üstündə durduq və Azərbaycanın “Eurovision” müsabiqəsində iştirakı üçün hazırlıqlara başladıq”. Bu sözləri APA-ya açıqlamasında mədəniyyət və turizm naziri Əbülfəs Qarayev deyib. Nazir Heydər Əliyev Fondunun, Mədəniyyət və Turizm Nazirliyinin, Gənclər və İdman Nazirliyinin keçirdiyi ilk seçim turunun arxada qaldığını bildirib: “Amma bunun nəticələri barədə bir söz deyə bilmərəm. Yəqin ki, 2008-ci ildə Azərbaycanı “Eurovision” müsabiqəsində görəcəyik”.

Bu arada dünən Rəşid Behbudov adına Dövlət Mahnı Teatrında 2008-ci ildə keçiriləcək “Evrovision” müsabiqəsində Azərbaycan təmsilçisinin müəyyənləşdirilməsi üçün keçirilən ikigünlük seçim turunun I mərhələsi başa çatıb. II turun bir həftə sonra keçirilməsi gözlənilir. I turda 30 müğənninin ifası dinlənilsə də, nəticələr hələlik məlum deyil. Sənətçi Röya isə müsabiqənin seçim turunda iştirakdan imtina edib. İradə İbrahimovanın da seçim turunda iştirak etmək istəmədiyi deyilir. Heydər Əliyev Fondunun, Mədəniyyət və Turizm Nazirliyinin, Gənclər və İdman Nazirliyinin həyata keçirdiyi ilk seçim turu qapalı keçirilib. 13 nəfərlik münsiflər heyətində Gənclər və idman naziri Azad Rəhimov, professor Nərgiz Paşayeva, Azərbaycan Dövlət Akademik Opera və Balet Teatrının direktoru Akif Məlikov, bəstəkarlar Vaqif Gərayzadə, Faiq Sücəddinov, xalq artisti Təranə Muradova, Teymur Əmrah, “Evrovision” müsabiqəsinin təşkilat komitəsinin nümayəndəsi təmsil olunub. Müsabiqədə iştirak edəcək sənətçilər sırasında Samir Bağırov, İlhamə Qasımova, Ayaz Qasımov, Samirə, Nurlan Növrəsli, Xəyyam, Elton Hüseynəliyev, “Rast” qrupu, Elnarə və başqaları var. Münsiflər heyətinin üzvü Teymur Əmrahın bildirdiyinə görə, iştirakçılardan daha çox Emil Əliyevin ifasını bəyənib: “Emil Əliyevin musiqi təhsili yoxdur, onu hələ Azərbaycan cəmiyyətində heç kim tanımır. Amma onun belə nüfuzlu müsabiqədə iştirakı üçün arıqlaması lazımdır”.

Yeni Az

2008-ci ildə Azərbaycanı da “Eurovision” müsabiqəsində görəcəyik


Dünən müsabiqədə ölkəmizi təmsil edəcək müğənnini müəyyənləşdirmək üçün ilk seçim turu keçirilib

“Biz sözümüzün üstündə durduq və Azərbaycanın “Eurovision” müsabiqəsində iştirakı üçün hazırlıqlara başladıq”. Bu sözləri APA-ya açıqlamasında mədəniyyət və turizm naziri Əbülfəs Qarayev deyib. Nazir Heydər Əliyev Fondunun, Mədəniyyət və Turizm Nazirliyinin, Gənclər və İdman Nazirliyinin keçirdiyi ilk seçim turunun arxada qaldığını bildirib: “Amma bunun nəticələri barədə bir söz deyə bilmərəm. Yəqin ki, 2008-ci ildə Azərbaycanı “Eurovision” müsabiqəsində görəcəyik”.

Bu arada dünən Rəşid Behbudov adına Dövlət Mahnı Teatrında 2008-ci ildə keçiriləcək “Evrovision” müsabiqəsində Azərbaycan təmsilçisinin müəyyənləşdirilməsi üçün keçirilən ikigünlük seçim turunun I mərhələsi başa çatıb. II turun bir həftə sonra keçirilməsi gözlənilir. I turda 30 müğənninin ifası dinlənilsə də, nəticələr hələlik məlum deyil. Sənətçi Röya isə müsabiqənin seçim turunda iştirakdan imtina edib. İradə İbrahimovanın da seçim turunda iştirak etmək istəmədiyi deyilir. Heydər Əliyev Fondunun, Mədəniyyət və Turizm Nazirliyinin, Gənclər və İdman Nazirliyinin həyata keçirdiyi ilk seçim turu qapalı keçirilib. 13 nəfərlik münsiflər heyətində Gənclər və idman naziri Azad Rəhimov, professor Nərgiz Paşayeva, Azərbaycan Dövlət Akademik Opera və Balet Teatrının direktoru Akif Məlikov, bəstəkarlar Vaqif Gərayzadə, Faiq Sücəddinov, xalq artisti Təranə Muradova, Teymur Əmrah, “Evrovision” müsabiqəsinin təşkilat komitəsinin nümayəndəsi təmsil olunub. Müsabiqədə iştirak edəcək sənətçilər sırasında Samir Bağırov, İlhamə Qasımova, Ayaz Qasımov, Samirə, Nurlan Növrəsli, Xəyyam, Elton Hüseynəliyev, “Rast” qrupu, Elnarə və başqaları var. Münsiflər heyətinin üzvü Teymur Əmrahın bildirdiyinə görə, iştirakçılardan daha çox Emil Əliyevin ifasını bəyənib: “Emil Əliyevin musiqi təhsili yoxdur, onu hələ Azərbaycan cəmiyyətində heç kim tanımır. Amma onun belə nüfuzlu müsabiqədə iştirakı üçün arıqlaması lazımdır”.

Yeni Azərbaycan

İranda azərbaycandilli jurnal qapadıldı

İran höküməti Güney azərbaycanlılara qarşı mədəni soyqırım siyasətini davam etdirir. Belə ki, İran mənbələrindən "QayNar"a daxil olan məlumata görə, iki gün əvvəl Güneydə Azərbaycan dilində dərc olunan "Dilmanc" dərgisi heç bir qanuni səbəb göstərilmədən, hər hansı məhkəmə qərarı olmadan qapadılıb.
Adı çəkilən jurnalın Güney Azərbaycan ədəbiyyatına, mədəniyyətinə peşəkar yanaşması və təbliğ etməsi fars şovinistlərinin qəzəbinə gəldiyi deyilir.

QayNar

Prezident Ramazan bayramı münasibətilə Azərbaycan xalqını təbrik edib

Prezident İlham Əliyev müqəddəs Ramazan bayramı münasibətilə Azərbaycan xalqını təbrik edib. Prezidentin mətbuat xidmətindən APA-ya verilən məlumata görə, dövlət başçısı öz müraciətində həmvətənlərimizə ən xoş arzularını çatdırıb:

“Sizi müqəddəs Ramazan bayramı münasibətilə səmimi qəlbdən təbrik edir, hər birinizə ən xoş arzularımı çatdırıram. Dünya müsəlmanlarının müqəddəs kitabı Qurani-Kərimin nazil olduğu mübarək Ramazan ayı insanları xeyirxah niyyətlər naminə birliyə dəvət edir, onlara əxlaqi saflığın və zənginliyin, cismani-ruhi kamilliyin fərəhini yaşadır, mənəvi ucalığın nəfs üzərində qələbə təntənəsini nümayiş etdirir. Xalqımız tarixi boyu həmişə Uca Tanrıya tapınıb, milli köklərinə, dini-mənəvi ənənələrinə daim sadiq olub. Müstəqillik illərində mütərəqqi islami dəyərlərə qayıdış cəmiyyətimizin əxlaqi-mənəvi yüksəlişinə, xalqımızın bütövlüyü və birliyinə xidmət göstərib. Azərbaycan övladlarının yüksək vətənpərvərliyi, dövlət müstəqilliyimizin daha da möhkəmləndirilməsi uğrunda sarsılmaz mübarizə əzmi də məhz belə milli-mənəvi dəyərlərə sadiqliyin nümunəsidir. Öz canlarını ölkəmizin müstəqilliyi və torpaqlarımızın azadlığı uğrunda qurban vermiş Azərbaycanın qəhrəman övladlarının əziz xatirəsini bu mübarək bayram günlərində bir daha böyük ehtiramla yad edir, onlara Allahdan rəhmət diləyirəm”.

525-qazət

Türkiyədən Azərbaycana növbəti dəstək

RƏCƏB TAYYİB ƏRDOĞAN: "QARABAĞ PROBLEMİ HƏLL OLUNMADAN ERMƏNİSTANLA SƏRHƏDLƏRİ AÇMAĞIMIZ MÜMKÜN DEYİL"

Türkiyənin baş naziri Rəcəb Tayyib Ərdoğan Dağlıq Qarabağ münaqişəsinin həllində irəliləyiş olmadan Ermənistanla sərhədləri açmağın mümkünsüzlüyünü bir daha bəyan edib. APA-nın xəbərinə görə, R.Ərdoğan bunu "CNN Türk" telekanalına müsahibəsində deyib. Ermənistanla əlaqələrin inkişafı və bu kontekstdə sərhədləri açmağı düşünüb-düşünmədikləri haqda sualı baş nazir belə cavablandırıb: "Yuxarı Qarabağ olayı var. Söhbət Ermənistanın işğalından gedir. Bunun işğal olduğunu artıq hər kəs etiraf edir və Ermənistanın oradan çəkilməsi tələb olunur. Bu istiqamətdə hansısa addım atılmadan bizim sərhədləri açmağımız azərbaycanlıları incidər". R.Ərdoğan Türkiyə ilə Azərbaycanın qardaşlıq əlaqələri ilə yanaşı, Bakı-Tiflis-Ceyhan, Bakı-Tiflis-Ərzurum, Bakı-Tiflis-Qars və digər layihələr üzrə əməkdaşlıq etdiyini və strateji tərəfdaş olduğunu bildirib.

Terror törətməyə hazırlaşmaqda şübhəli bilinən ərəb axtarılır
Milli Təhlükəsizlik və Daxili İşlər Nazirliyinin Sumqayıtda keçirdikləri birgə əməliyyatın təfərrüatlarını öyrənmək mümkün olub. APA-nın hüquq-mühafizə orqanlarındakı mənbələrdən əldə etdiyi məlumata görə, MTN-nin və Sumqayıt Polis İdarəsinin əməkdaşlarının birgə əməliyyatları Azərbaycanda terror törətməyə hazırlaşmaqda şübhəli bilinən ərəb əsilli bir nəfərin axtarışı ilə bağlıdır.

Axtarış əsasən, əhalinin sıx olduğu yerlərdə - avtovağzal, dayanacaqlar, bazarlarda aparılır. Artıq ərəb əsilli vətəndaşın şəkli əməliyyatçılara paylanıb. Onun tək olduğu ehtimal edilir. Hələlik həmin şəxsin terror aktı törətməyə cəhd etdiyi obyektlərin adı açıqlanmır, məram və məqsədi məlum deyil. Əməliyyat oktyabrın 10-da saat 21.30-dan, hüquq-mühafizə orqanlarına məlumat daxil olduğu andan başlanıb. Eyni zamanda araşdırma aparılır, materiallar toplanması davam etdirilir. Hüquq-mühafizə orqanlarındakı mənbə terror aktı törətməkdə şübhəli bilinən şəxsin 17-ci mikrorayonda yerləşən "Ərəb məscidi" ilə bağlılığının yalnız əhali arasında yayılan şayiə olduğunu bildirib: "Görünür, məscidin adının xalq arasında "Ərəb məscidi" kimi tanınması belə şayiəyə səbəb olub". APA-nın hazırda Sumqayıtda olan əməkdaşı "Ərəb məscidi"nə baş çəkib. Məlum olub ki, məscid hazırda fəaliyyət göstərmir.

Dini Qurumlarla İş üzrə Dövlət Komitəsindən isə APA-ya bildirilib ki, "Ərəb məscidi" bir neçə il əvvəl vəhhabiliyin təbliği ilə məşğul olduğu üçün fəaliyyəti dayandırılıb: "Bu məscid ərəblər tərəfindən inşa edilib. Hazırda bu məscid fəaliyyət göstərmir". Milli Təhlükəsizlik Nazirliyi əməliyyat barədə hələlik məlumat vermir.

ədalət

İstanbulda daşqın zamanı bir azərbaycanlı həlak olub

Su basmış toxuculuq atelyesindən çıxarılmış Aydın İsmayılov gətirildiyi xəstəxanada vəfat edib. İstanbulda güclü yağışlardan sonra baş verən daşqınlar zamanı 3 nəfər ölüb, onlardan biri azərbaycanlı Aydın İsmayılovdur.

İstanbulda çoxdan gözlənən yağış su daşqınlarıyla bərabər gəlib. Fəlakət nəticəsində 3 nəfərin də öldüyü bildirilib. Sel suları ev və iş yerlərinin su altında qalmasına və 550 yol qəzasına səbəb olub. Esenler məhəlləsində yerləşən toxuculuq atelyesini su basması nəticəsində 4 işçidən birini xilas etmək mümkün olmayıb. Yanğın söndürmə komandalarının həyata keçirdiyi xilas etmə əməliyyatı nəticəsində güclə də olsa çıxarılan Azərbaycan əsilli Aydın İsmayılov gətirildiyi xəstəxanada vəfat edib.

ANS-PRESS (© 2007 Bütün hüquqlar qorunur)

Azərbaycan Ordusunun daha bir əsgəri şəhid olub

Azərbaycan Ordusunun əsgəri 1987-çi il təvəllüdlü Fərid Nofəl oğlu Məmmədov erməni silahlı qüvvələrinin aşdığı atəş nəticəsində başından ağır yaralanaraq vəfat edib. Əsgərin qohumu Ramiz Mehmanovun ANSPRESS-ə verdiyi məlumatına görə, mərhum bu gün doğulduğu Tərtər rayonunun Xoruzlu kəndində torpağa tapşırılıb.

ANS-PRESS (© 2007 Bütün hüquqlar qorunur)

Azeri state oil company helicopter crashes killing six

A helicopter belonging to the State Oil Company of Azerbaijan (SOCAR) crashed killing six people, SOCAR told Interfax.

The helicopter fell into the sea shortly after taking off from the Hazar floating drilling rig, it said.

The helicopter carried two passengers and four crewmembers.

The helicopter had arrived at the drilling rig to collect a sick oilman from it, SOCAR said.

BAKU / Interfax

İstanbul'daki selde 1 Azerbaycanlı hayatını kaybetti

Esenler'de, sağanak yağış nedeniyle önceki akşam su baskınına uğrayan tekstil atölyesinde 3 kişi, vatandaşların yardımıyla kurtarıldı. Azerbaycan uyruklu Aydın İsmailov ise boğularak öldü.

KOMMUNİST PARTİYASI YENİ SƏDRİNİ SEÇİB

Dünən Azərbaycan Kommunist Partiyasının dördüncü qurultayı keçirilib. Qurultayda Rüstəm Şahsuvarov açıq səsvermə ilə partiyanın yeni sədri seçilib.
Qurultayda Azərbaycan Kommunist Partiyasının rəhbər orqanlarının yeni tərkib hissəsi müəyyənləşib. Belə ki, 7 nəfərdən ibarət yeni rəyasət heyəti, 3 nəfərdən ibarət Azərbaycan Kommunist Partiyasının katib üzvləri və 5 nəfərdən ibarət mandat komissiyasının üzvləri seçilib. Qurultayda Azərbaycan Kommunist Partiyası Mərkəzi Nəzarət Təftiş Kommisiyasının yeni sədri Mirnazim Cavadov seçilib.
Daha sonra qurultayda Azərbaycan Kommunist Partiyası MİK-nin və Nəzarət Təftiş Komissiyasının əvvəlki dövrlərə olan hesabatı dinlənilib.
Qeyd edək ki, qurultayda Azərbaycan Kommunist Partiyası Mərkəzi Təftiş Komissiyası haqqında "Əsasnamə" və nizamnamədə olan bəzi dəyişikliklər səs çoxluğu ilə qəbul edilib.
Azərbaycan Kommunist Partiyası 1993-cü ilin noyabrında Ramiz Əhmədov tərəfindən bərpa olunub. Partiyanın məqsədi Azərbaycanda sosial ədalət qurmaqdan ibarətdir.

TURAN

AZƏRBAYCANLI RƏSSAM BEYNƏLXALQ MÜSABİQƏDƏ XÜSUSİ MÜKAFATA LAYİQ GÖRÜLMÜŞDÜR

AzərTAc xəbər verir ki, azərbaycanlı karikaturaçı rəssam Bayram Hacızadə Suriyada keçirilən “Nadji al-Əli-2007” Beynəlxalq karikatura müsabiqəsində “Uğur” xüsusi mükafatına layiq görülmüşdür.
Azərbaycan Karikaturaçı Rəssamlar Birliyindən bildirmişlər ki, müsabiqədə 29 ölkədən 210-dək rəssam iştirak etmişdir. Ənənəvi olaraq hər il keçirilən müsabiqədə 566 əsər nümayiş etdirilmişdir. Müsabiqədə iştirak edən daha bir neçə azərbaycanlı rəssamın əsərləri sərgidən hazırlanmış xüsusi kataloqa daxil edilmişdir.

Azertag

AZƏRBAYCAN RESPUBLİKASININ SİLAHLI QÜVVƏLƏRİNƏ YARDIM FONDUNDA 3 MİLYON 317 MİN MANAT TOPLANMIŞDIR

AzərTAc xəbər verir ki, oktyabrın 10-na olan məlumata görə, Azərbaycan Respublikasının Silahlı Qüvvələrinə Yardım Fonduna 3 milyon 317 min manat və 75 min 198 ABŞ dolları məbləğində vəsait toplanmışdır.

Azərbaycan Respublikası Prezidentinin Fərmanına əsasən, 2002-ci il avqustun 17-də yaradılmış Fondun məqsədi ölkənin Silahlı Qüvvələrinin maddi-texniki bazasının möhkəmləndirilməsinə kömək göstərməkdir. Hazırda respublikada fəaliyyət göstərən dövlət və özəl müəssisə və təşkilatlar tərəfindən Fonda vəsait köçürülməsi davam edir.

Azertag

Azerbaycan'da geçen 9 ay içinde 899 yayaya araba çarptı.

İçişleri Bakanlığı (DİN) trafik şubesinin verdiği bilgilere göre geçen 9 ay içinde ülke genelinde 899 yayaya araba çarptı; 268 yaya öldü, 684'ü ise yaralandı.

İranda “Bilim Yolu” Dərnəyinin fəaliyyəti dayandırılıb

İranda “Bilim Yolu” Dərnəyinin fəaliyyəti dayandırılıb. Güney Azərbaycanlıların Haqlarını Müdafiə Komitəsindən APA-ya verilən məlumata görə, oktyabrın 9-da qurumun ofisində ETTELAAT (Təhlükəsizlik və İnformasiya Nazirliyi) əməkdaşları tərəfindən axtarış aparılıb və “Bilim Yolu Dərnəyi”nin fəaliyyət göstərdiyi binanın qapısı möhürlənib. Dərnəyin rəhbəri Həmid Şafei isə baş verənlərdən xəbərsiz olduğunu deyib. Qeyd edək ki, dərnək 1989-cu ildə yaradılıb və fəaliyyəti dönəmində Urmiyada Azərbaycan dilinin və mədəniyyətinin təbliği ilə məşğul olub.

APA

Yeshu abi ellerin dert görmesin :aferin: bizimle paylaştığın için cok sağol

Atəşkəs rejimi pozulub

Mövqeləriz avtomat və pulemyotlardan atəşə tutub Ermənistan silahlı qüvvələri oktyabrın 15-i atəşkəs rejimini yenidən pozublar. Erməni ordusu İcevanın Vazaşen, Ağdamın Sarıcalı kəndlərindəki mövqelərindən Azərbaycan sialahlı qüvvələrinin üzbəüz mövqelərinin avtomat və pulemyotlardan atəşə tutub. Bütün hallarda qarşı tərəf cavab atəş ilə susdurulub. İtki yoxdur.

ANS-PRESS (© 2007 Bütün hüquqlar qorunur)

BERLİNDƏ “AZƏRBAYCAN XALQ NAĞILLARI” KİTABI ALMAN DİLİNDƏ ÇAPDAN ÇIXMIŞDIR

Azərbaycanın Almaniyadakı səfirliyindən AzərTAc-a bildirmişlər ki, səfirliyin təşəbbüsü və dəstəyi ilə “Azərbaycan xalq nağılları” kitabı alman dilində işıq üzü görmüşdür. Azərbaycanın 17 xalq nağılının və Abdulla Şaiqin “Tülkü həccə gedir” təmsilinin yer aldığı kitab Berlində fəaliyyət göstərən nüfuzlu “Verlag Dr. Köster” nəşriyyatı tərəfindən nəfis tərtibatda nəşr edilmişdir.
Nağılları alman dilinə avstriyalı azərbaycanşünas Liliane Qrimm tərcümə etmişdir. Kitab üçün çəkilmiş illüstrasiyaların müəllifi Almaniyadakı Azərbaycan icmasının fəallarından olan, tanınmış rəssam İbrahim Əhraridir.
Kitab oktyabrın 10-dan 14-dək Frankfurt Beynəlxalq kitab sərgisində nümayiş etdirilmişdir.
Yaxın vaxtlarda kitab Almaniya, Avstriya və İsveçrədə kitab mağazaları və internet vasitəsilə satışa çıxarılacaqdır.

--------------------------

Azerbaycan'ın Almanya'daki Büyükelçiliğinden AzərTAc'a verilen bilgilere göre, elçiliğin de girişimi ve desteğiyle 'Azerbaycan Halk Masalları' adlı kitap Almanca olarak yayınlanmıştır. 17 masalın ve Abdulla Şaiq'in 'Tilki Hacca Gidiyor' oyununun yer aldığı kitap, Berlin'də faaliyet gösteren 'Verlag Dr. Köster' adlı yayınevi tarafından yayınlanmıştır.

Masallar Almanca'ya Avusturyalı Liliane Qrimm tarafından çevrilmiş, kitabın çizimleri ise Almaniya'daki Azərbaycanlılların etkin isimlerinden tanınmış ressam İbrahim Əhrari tarafından yapılmıştir.

Kitap, 10-14 Ekim tarihleri arasında Frankfurt Uluslararası Kitap sergisinde sergilenmiştir. Kitap, yakın zamanda Almanya, Avusturya ve İsviçre'deki kitapçılarda ve internette satışa sunulacaktır.

AzərTAc

---------------------------------------------------------

[