Azərbaycan Xəbərləri

<span style="color:#FF0000;font-size:18px;">[b]Qafqaz savaşının əks effekti[b]</span>

«Beşgünlük müharibə» Qərbin Xəzər hövzəsinin enerji resurslarına marağını daha da artırıb

[Əvvəl-axır bu baş verməli idi. Nəzərə alsaq ki, lap başlanğıcdan Qərb Bakı-Tiflis-Ceyhan əsas ixrac neft kəmərini (bu sıraya Bakı-Tiflis-Ərzurum qaz kəmərini də aid etmək olar) Rusiya və İrandan yan keçən və Avropanın bu ölkələrdən asılılığının azaldılmasına yönəlmiş strateji əhəmiyyətli arteriya kimi qələmə verirdi. Hazırda beynəlxalq mövqeyi o qədər də əlverişli olmayan İranın regionda qarışıqlıq yaratmaq cəhdlərinin bu ölkənin özü üçün müsbət nəticələrə gətirib çıxarmayacağı aydındır. Belə bir addımın regionda ciddi maraqları olan ABŞ-ın kəskin reaksiyasını doğuracağını nəzərə alan rəsmi Tehran hələ ki, gözləmə mövqeyindən çıxış edir. Eyni zamanda, Rusiyanın o qədər də obyektiv olmayan maraqlarını belə çılpaq aqressivliklə, bütün beynəlxalq norma və prinsiplərə açıq-açığına meydan oxuyaraq təmin etməsini də nə Qərbdə, nə də postsovet məkanında heç kim gözləmirdi. Hələ 2000-ci ildə Rusiyanın nəzarətindən yan keçən Bakı-Tiflis-Ceyhan kəmərinin təhlükəsizliyinə əmin olan ABŞ-ın o vaxtkı prezidenti Bill Klinton kəmərin inşasını «XX əsrin sonunun ən böyük nailiyyəti» kimi dəyərləndirib. Həm Rusiya, həm də Gürcüstan bir-birini «beşgünlük Qafqaz müharibəsi»nin başlanmasının təqsirkarı adlandırır. Cənubi Osetiyadakı qondarma «vətəndaşlarının» və «sülhməramlıları»nın həyatının qorunması adı altında Rusiya ordusunun Gürcüstana yeridilməsinin arxasında başqa motivlərin olduğu tezliklə özünü göstərdi. Müharibə zonasından çox aralıda yerləşən ərazilərdə törədilən təxribatlar Rusiyanın regiondan keçən kommunikasiyalar üzərində nəzarətin əldə edilməsi planının çoxdan mövcud olduğu anlamına gəlir. Əks halda, döyüş zonasından aralıda yerləşən və Azərbaycandan, eləcə də Mərkəzi Asiyadan neft və neft məhsullarının nəql edildiyi Kaspi şəhəri yaxınlığındakı yeganə dəmir yolu körpüsünün, daha sonra neft məhsulları daşıyan qatarın partladılması, coğrafi cəhətdən qətiyyən nə Abxaziyaya, nə də Cənubi Osetiyaya aidiyyəti olmayan, lakin neft daşımalarında əhəmiyyətli rol oynayan Poti şəhərinin rus qoşunları tərəfindən tutulması və sırf «təsadüfən» hərbi əməliyyatlardan bir gün əvvəl BTC kəmərinin Türkiyə hissəsində partlayışın baş verməsinin eyni vaxta düşməsi barədə bir çox suallar yaranır. Əslində prezident Mixail Saakaşvilinin Cənubi Osetiyada konstitusion quruluşun bərpası əməliyyatı lap yerinə düşmüşdü. Kremlə yaxınlığı ilə tanınan politoloq Aleksandr Duqinin hadisələrdən dərhal sonra, bir qədər tələsərək «artıq BTC kəməri öldü» deməsi isə əsas hədəfin Qafqaz enerji dəhlizi olduğu barədə heç bir şübhələrə yer qoymur.Rusiya ilə Gürcüstanın hazırkı hakimiyyəti arasında antaqonizmin kökləri hələ 2003-cü ilin sonuna - Gürcüstanda «Qızılgül inqilabı» nəticəsində Rusiyaya münasibətdə bir qədər loyal və ehtiyatlı davranan Eduard Şevardnadzenin bu ölkədə prezident vəzifəsindən devrilərək onun yerinə ABŞ-ın Kolambia Universitetinin məzunu M.Saakaşvilinin gətirilməsi zamanına gedib çıxır. «Qızılgül inqilabı» Qərb üçün çox sərfəli bir vaxtda baş vermişdi. Çünki bir müddət sonra strateji əhəmiyyətli Bakı-Tiflis-Ceyhan neft kəməri işə düşəcəkdi. Kəmərin işə salındığı 2005-ci ilin iyulunadək Gürcüstan demək olar ki, tamamilə Rusiyanın təsiri altından çıxdı. Saakaşvilinin özünün dediyi kimi, BTC kəməri Rusiyanın bu ölkəyə hücumunun əsas səbəbi olub. Avqustun 19-da Vaşinqtonda Atlantik Şuranın seminarında iştirak edən Gürcüstan parlamentinin spikeri David Bakradze isə Qərbə açıq mesaj göndərib: «Əgər Rusiya ABŞ-ın regionda əsas müttəfiqi olan Gürcüstanı dizi üstə çökdürərsə, onda digərləri nə edəcək?» Bakradzenin fikrincə, Gürcüstana dəstək Rusiyanı Xəzər hövzəsi ixrac yollarını nəzarətə götürməyə imkan verməyəcək: «Gürcüstan Rusiyanın təsiri altına düşsə, Azərbaycan alternativ enerji ixracı yoluna malik olmayacaq. Bu isə heç bir gülləsiz-filansız Azərbaycanın da nəzarət altına düşməsi anlamına gəlir». Məlum olduğu kimi, bu ilin iyununda Azərbaycana səfər edən «Qazprom»un İdarə Heyətinin sədri Aleksey Miller rəsmi Bakıya «Şahdəniz» layihəsi çərçivəsində hasil edilən bütün qazı Avropa qiymətləri ilə almaq təklifi verib. Analitiklərin qeyd etdiyi kimi, bu təklifin əsas məqsədi Qərbin ciddi-cəhdlə həyata keçirməyə çalışdığı «Nabucco» qaz kəməri layihəsinin reallaşmasına maneə törətmək idi. Azərbaycan və Türkmənistan adıçəkilən qaz kəmərinin əsas təchizatçıları qismində təqdim edilir. Türkmənistanı Azərbaycan vasitəsilə «Nabucco» layihəsinə birləşdirəcək Transxəzər qaz kəməri layihəsi də bu gün heç vaxt olmadığı qədər gündəmdədir. Transxəzər kəmərinin inşa ediləcəyi təqdirdə Türkmənistanda hasil ediləcək təbii qazın böyük hissəsi Qərbə bu marşrutla nəql ediləcək. Son vaxtlar Azərbaycanla Türkmənistan arasında yaranan isti münasibətlər Qərbin dəstək verdiyi layihələrin reallaşacağına ümid verir. Rusiyanın məlum təklifinə rəsmi Bakı o zaman həmin təklifin dəyərləndiriləcəyi barədə qeyri-dəqiq cavab verib. Rusiya Gürcüstandakı son addımları ilə həm Qərbdə Qafqaz enerji dəhlizinin düşünüldüyü kimi təhlükəsiz olmadığı şübhələri yaradır, digər tərəfdən isə Mərkəzi Asiya ölkələrinə onların karbohidrogen resurslarının nəql yolları barədə qərar vermələrində müstəqil olmadıqları mesajını verir. Avqustun 14-də Gürcüstandakı hadisələrin qızğın vaxtında Rusiyanın Azərbaycandakı ticarət nümayəndəsi Yuri Şedrinin «Qazprom» tərəfindən Azərbaycana verilən təklifin qüvvədə olmasını xatırlatması deyilənlərə bariz sübutdur.Qafqazdakı hadisələrdən ilk günlər şok keçirən Qərb bu gün özünə gələrək vəziyyətdən çıxış yolları aramaqdadır. ABŞ Avropa dövlətlərini Rusiyadan enerji asılılığını azaltmağa və alternativ təchizat mənbələri aramağa çağıranda bu ölkələri təmsil edən şirkətlər «Qazprom»la əməkdaşlıq barədə ikitərəfli sazişlər imzalayırdı. Hazırda bir çox Avropa dövlətləri Rusiyanın irəli sürdüyü «Şimal axını» və «Cənub axını» layihələrində iştirak edir. Lakin Rusiya bu kəmərləri işə salmadan da Avropanın ən iri neft və qaz təchizatçısı hesab olunur. Ötən il qitənin qaz idxalının 38%-ni, neft idxalının isə 33%-ni Rusiya təmin edib. Beynəlxalq Enerji Agentliyinin hesablamalarına görə, 2030-cu ildə Avropanın qaz idxalının həcmi iki dəfə artacaq ki, bunun da böyük hissəsi Rusiyanın payına düşəcək. Hazırkı durumda Avropa Birliyinin Polşa və Litvanın tələb etdiyi kimi Rusiyaya qarşı maliyyə-iqtisadi sanksiyaları tətbiq etməsi qitənin özü üçün mənfi nəticələrə gətirib çıxara bilər. AB-nin Brüsseldə fövqəladə sammitin keçirildiyi gün - sentyabrın 2-də Rusiyanın «təmir işləri ilə əlaqədar» Avropaya qaz nəql edən Yamal-Avropa qaz kəmərinin fəaliyyətini dayandırması Qərbə növbəti xəbərdarlıq kimi dəyərləndirilməlidir.Deyəsən Qərb də öz növbəsində bu xəbərdarlıqdan lazımi nəticə çıxarmağa başlayır. Brüssel sammitində iştirak edən Böyük Britaniyanın baş naziri Qordon Braun həmkarlarını əmin etməyə çalışıb ki, Avropa tam mənada müstəqil siyasət yeritmək üçün enerji təchizatçılarının diversifikasiyasına daha çox vəsait ayırmalıdır. Bu günlərdə Avropa Birliyinin enerji komissarı Andris Piebalqs da Gürcüstandakı hadisələrdən sonra AB-nin «Nabucco» layihəsinə diqqətinin artırılmasının vacibliyi barədə bəyanat verib. ABŞ-ın vitse-prezidenti Riçard Çeyninin digər Qərbyönlü postsovet ölkələri ilə yanaşı Azərbaycana səfər etməsi isə Qərbin illərdən bəri işləyib hazırladığı layihələrdən belə asanlıqla imtina etməyəcəyini nümayiş etdirməyə yönəlmiş addımdır. «Beşgünlük müharibə» Rusiyanın planlaşdırdığının əksinə olaraq, Qərbin bölgədən keçən enerji dəhlizinin təhlükəsizliyinin təmin edilməsinə, eləcə də «Nabucco» kimi alternativ layihələrin reallaşmasına marağını daha da artırıb. /APA-ECONOMICS/

<span style="color:#FF0000;font-size:18px;">[b]Evində əxlaqsızlıq yuvası saxlayan qadın tutulub[b]</span>

[Bakı-APA. Daxili İşlər Nazirliyinin İnsan Alverinə Qarşı Mübarizə İdarəsi əməkdaşlarının keçirdikləri əməliyyat tədbirləri nəticəsində evində əxlaqsızlıq yuvası saxlayan Bakı sakini tutulub. Bu barədə APA-ya DİN-in mətbuat xidmətindən bildirilib. Məlumata görə, evində əxlaqsızlıq yuvası saxlayan şəxs Səmail Hüseynovadır.

<span style="color:#FF0000;font-size:18px;">[b]Azərbaycanın ədliyyə naziri türkiyəli həmkarını qəbul edib[b]</span>

[Bakı. Hafiz Heydərov - APA. Azərbaycanın ədliyyə naziri Fikrət Məmmədov Bakıda səfərdə olan türkiyəli həmkarı Mehmet Əli Şahini qəbul edib. APA-nın məlumatına görə, görüşdə qarşılıqlı maraq doğuran məsələlər müzakirə olunub. F. Məmmədov qardaş ölkənin ədliyyə nazirini Azərbaycanda görməkdən məmnun olduğunu bildirib. O, hər iki dövlət arasında mövcud olan hüquqi anlaşma sazişindən danışaraq Azərbaycanda aparılan məhkəmə-hüquq islahatları barədə qonağa məlumat verib. Bu istiqamətdə Türkiyənin təcrübəsindən faydalandıqlarını vurğulayan F. Məmmədov hüquq sahəsində qarşılıqlı münasibətlərin gündən-günə inkişaf etdiyini söyləyib. Nazir Azərbaycanda 2000-dən çox Türkiyə şirkətinin fəaliyyət göstərdiyini və orada çalışan Türkiyə vətəndaşlarının hüquqlarının qorunması üçün müvafiq işlər aparıldığını vurğulayıb. M. Ə. Şahin də öz növbəsində Türkiyədə çalışan azərbaycanlıların hüquqlarının qorunduğunu bildirib.

<span style="color:#FF0000;font-size:18px;">[b]QDİƏT ölkələri xarici işlər nazirlərinin qeyri-formal görüşü keçiriləcək[b]</span>

[Bakı. Viktoriya Dementyeva - APA. Bu gün Nyu-Yorkda Qara Dəniz İqtisadi Əməkdaşlıq Təşkilatı ölkələri xarici işlər nazirlərinin qeyri-formal görüşü keçiriləcək. APA-nın QDİƏT-in saytına istinadən verdiyi məlumata görə, görüşü təşkilata sədrlik edən Albaniyanın xarici işlər naziri Lulzim Başa təşkil edəcək. Toplantıda QDİƏT ölkələrinin əməkdaşlığının gücləndirilməsi müzakirə olunacaq. Qeyd edək ki, bu tipli görüşlər BMT Baş Assambleyassının sessiyaları çərçivəsində hər il keçirilir.

<span style="color:#FF0000;font-size:18px;">[b]Məhbusların öz ölkələrinə qaytarılması ilə bağlı Azərbaycan və Türkiyə arasındakı problemlər həll olunacaq[b]</span>

[Bakı. Hafiz Heydərov - APA. Azərbaycanda cəza çəkən Türkiyə vətəndaşlarının və Türkiyədə cəza çəkən azərbaycanlıların öz ölkələrinə qaytarılması ilə bağlı problemlər danışıqlar vasitəsilə həll olunacaq. APA-nın məlumatına görə, bunu Türkiyənin ədliyyə naziri Mehmet Əli Şahin azərbaycanlı həmkarı ilə görüşündə deyib. Azərbaycanın ədliyyə naziri Fikrət Məmmədov isə məhbusların geri qaytarılması prosesinin həyata keçirilməsində onların öz istəklərinin nəzərə alındığını söyləyib. O, ölkəsinə qayıtmaq arzusu olan türkiyəli məhbusların tez bir zamanda qardaş ölkəyə təhvil verildiyini bildirib.

<span style="color:#FF0000;font-size:18px;">[b]Azərbaycan əsas kapitala yatırılan investisiyaların artım tempinə görə gələn il MDB-də ikinci olacaq[b]</span>

[Bakı. Vahab Rzayev - APA-ECONOMICS. Azərbaycan 2009-cu ildə MDB məkanında əsas kapitala yatırılan investisiyaların həcminin artım tempinə görə ilk üçlüyə daxil olan dövlətlər sırasında yer alacaq. «APA-ECONOMICS»in məlumatına görə, bunu MDB Statistika Komitəsinin ekspertləri proqnozlaşdırırlar.Komitə tərəfindən hazırlanmış proqnozlara əsasən, 2009-cu ildə Azərbaycana investisiya axımının artımı 15-20% təşkil etsə də, bu, 2008-ci ilin müvafiq proqnozundan aşağı olacaq:Ölkəİnvestisiyaların artım proqnozu (2009-cu il, %) Belarus 23-25 Azərbaycan 15-20 Rusiya 15 Özbəkistan 15 Ermənistan 12-15 Ukrayna 12 Moldova 10-12 Qazaxıstan 10 * Gürcüstan, Qırğızıstan, Tacikistan üzrə məlumat yoxdurQeyd edək ki, 2008-ci il üçün tərtib olunan proqnozlarla da Azərbaycan ikinci yerdə qərarlaşıb: Ölkə İnvestisiyaların artım proqnozu (2008-ci il, %) Tacikistan 50 Azərbaycan 30 Belarus 23-25 Özbəkistan 17-20 Rusiya 17-19 Ermənistan 15 Ukrayna 12 Qazaxıstan 12 Moldova 12 Qırğıstan 2-5 * Gürcüstan üzrə məlumat yoxdurCari ilin yanvar-avqust aylarında Azərbaycanda əsas kapitala 5 396,6 mln. manat investisiya yönəldilib ki, bu da ötən ilin müvafiq dövrünün göstəricisindən 36,6% artıqdır. İnvestisiyaların 61,9%-i dövlətə məxsus müəssisə və təşkilatların, 38,1%-i isə qeyri-dövlət müəssisələrin payına düşür. Qeyd edək ki, əsas kapitala yönəldilmiş vəsaitin 70,9%-i daxili investisiyalar təşkil edib. Əsas kapitala yönəldilmiş investisiyaların ümumi həcmində müəssisə və təşkilatların vəsaitləri 2 442,2 mln. manat (ümumi investisiyanın 45,2%-i), bank kreditləri 183,4 mln. manat (3,4%), büdcə vəsaitləri 2 254 mln. manat (41,8%-i), büdcədənkənar fondların vəsaitləri 354,8 mln. manat (6,6%-i), əhalinin şəxsi vəsaitləri 159,9 mln. manat (3%-i), digər vəsaitlər isə 2,3 mln. manat təşkil edib.

<span style="color:#FF0000;font-size:18px;">[b]İlham Əliyevin təbliğat-təşviqat kampaniyasında 100 mindən artıq seçici iştirak edib[b]</span>

[Bakı. Elnur Məmmədli - APA. Yeni Azərbaycan Partiyasının (YAP) prezidentliyə namizədi İlham Əliyevin təbliğat-təşviqat kampaniyasında bu günə qədər 100 mindən artıq seçici iştirak edib. Partiyanın mətbuat xidmətindən APA-ya daxil olan məlumata görə, sentyabrın 17-də "Bibiheybət" stadionunda mitinq-görüşlə başlayan təşviqat kampaniyası ölkənin bütün bölgələrində, şəhər, kənd və qəsəbələrdə davam etdirilir. Partiyanın "İlhamla irəli" şüarı ilə başlayan təşviqat kampaniyası qanuna müvafiq olaraq namizədlərin görüşləri və kütləvi aksiyalar üçün nəzərdə tutulmuş ünvanlarda keçirilir. Prezidentliyə namizəd İ. Əliyevin seçki qərargahının regional şöbələrinin təşkil etdiyi görüşlərdə namizədin vəkilləri ilə yanaşı, tanınmış ziyalılar və ictimai xadimlərdən ibarət təşviqatçılar da iştirak edir.

<span style="color:#FF0000;font-size:18px;">[b]GUAM Xarici İşlər Nazirləri Şurasının növbəti iclası dekabrda Helsinkidə keçiriləcək[b]</span>

Bakı. Laçın Sultanova-APA. Bu ilin sonuna kimi GUAM Katibliyinin yeni ofisinin təqdimatı keçiriləcək.

[APA-nın məlumatına görə, bu barədə GUAM Xarici İşlər Nazirləri Şurasının BMT Baş Assambleyasının 63-cü sessiyası çərçivəsində keçirilmiş 7-ci iclasında qəbul olunub. Görüşdə həmçinin GUAM XİN Şurasının növbəti iclasının bu il dekabrın 4-5-də Helsinkidə ATƏT-ə üzv ölkələrin xarici işlər nazirlərinin illik konfransı çərçivəsində keçirilməsi qərara alınıb. Həmin tədbir çərçivəsində həmçinin GUAM-ABŞ görüşü də keçiriləcək. Sonuncu görüşün tarixi barədə qərar BMT Baş Assambleyasının 63-cü sessiyası çərçivəsində keçirilmiş 14-cü GUAM-ABŞ görüşündə qəbul olunub.

<span style="color:#FF0000;font-size:18px;">[b]Azərbaycanla Çexiya arasında ətraf mühitin mühafizəsi sahəsində əməkdaşlıq haqqında anlaşma memorandumu imzalanıb[b]</span>

[Bakı. İlhamə İsabalayeva - APA. Bu gün Azərbaycan Ekologiya və Təbii Sərvətlər Nazirliyi ilə Çexiya Ətraf Mühit Nazirliyi arasında ətraf mühitin mühafizəsi sahəsində əməkdaşlıq haqqında anlaşma memorandumu imzalanıb. APA-nın məlumatına görə, sənədi Azərbaycanın ekologiya və təbii sərvətlər naziri Hüseyn Bağırov və Çexiyanın ətraf mühit nazirinin müavini Yan Dusik imzalayıb.İmzalanma mərasimində çıxış edən H.Bağırov bildirib ki, Y.Dusikin Azərbaycana səfərində məqsədi məhz bu memorandumun imzalanması olub. Memorandumda ətraf mühitin mühafizəsi üzrə gələcək əməkdaşlıq məsələləri öz əksini tapıb. Nazirin sözlərinə görə, Azərbaycan və Çexiya bu sənəd əsasında fizioloji resursların qorunub saxlanılması, tullantıların idarə olunması, iqlim dəyişkənliyi, içməli suyun keyfiyyətinin artırılması sahəsində əməkdaşlıq edəcəklər. H.Bağırov deyib ki, Azərbaycanda içməli su imkanları məhdud olan yaşayış məntəqələrində modul tipli su təmizləyici qurğular quraşdırılır. Bu prosesə Çexiya şirkətlərinin cəlb edilməsi nəzərdə tutulur.

<span style="color:#FF0000;font-size:18px;">[b]Elnur Məmmədli evlənməyə qız axtarır[b]</span>

"Ermənilərin başını birinci mən kəsəcəyəm"

Bakı. Aqşin Əliyev - APA-SPORT. Azərbaycan cüdo yığmasının üzvü, XXIX Pekin Yay Olimpiya Oyunlarının qalibi Elnur Məmmədli bu gün brifinq keçirib. "APA-SPORT"un məlumatına görə, 20 yaşlı idmançı jurnalistlərin suallarını cavablandırıb.- Pekin Yay Olimpiya Oyunlarından bir ay ötüb. Arxada qalan müddətdə bərpa dövrünü necə keçirmisiniz?- Bərpa dövrü yaxşı keçir, amma yoruluram. Bunun böyük səbəbkarı siz, jurnalistlərsiniz. Sizin əlinizdən dincəlmək olmur (gülür).- Məşqlərə nə vaxtdan başlayacaqsınız?- Oktyabrın sonlarında fəal məşqlərə start verəcəyəm. İndi yüngül məşqlər edirəm, səhərlər qaçıram, üzürəm, basketbol oynayıram.- Sizdə elə hiss yaranmayıb ki, artıq idmanda hər şeyi etmişəm, daha heç nə lazım deyil?- Yox. Mən neyləmişəm ki!? Bu, hələ başlanğıcdır. 20 yaşım var, inşallah, bundan sonra 2-3 olimpiadada iştirak edə bilərəm. Güləşmək bizim işimizdir, peşəmizdir.- "Ulduz xəstəliyi"nə tutulmayacağınıza inanaq?- Bunu mənə hamı deyir. Nə etmişik ki, "ulduz xəstəliyi"nə tutulaq... Ermənistanı alsaq, bəlkə onda belə şeylərdən danışmaq olar. Mən "ulduz xəstəliyi"ndən uzaq idmançıyam.- İndiyədək bəzi olimpiya mükafatçılarımız "ulduz xəstəliyi"nə tutularaq, bunun acısını çəkiblər.- Kim istəyər ki, belə xoşagəlməz halla üzləşsin? Məsələn, olimpiya çempionu Fərid Mansurov Pekində xəstələndiyi üçün medal qazana bilmədi. Əks təqdirdə, o mükafatçılar sırasına düşəcəkdi. Qismət Allahdandır! Çalışacağam ki, cənab prezidentimizin, bütün xalqımızın etimadını doğruldub, ikinci dəfə olimpiadanın qızıl medalını qazanım. Bilirsiniz ki, bizdə ikiqat olimpiya çempionu yoxdur. 2012-ci ildə Londonda fəxri kürsünün ən yüksək pilləsinə qalxmaqla, idman tariximizə düşmək istəyirəm.- Pekin Olimpiadasından əvvəlki və sonrakı həyatınız arasında hansı fərqlər var?- Olimpiadadan sonra 4 dəfə mobil telefonumun nömrəsini dəyişmişəm. O qədər lazımsız adamlar zəng vurur mənə... Köhnə dostlar tapılır. Ancaq onlara fikir vermirəm. Olimpiadadan öncə, dar, çətin vəziyyətimdə kim yanımda idisə, indi də onlarla birlikdəyəm. Mənə paxıllıq edənlər də çoxdur. Kimsə üzümə gülür, amma arxamca danışır. Biri deyir, AST şirkətinin rəhbəri Telman İsmayılov Elnura 1 milyon dollar pul verdi, biri deyir ki, Elnurun 4 maşını var. Bunlar boş sözlərdir. Mənə dövlət tərəfindən 600 min manat pul, Azərbaycan Cüdo Federasiyasının prezidenti Füzuli Ələkbərov tərəfindən isə BMW markalı avtomobil verilib. Vəssalam! İstərdim ki, xalqımız dediklərimi internet səhifələrində, qəzetlərdə oxuyub, əsl vəziyyətin nə yerdə olduğu bilsin.- Yəni, milyonçu olmamısınız, eləmi?- Milyonçu olmamışam, heç istəmirəm də. Milyonçunun milyon dənə problemi olur. Qoy, kasıbçılığımızı sürək.- Sizin üçün pulu qazanmaq asandır, yoxsa xərcləmək?- Xərcləmək. Pul olsun, xərcləməyə nə var ki! (gülür)- Gənclər və idman naziri Azad Rəhimov təklif edirdi ki, qazandığınız pulu banka qoyasınız.- Nazirin sözünə qulaq asıb, pulumu Azərbaycan banklarından birinə qoymuşam.- Bəzi idmançılar böyük uğur qazandıqdan sonra Azərbaycan çempionatına qatılmırlar. Sizin belə fikriniz yoxdur?- Bu, yarışların qrafikindən asılıdır. Əgər ölkə çempionatı ilə hansısa önəmli beynəlxalq turnir üst-üstə düşürsə, adətən ikinciyə üstünlük veririk.- Bildiyimizə görə, oruc tutursunuz. Sizə çətinlik yaratmır ki?- Bir az çətinlik olur. Səfərə gedəndə orucumu pozmaq məcburiyyətində qalıram. Allaha şükür, ümumilikdə hər şey qaydasındadır.- Namaz qılırsınız?- Bəli.- Həcc ziyarətinə getməyi planlaşdırırsınız?- İnşallah, Həccə getməyi nəzərdə tutmuşam.- Maraqlıdır, Allahın evinə gedəndə ən böyük arzunuz nə olacaq?- Dua edəcəyəm ki, Allah bütün müsəlmanları xəta-bəladan qorusun. Bundan başqa, valideynlərimizə, yaxınlarımıza can sağlığı arzulayacağam.- İdman meydanlarında dəfələrlə erməniləri məğlub etmişik. Necə düşünürsünüz, müharibə başlasa, bədnam qonşularımıza qalib gələ bilərik?- Əlbəttə! Erməninin başını elə birinci mən kəsəcəyəm. İndiyədək 19 dəfə ermənilərlə qarşılaşmışam və hamısında qələbə qazanmışam. Hətta bir dəfə düşmən ölkənin cüdoçusu ilə dalaşmışam da.- Hobbiniz nədir?- Maşın sürmək. Ölürəm maşın sürmək üçün.- Yol polisi sizə ilişmir?- Yox. Yeri gəlmişkən, Respublika Dövlət Yol Polisi İdarəsinin rəhbərliyinə təşəkkürümü çatdırıram.- Olimpiadadan qayıdandan bəri yol polisi sizi cərimələməyib ki?- Çox sağ olsunlar. Hamı hörmətimi saxlayır.- Gözaltınız var?- Xeyr. Hələ subayam. Evlənmək niyyətim var. Açığı, ailə həyatı qurmağa qız axtarıram.- Sizin üçün qız tapmaq çox çətindir?- Həddən artıq çətindir. Çünki idmançıların özünəməxsus xarakterləri olur. Həm də idmançıların demək olar, 80 faizinin başla, əsəblə bağlı problemi var.- Olimpiya çempionunun həyat yoldaşı necə olmalıdır?- Ağıllı olmalı, məni sevməli, valideynlərimə hörmətlə yanaşmalıdır.- Hirslənəndə özünüzü necə sakitləşdirirsiniz?- Mən üzüyola adamam. Nadir hallarda əsəbiləşirəm. Qarşı tərəf səhv olanda da, yola verirəm. Oturdub, sözlə başa salıram. Ancaq başa düşməyən adamla üz-üzə gələndə vəziyyət ayrı cür olur...- Döyürsünüz həmin adamı?- Döymürəm, lakin döymək ondan yaxşıdır.- Pekindən qayıtdıqdan sonra həyatınızda əlavə çətinlik yaranıb?- Hara gedirəmsə, hamı mənimlə şəkil çəkdirir, məni yorurlar. Hər halda, buna müsbət baxıram. Əhəmiyyətsiz insan olsaydım, yəqin ki, fikir verməzdilər.- Belə çıxır ki, tanınmağınız sizə maneçilik törətmir?- Əksinə, məndə ruh yüksəkliyi yaranır. Hətta Pekində tatamiyə çıxarkən dövlət başçımız İlham Əliyevin zala gəldiyini görməyim mənə əlavə güc vermişdi. Buna görə də, qələbə naminə bütün var-qüvvəmi sərf etdim.- Çəki dərəcənizi dəyişmək fikriniz var? Ola bilərmi ki, gələcəkdə 73 kq-da deyil, 81 kq-da güləşəsiniz?- Bunu indidən deyə bilmərəm. Fəal məşqlərə başladıqdan sonra bu barədə qərar verəcəyəm. Bu vaxta qədər bir neçə 81 kq-da güləşmişəm. Axırıncı dəfə, yazda Moskvada keçirilən Dünya Kubokunda 3-cü yeri tutmuşam.- Olimpiadadan sonra ilk yarışınız nə zaman olacaq?- Bu il yarışım yoxdur. Gələn ilin yanvarında Yaponiyada təlim-məşq toplanışında olacağam.- Deyəsən, payızda Rusiyanın "Yavara-Neva" klubunun heyətində yarışda çıxış etməli idiniz?- Həmin turnirə gedib-getməyəcəyimi bilmirəm.

<span style="color:#FF0000;font-size:18px;">[b]Bakı şəhər İcra Hakimiyyətin müxalifətin mitinqlə bağlı müraciətini cavablandırıb[b]</span>

[Bakı. Elnur Məmmədli-APA. Bakı şəhər İcra Hakimiyyəti (BŞİH) bir neçə müxalifət partiyasının sentyabrın 28-də mitinq keçirməklə bağlı müraciətinə cavab verib. Müsavat Partiyasının Mərkəzi İcra Aparatının rəhbəri Arif Hacılının APA-ya verdiyi məlumata görə, şəhər rəhbərliyi partiyaların müraciətdə göstərdiyi 9 meydanın heç birində aksiyanın keçirilməsini məqsədəuyğun saymayıb. Şəhər rəhbərliyi müxalifətə aksiyanı "Neftçi" İdman-Sağlamlıq Mərkəzinin "Bibiheybət" stadionunda keçirilməsini təklif edib. A. Hacılı bildirib ki, onlar Bibiheybətdə mitinq keçirmək fikrində deyillər və buna görə də sentyabrın 28-nə təyin edilmiş aksiya təxirə salınır: "Biz Bakı şəhər İcra Hakimiyyətinin qərarı ilə bağlı məhkəməyə müraciət edəcəyik. Həmçinin, mitinqlərin keçirilməsinin digər yolları və həmçinin icazəsiz aksiyalarla bağlı müzakirələrə başlayacağıq". Qeyd edək ki, müxalifətin əməkdaşlıq mərkəzində təmsil olunan Müsavat Partiyası, Azərbaycan Xalq Cəbhəsi Partiyası, Liberal Partiyası, Vətəndaş və İnkişaf Partiyası, "Azərbaycan Naminə" İctimai Forum prezident seçkiləri il bağlı əks təbliğat aparmaq məqsədi ilə sentyabrın 28-nə mitinq təyin ediblər. Partiyalar öz müraciətlərində göstərdikləri 9 meydandan birində mitinqin keçirilməsinə icazə verilməsini istəyibdilər.

<span style="color:#FF0000;font-size:18px;">[b]Yaxın vaxtlarda Azərbaycanda donanmanın yeniləşdirilməsi proqramı təsdiqlənəcək[b]</span>

[Bakı. Rəşad Süleymanov - APA-ECONOMICS. Yaxın vaxtlarda Azərbaycan donanmasının yeniləşdirilməsi proqramının dövlət başçısı səviyyəsində təsdiq ediləcəyi gözlənilir. «APA-ECONOMICS»in məlumatına görə, bunu Azərbaycan Dövlət Dəniz Administrasiyasının (ARDDA) rəisi Qüdrət Qurbanov bildirib.Q.Qurbanovun sözlərinə görə, 2008-2012-ci illəri əhatə edəcək proqram çərçivəsində yeni dəniz limanının, gəmiqayırma zavodunun tikintisi, həmçinin tanker parkının, bərə terminalının yeniləşdirilməsi nəzərdə tutulur. Proqram çərçivəsində 6 bərə və 14 tankerin alınması planlaşdırılır. Qeyd edək ki, bu günədək ARDDA tərəfindən 987 gəmi qeydiyyata alınaraq onlara Azərbaycan bayrağı verilib.

<span style="color:#FF0000;font-size:18px;">[b]Azərbaycanda köçürmə veksellərinin olmaması nağdsız hesablaşmaların inkişafının qarşısını alır[b]</span>

[Bakı. Vahab Rzayev - APA-ECONOMICS. Azərbaycanda veksellərin sayı və həcmi artsa da, veksel dövriyyəsi hələ də başlamayıb. Qiymətli Kağızlar üzrə Dövlət Komitəsindən (QKDK) «APA-ECONOMICS»ə verilən məlumata əsasən, cari ilin yanvar-avqust aylarında 57,4 mln. manat məbləğində 497 veksel dövlət qeydiyyatına alınıb, veksellər üzrə illik artım isə 7 dəfə təşkil edib.Qeyd edək ki, hazırda Azərbaycanda yalnız sadə veksellər mövcuddur. Yəni, veksel verən (kreditor) və veksel alan (debitor) öz aralarında veksel vasitəsi ilə müəyyən edilmiş tarixdə müəyyən edilmiş məbləğ haqqında saziş bağlayır. Bu halda veksel yalnız təsdiqlənmiş ödəmə öhdəliyini, yəni kommersiya və ya maliyyə krediti ifadə edir. Veksellərin digər növü - köçürmə vekseli isə Azərbaycanda hələ də istifadə olunmur. Qeyd edək ki, sadə vekseldən fərqli olaraq, köçürmə vekseldə veksel verən və veksel üzrə ödənişi alan şəxslər fərqlidir. Yəni, bu halda veksel (ödəmə tarixinə qədər) artıq nağdsız hesablaşma alətinə çevrilir. Beləliklə, köçürmə vekselinin əsas xüsusiyyəti ondan ibarətdir ki, o, vəsaitlərin bir şəxsdən digər şəxsin sərəncamına köçürülməsi aləti kimi çıxış edir. Qeyd edək ki, dünya praktikasında köçürmə veksellər maliyyə-kredit sistemində mühüm rol oynayır və nağd hesablaşmaları kəskin azaldır.Köçürmə veksellərinin mövcud olmasını şərtləndirən əsas amil kimi maliyyə sisteminin sabitliyi, maliyyə bazarının iştirakçıları və qeyri-maliyyə, o cümlədən istehsal, ticarət, vasitəçilik və s. sahələrdə çalışan qurumlarının etibarlı imicə malik olması və s. qiymətləndirilir. Düzdür, Azərbaycanda da bu kateqoriya aid olan iqtisadi subyektlər mövcuddur, habelə maliyyə sistemi sabitdir. Lakin köçürmə veksellər bazarı hələ də formalaşmayıb və bunun səbəbləri subyektivdir: iqtisadi subyektlər hələ də birbaşa, yəni yalnız pul hesablaşmalarına üstünlük verir. Bu səbəbdən də Azərbaycanın maliyyə-kredit sisteminə pul təzyiqi çox böyükdir.

<span style="color:#FF0000;font-size:18px;">[b]Bu gün BBVB-nin valyuta bölməsində 1,065 mln. dollarlıq əqd bağlanıb[b]</span>

[Bakı. Nicat Mustafayev - APA-ECONOMICS. Bu gün Bakı Banklararası Valyuta Birjasının (BBVB) valyuta bölməsində keçirilən ticarət sessiyasının nəticələrinə görə, USD/AZN ortaölçülü məzənnəsi 0,8071 AZN/$1 təşkil edib.BBVB-dən «APA-ECONOMICS»ə verilən məlumata görə, BEST sistemində keçirilən səhər sessiyasının açılış məzənnəsi 0,8071 AZN/$1, USD/AZN T+0 aləti üzrə qeydə alınan əqdlərin həcmi 831 519 AZN təşkil edib. Sessiyanın yekunlarına görə, manatın orta məzənnəsi dollara nisbətən dəyişməz qalıb.BEST-in gündüz sessiyasında USD/AZN T+0 aləti üzrə bağlanılan banklararsı əqdlərin həcmi 28 255,5 AZN təşkil edib. Sessiyanın yekunlarına görə, manatın orta məzənnəsi dollara nisbətən 0,8071 AZN/$1 təşkil edib.Beləliklə, hər iki sessiyanın nəticələrinə görə, BEST-in ümumi həcmi USD/AZN aləti üzrə 1,065 mln. dollar və ya 859 774,5 AZN təşkil edib. Orta hesabla hər sövdələşmənin payına 355 min dollar düşür. USD/AZN T+1, T+2 və SWAP_USD/AZN alətləri üzrə tələbat olmadığı şəraitdə dilerlər tərəfindən əqdlər bağlanılmayıb. Avro və Rusiya rublu üzrə sifarişlər banklar tərəfindən BEST sisteminə daxil edilməyib.Qeyd edək ki, BEST sistemində fəaliyyət göstərən mütəşəkkil banklararası kredit bazarında market-meyker statusu alan banklar tərəfindən 90 günlük alət üzrə verilən sifarişlər əsasında hesablanan BakIBOR indeksi manat vəsaitləri üzrə illik 15,94%, ABŞ dolları üzrə isə illik 16,69% təşkil edib. Gün ərzində kredit alətləri üzrə banklar arasında əqdlər qeydə alınmayıb.

<span style="color:#FF0000;font-size:18px;">[b]İctimai Televiziya və Radioda namizədlərə ödənişli efir vaxtının ayrılması ilə bağlı püşkatma keçirilib[b]</span>

[Bakı-APA. Azərbaycanda 15 oktyabrda keçiriləcək prezident seçkilərində iştirak edən namizədlərə İctimai Televiziya və Radioda ödənişli efir vaxtının ayrılması ilə bağlı onların nümayəndələrinin iştirakı ilə püşkatma keçirilib. Bu barədə APA-ya İctimai Televiziya və Radio Yayımları Şirkətinin (İTRŞ) mətbuat xidmətindən məlumat verilib. Məlumata görə, şirkətdə yaradılan püşkatma komissiyasının sədri, İTRYŞ-nin baş direktorunun müavini Çingiz Aslanov bildirib ki, qanunvericiliyə uyğun olaraq namizədlərə televiziyada və radioda 6 saat ödənişli efir vaxtı ayrılıb və təşviqat prosesi başlayandan ötən bir həftə ərzində ödənişli efir vaxtının ayrılması üçün 5 qeydə alınmış namizəd tərəfindən şirkətə müraciət olunub. Komissiya sədri qeyd edib ki, efir vaxtı həm televiziyada, həm də radioda saat 09:51-dən 22:51-dək müəyyən edilib və vaxt bölgüsündə bərabər imkan yaradılıb. Püşkatmanın nəticəsinə əsasən ödənişli efir vaxtından Müasir Müsavat Partiyasından prezidentliyə namizəd Hafiz Hacıyev birinci, YAP-dan prezidentliyə namizəd İlham Əliyev ikinci, Ümid Partiyasından prezidentliyə namizəd İqbal Ağazadə üçüncü, BAXCP-dən prezidentliyə namizəd Qüdrət Həsənquliyev dördüncü, BQP-dən prezidentliyə namizəd Fazil Qəzənfəroğu beşinci istifadə edəcək. Məlumata görə, həftənin cüt günləri 18.51 və 19.51-də nəzərdə tutulan vaxtlar namizədlərin iştirakı ilə keçirilən dəyirmi masa ilə əlaqədar olaraq 18.42 və 19.54-lə əvəzlənəcək. Şirkətin baş direktorunun müavini bildirib ki, İTRYŞ-nin Direktorlar Şurası prezidentliyə namizədlər üçün püşkatmaya çıxarılan ödənişli efir vaxtının qiymətlərində dəyişiklik edib. Qeyd olunub ki, televiziyada bu imkandan istifadə edənlərə 30 faiz, radioda isə 50 faiz güzəşt ediləcək.

<span style="color:#FF0000;font-size:18px;">[b]Moskvada "Azərbaycan 2008-ci ildə: prezident seçkiləri və xarici siyasətin strategiyası" mövzusunda dəyirmi masa keçirilib[b]</span>

[Bakı. Laçın Sultanova - APA. Moskvada "Rusiya naminə vəhdət" Fondunun himayəsi altında "Azərbaycan 2008-ci ildə: prezident seçkiləri və xarici siyasətin strategiyası" mövzusunda dəyirmi masa keçirilib. Azərbaycanın Rusiyadakı səfirliyindən APA-ya verilən məlumata görə, Azərbaycan prezidenti yanında Strateji Araşdırmalar Mərkəzinin direktoru, siyasi elmlər doktoru, professor Elxan Nuriyev tədbirə əsas məruzəçi qismində dəvət olunub. O, iştirakçıları Azərbaycandakı seçkiqabağı vəziyyətlə tanış edib. E. Nuriyev sosioloji araşdırmalara əsasən prezident İlham Əliyevin şəksiz lider olduğunu vurğulayıb və onun rəhbərliyi altında Azərbaycanın müasirləşməsi, hərtərəfli inkişafı istiqamətində həyata keçirilən kursun əhali tərəfindən dəstəklənməsinin səbəblərini açıqlayıb. Məruzəçi öz milli mənafelərindən çıxış edən, eyni zamanda qlobal və regional qüvvələrin də mövqeləri nəzərə alan Azərbaycanın çoxvektorlu xarici siyasətinin əsas prinsipləri haqda ümumi məlumat verib. Fondun prezidenti Vyaçeslav Nikonov dəyirmi masada giriş nitqi və yekun şərhlə çıxış edib.

<span style="color:#FF0000;font-size:18px;">[b]Xəlil Hüseynova Prezidentin fərdi təqaüdü verilib[b]</span>

[Baki-APA. Bu gün prezident İlham Əliyev Xəlil Hüseynova Prezidentin fərdi təqaüdünün verilməsi haqqında sərəncam imzalayıb. APA-nın xəbərinə görə, X. Hüseynov Azərbaycan mədəniyyətinin inkişafındakı xidmətlərinə görə təqaüdə layiq görülüb.

<span style="color:#FF0000;font-size:18px;">[b]Azərbaycan prezidenti Cəlil Məmmədquluzadə adına Naxçıvan Dövlət Musiqili Dram Teatrının əməkdaşlarının bir qrupunun təltif edilməsi barədə sərəncamlar imzalayıb[b]</span>

[Bakı-APA. Bu gün Azərbaycan prezidenti İlham Əliyev Cəlil Məmmədquluzadə adına Naxçıvan Dövlət Musiqili Dram Teatrının əməkdaşlarının bir qrupunun təltif edilməsi barədə sərəncamlar imzalayıb. APA-nın xəbərinə görə, teatrın üç əməkdaşı "Tərəqqi" medalı ilə təltif edilib. Teatrın beş əməkdaşı "xalq artisti", dörd əməkdaşı isə "əməkdar artist" adına layiq görülüb.

<span style="color:#FF0000;font-size:18px;">[b]AKP-dən bir millət vəkili istefa verib[b]</span>

[Ankara - APA. Türkiyənin hakim partiyası deputatlarından birini itirib. APA-nın "Habertürk"ə istinadən verdiyi məlumata görə, Ədalət və İnkişaf Partiyasının (AKP) Yozqat bölgəsindən seçilmiş millət vəkili Yaşar Öztürk partiya üzvlüyündən istefa verib. O, istefasının səbəblərini açıqlamayıb. Qeyd edək ki, bu gün AKP-nin ikinci adamı Dengir Mir Mehmet Fırat və müxalifətdəki Cümhuriyyət Xalq Partiyasının parlament fraksiyasının həmsədri Kamal Kılıçdaroğlu arasında teledebat keçirilib. Parlamentin binasında məşhur telejurnalist Uğur Dündarın aparıcılığı ilə keçirilən debatda K. Kılıçdaroğlu D. Fıratı bir sıra cinayətlərdə ittiham edib və bununla bağlı sənədlər göstərib. D. Firat isə bunları əsassız adlandırıb və opponentini iftira atmaqda suçlayıb. Debat ölkənin əsas telekanalları vasitəsilə canlı yayımlanıb.

<span style="color:#FF0000;font-size:18px;">[b]Azərbaycan prezidenti İlham Əliyev Türkiyənin ədliyyə nazirini qəbul edib[b]</span>

[Bakı-APA. Azərbaycan prezidenti İlham Əliyev ölkəmizdə səfərdə olan Türkiyənin ədliyyə naziri Mehmet Əli Şahini qəbul edib. APA-nın məlumatına görə, nazir Mehmet Əli Şahin iki ölkə arasında bütün sahələrdə əməkdaşlığın yüksək səviyyədə olduğunu, bu münasibətlərin daha da inkişaf etməsi üçün hər iki dövlətin əlindən gələni əsirgəmədiyini bildirib. Dövlət başçısı İlham Əliyev qonağın ölkəmizə səfərindən məmnun olduğunu, iki ölkə arasında əməkdaşlığın inkişafında qarşılıqlı səfərlərin mühüm əhəmiyyət kəsb etdiyini deyib. Azərbaycan-Türkiyə əlaqələrinin yüksək səviyyədə olduğunu deyən prezident bu münasibətlərin daha da inkişaf edəcəyinə əminliyini bildirib.

<span style="color:#FF0000;font-size:18px;">[b]Prezident İlham Əliyev bir qrup qadının təltif olunması ilə bağlı sərəncamlar imzalayıb[b]</span>

[Bakı-APA. Prezident İlham Əliyev ölkənin elm, səhiyyə, təhsil, incəsənət sahəsindəki xidmətlərinə görə bir qrup qadının təltif olunması ilə bağlı sərəncamlar imzalayıb. APA-nın məlumatına görə, bir qrup məşhur xanım "Şöhrət" ordeni, "Tərəqqi" medalı ilə təltif olunub. Ölkə başçısının digər sərəncamı ilə bir qrup qadına "Azərbaycan Respublikasının əməkdar incəsənət xadimi", "Azərbaycan Respublikasının əməkdar müəllimi", "Azərbaycan Respublikasının əməkdar həkimi", "Azərbaycan Respublikasının əməkdar mədəniyyət işçisi" fəxri adları verilib. Prezidentin digər sərəncamına əsasən iki xanıma da "Azərbaycan Respublikası Prezidentinin Fərdi Təqaüdü" verilib.

<span style="color:#FF0000;font-size:18px;">[b]Azərbaycan prezidenti İlham Əliyev Rusiya Federasiya Şurasının vitse-spikeri Svetlana Orlovanı qəbul edib[b]</span>

[Bakı-APA. Azərbaycan prezidenti İlham Əliyev Bakıda səfərdə olan Rusiya Federasiya Şurasının vitse-spikeri Svetlana Orlovanı qəbul edib. APA-nın məlumatına görə, qonağı salamlamaqdan məmnun olduğunu ifadə edən dövlət başçısı Azərbaycan-Rusiya əlaqələrinin inkişaf etdiyini, hər iki ölkənin bu əlaqələrin inkişafında maraqlı olduğunu vurğulayıb. Səmimi qəbula görə təşəkkür edən Svetlana Orlova Azərbaycanda yüksək inkişaf getdiyini, bu inkişafı görməkdən məmnun olduğunu bildirib.

<span style="color:#FF0000;font-size:18px;">[b]Azərbaycan prezidenti Şeyxülislamın açdığı iftar süfrəsi ilə bağlı mərasimdə iştirak edib[b]</span>

Sentyabrın 25-də Qafqaz Müsəlmanları İdarəsinin (QMİ) sədri, Şeyxülislam Allahşükür Paşazadə müqəddəs Ramazan ayı münasibətilə öz iqamətgahında iftar süfrəsi açıb. APA-nın xəbərinə görə, mərasimdə Azərbaycan prezidenti İlham Əliyev də iştirak edib.

[Mərasimdə çıxış edən Şeyxülislam iftar süfrəsinə təşrif buyuranlara öz təşəkkürünü bildirib. Ramazanın sevgi, mərhəmət, ruzi, dostluq, qardaşlıq və həmrəylik ayı olduğunu diqqətə çatdıran QMİ sədri belə bir ayda Prezidentin dindarlarla birgə iftar etməsini onun xalqla həmrəylinin, milli-mənəvi dəyərlərə yüksək qiymət verməsinin bariz nümunəsi, həm də Azərbaycan müsəlmanlarına böyük hörmətinin göstəricisi olduğunu qeyd edib: "Bu gün biz milli və dini mənsubiyyətdən asılı olmayaraq, Azərbaycan adlı böyük bir ailənin bərabər hüquqlu üzvləri kimi iftar süfrəsində bir araya gəlmişik. Deməli, bu, yalnız iftar süfrəsi deyil, həm də birliyimizin, prezidentimizin ətrafında sıx birləşməyimizin və tolerantlığımızın nümunəsidir".Məscid və ziyarətgahların bərpası sahəsində ardıcıl tədbirlər həyata keçirildiyini vurğulayan Şeyx Bibiheybət ziyarətgahının, İçərişəhər Cümə məscidinin bərpasının artıq başa çatdığını, Təzəpir, Əjdərbəy məscidlərində, eləcə də digər məscidlər, dini ocaqlar, həmçinin sinaqoq və kilsələrdə tikinti-bərpa işlərinin aparıldığını söyləyib. Şeyx onu da qeyd edib ki, Azərbaycanda əhalinin böyük əksəriyyətini müsəlmanların təşkil etməsinə baxmayaraq, digər konfessiyaların mənsublarına bərabər şərait yaradılır, onların öz inanc və etiqadlarına uyğun yaşamaları üçün dövlət tərəfindən bütün lazımi tədbirlər görülür.Şeyxülislam bütün bunlara baxmayaraq, Azərbaycanı, ölkədəki inkişafı və bölgənin lider dövlətinə çevrilməsini istəməyən, hər vəchlə bunun qarşısını almağa çalışan qüvvələrin varlığından xəbərdar olduqlarını da bildirib: "Təəssüf ki, bu qüvvələr qarşılarına qoyduqları məqsədlərə çatmaq üçün din amilindən istifadə etməkdən, dinlər və məzhəblər arasında qarşıdurma yaratmaqdan da çəkinmirlər. Sizi əmin edirik ki, rəhbərliyiniz altında sürətlə inkişaf edən dövlətimizi öz yolundan döndərmək, cəmiyyətdəki ictimai-siyasi sabitliyi pozmaq, eləcə də dini durumda və bu cəmiyyətin fəal qüvvəsi olan dindarlar arasında gərginlik yaratmaq cəhdləri Yaradanın köməyi ilə əsla baş tutmayacaq. Biz inanırıq ki, inşallah, Zati-alilərinizin doğma Azərbaycanımızla bağlı bütün arzuları və ideyaları reallaşacaqdır. Ulu öndər Heydər Əliyevin arzuladığı kimi, Qarabağ düyünü açılacaq, Azərbaycanın ərazi bütövlüyü Sizin rəhbərliyinizlə təmin olunacaq". Mərasim iştirakçıları qarşısında çıxış edən prezident İlham Əliyev Ramazan ayında belə görüşün ənənəyə çevrildiyini vurğulayıb. Müstəqillik illərində ölkənin qarşılaşdığı sınaqlardan danışan prezident "Azərbaycan xalqı sübut etdi ki, özü öz müqəddəratını müəyyən edə bilər, özü seçdiyi yolla uğurla gedə bilər və qarşıda duran problemlərin həlli işində çox uğurlu addımlar ata bilər" deyib. Müstəqilliyin əsasının məhz 1993-cü ildə qoyulduğunu deyən dövlət başçısı 1991-ci ildən Azərbaycanın müstəqil ölkə kimi yaşadığını, lakin ilk illərdə faktik olaraq ölkənin gələcək müstəqil həyatının şübhə altına salındığını da vurğulayıb. Son beş ildə görülən işlərdən danışan prezident ölkənin problemlərinin həllinə səy göstərdiyini, bütün sahələrdə olan problemləri tezliklə həll etməyə çalışdığını deyib: " "Son beş ildə elə hal olmayıb ki, hansısa vəd verilsin, yaxud da məsələ qarşıya qoyulsun, ancaq həll olunmasın. Bütün proqramlar konkret xarakter daşıyır və hər bir proqramın arxasında konkret icra mexanizmləri, maliyyə resursları və düşünülmüş strateji xətt dayanır. Belə olan halda, əlbəttə, ölkənin uğurları tezliklə baş verəcək"."Prezident kimi mənim üçün, ilk növbədə, Azərbaycan xalqının maraqları böyük önəm daşıyır. Mən çalışmışam və bundan sonra da çalışacağam ki, Azərbaycan xalqının maraqlarını tam şəkildə müdafiə edək, qoruyaq, Azərbaycan dövlətinin mövqelərini möhkəmləndirək"-deyən ölkə başçısı Azərbaycanın bölgədə sabitləşdirici amil kimi daim mövcud olduğunu da xatırladıb. Böhranlı şəraitdə bunun daha qabarıq göründüyünü xatırladan prezident növbəti illərdə Azərbaycanın bölgədəki nüfuzu, mövqeyi və rolunun daha da artacağını qeyd edib. Prezident Azərbaycanın milli və dini dözümlülük baxımından nümunə kimi göstərildiyini də bildirib: "Azərbaycanda bütün insanlar, bütün millətlərin, dinlərin nümayəndələri bir ailə kimi yaşayırlar. Azərbaycanda heç vaxt milli, yaxud da dini zəmində nəinki qarşıdurma, heç anlaşılmazlıq da olmayıb, olmamalıdır və əminəm ki, olmayacaq. Bu, bütün başqa amillərlə yanaşı, ölkəmizin uğurlu inkişafını təmin edən amildir". Dünya Bankı və Beynəlxalq Valyuta Fondunun Azərbaycanı bir nömrəli islahatçı ölkə kimi qiymətləndirdiyini deyən prezident bu qiyməti verən təşkilatların dünyanın ən böyük beynəlxalq maliyyə qurumları olduğunu da xatırladıb: "Azərbaycanda ictimai-siyasi vəziyyət sabit olaraq qalacaq, demokratiyanın inkişafı istiqamətində mühüm addımlar atılacaq. Təhlükəsizlik tədbirləri görüləcək, iqtisadi islahatlar, sosial proqramların icrası davam etdiriləcək. Növbəti illərdə böyük infrastruktur layihələri gözlənilir. Növbəti ilin dövlət büdcəsi təxminən 15 milyard dollar həcmində olacaq. Bu, son 5-6 il ərzində misli görünməmiş irəliləyişdir. Bizim dövlət xərclərimiz on dəfədən çox artır. Bunun nəticəsi olaraq, bütün layihələr uğurla icra edilir".Daha sonra prezident Ramazan bayramının müqəddəs ənənələrindən danışıb, bayram ərəfəsində bütün Azərbaycan xalqına xoşbəxtlik, cansağlığı, yeni-yeni uğurlar arzulayıb.Foto: "Azərtac"ındır.

<span style="color:#FF0000;font-size:18px;">[b]Azərbaycan iqtisadiyyatının dollarlaşması ölkəni xaricdə baş verən neqativ proseslərin asılılığına salır[b]</span>

Bakı. Vahab Rzayev - APA-ECONOMICS. Azərbaycanın bank sistemində kredit və depozitlərin valyutalar üzrə təsnifatı ölkə iqtisadiyyatının dollarlaşmasından xəbər verir.

[Azərbaycan Milli Bankından (AMB) «APA-ECONOMICS»ə verilən məlumata əsasən, bu ilin avqust ayının 1-nə 6 361,5 mln. manat həcmində olan bank kreditlərinin 46%-i və ya 2 912,9 mln. manatı xarici valyutanın (əsasən, ABŞ dollarında) payına düşür. Maraqlıdır ki, kreditlərin valyutalar üzrə strukturu 2006-cı ildən dəyişib. Həmin dövrədək valyuta kreditləri üstünlük təşkil edib. Belə ki, 2005-ci ilin sonuna valyuta kreditlərinin payı 62%-ə, 2006-cı ilin sonuna isə artıq 51%-ə bərabər olub.Bank depozitləri üzrə isə vəziyyət tam fərqlidir: valyuta depozitlərinin payına ümumi həcmin (4 049,1 mln manat) 57,4%-i düşür. Bunun isə 84%-ni müddətli depozitlər, 16%-ni isə cari hesablar təşkil edir. Yəni, bankların müştəriləri öz əmanət və depozitlərini əsasən xarici valyutaya etibar edirlər. Dolların manata qarşı məzənnəsinin dinamikası baxımından, kredit və depozitlərin valyutalar üzrə bölgüsü xüsusi diqqət cəlb edir. Belə ki, 2005-ci ildən dollar manata qarşı davamlı olaraq ucuzlaşıb. Nəticədə, dollarda olan depozitlər, həmçinin dollarda olan öhdəliklər ucuzlaşır. Belə şəraitdə kreditləri dollarda götürmək, depozitləri isə manatla yerləşdirmək daha əlverişlidir. Lakin reallıq bunun tam əksini göstərir. Bu da Azərbaycanda iqtisadiyyatın dollardan ənənəvi asılılığının hələ də qüvvədə olduğunu əks etdirir. Məhz bu səbəbdən daxili valyuta bazarının ÜDM-yə nisbəti 60,6% təşkil edir.Qeyd edək ki, dollarlaşmanın əsas iqtisadi səbəbi kimi iqtisadi subyetklər tərəfindən milli valyutaya deyil, dollara üstünlük verməsi ilə bağlıdır. Bu, adətən dolların milli valyutaya nisbətən daha sabit və möhkəm olduğu halda baş verir. Azərbaycanda isə uzun müddətdir ki, manat dollara nisbətən daha möhkəmdir. Buna baxmayaraq, ölkədə dollar tək hesablaşmalar valyutası kimi deyil, həm də yığım valyutası kimi qəbul olunur. Həmçinin, malların böyük hissəsi (əsasən, idxal malları, daşınmaz əmlak və s.) hətta ölkənin daxilində dollarla satılır. Müşahidəçilərin fikrincə, ölkə iqtisadiyyatının dollarlaşmasının əsas səbəblərindən biri mərkəzi bank tərəfindən açıq bazarda pul təklifinə zəif nəzarət etməsi ilə bağlıdır. Dollarlaşmanın əsas neqativ nəticəsi isə iqtisadiyyatın dünya proseslərindən, ABŞ-ın maliyyə sistemindən sıx asılılığıdır ki, son nəticədə ölkə kənarında baş verən bütün mənfi tendensiyalar Azərbaycanın daxilinə siraət edir. Etiraf etmək lazımdır ki, Azərbaycanda bu cür hallar mütəmadi baş verir.

<span style="color:#FF0000;font-size:18px;">[b]"Milan" 9 yaşlı futbolçu aldı[b]</span>

[Bakı. Vüqar Xeyrullayev - APA-SPORT. İtaliyanın "Milan" klubu 9 yaşlı futbolçunu transfer edib. "APA-SPORT"un məlumatına görə, "qara-qırmızı"lar Meksika futbolunun yeniyetmə ulduzu Eduardo Obreqonu heyətinə qatıb. İndidən Dieqo Maradona, Lionel Messi və Serxio Aquero kimi oyunçularla müqayisə olunan "Pişik" ləqəbli Eduardo vətənində "Çivas" klubunda oynayıb. Uşaqların turnirində vunderkindi görən "Milan" seleksiyaçıları "Barselona"nın da göz dikdiyi Obreqonu almağa tələsib.

<span style="color:#FF0000;font-size:18px;">[b]Yaponiyada nazirlərin maaşı 10 faiz azaldılıb[b]</span>

[Tokio-APA. Yaponiyanın yeni baş naziri Taro Aso nazirlərin maaşlarının 10 faiz azaldılması barədə qərar qəbul edib. APA-nın məlumatına görə, nazir maaşlarının azaldılması nəticəsində qənaət edilən pullar ölkədə inzibati və maliyyə islahatları aparılmasına sərf olunacaq. Qeyd edək ki, Yaponiya baş nazirinin aylıq maaşı 20 min, nazirlərin maaşı isə 15 min dollardır.

<span style="color:#FF0000;font-size:18px;">[b]İslam təmayüllü təşkilatlar İsrailin Azərbaycandakı səfirliyi qarşısında aksiya keçirməyə cəhd göstəriblər[b]</span>

[Bakı. Ramil Məmmədli-APA. Bu gün İslam Partiyasının, ölkədə fəaliyyət göstərən İslam təmayüllü təşkilatların iştirakı ilə İsrailin Azərbaycandakı səfirliyinin binası qarşısında aksiya keçirilməsinə cəhd göstərilib. APA-nın xəbərinə görə, aksiya ümumdünya Qüds gününə həsr olunub. Aksiya iştirakçıları beş dəqiqə ərzində İsrail dövləti və sionizm əleyhinə şüarlar səsləndirib, Qüds şəhərinin işğaldan azad olunmasını tələb edib, dünya müsəlmanlarını bununla bağlı birliyə çağırıblar. Hadisə yerinə gələn Yasamal rayon Polis İdarəsinin əməkdaşları sanksiyalaşdırılmamış aksiyanın qarşısını alıblar. İştirakçıların əksəriyyəti saxlanılaraq Yasamal rayon 27-ci polis bölməsinə aparılıb.

<span style="color:#FF0000;font-size:18px;">[b]Elmar Məmmədyarov Saxara təşəbbüsünü alqışlayıb[b]</span>

[Bakı. Tamara Qriqoryeva - APA. Azərbaycanın xarici işlər naziri Elmar Məmmədyarov Saxaraya muxtariyyət statusu verilməsi təşəbbüsünü alqışlayıb. APA-nın məlumatına görə, E. Məmmədyarov Nyu-Yorkda Mərakeşin xarici işlər naziri Taib Fassi Fehri ilə görüşündə bu ölkənin Saxara təşəbbüsünün çox önəmli olduğunu bildirib: "Biz inanırıq ki, bu təşəbbüs sabitliyi möhkəmləndirəcək". Nazir Saxara məsələsi ilə bağlı Azərbaycan və Mərakeşin mövqelərinin bir-birinə çox yaxın olduğunu söyləyib. Görüşdə ikitərəfli əlaqələrin inkişafı da diqqət mərkəzində olub.

<span style="color:#FF0000;font-size:18px;">[b]Bekkenbauerdən Azərbaycana xoş xəbər[b]</span>

Avropa çempionatının final mərhələsinə 24 milli komanda qatılacaq

[Bakı. Mehman Süleymanov - APA-SPORT. Avropa çempionatlarının (AÇ) final mərhələsində çıxış edəcək komandaların sayının artırılması rəsmiləşib. "APA-SPORT"un məlumatına görə, UEFA-nın İcraiyyə Komitəsinin (İK) Fransanın Bordo şəhərində keçirilən iclasında bununla bağlı qərar qəbul olunub. Bu haqda məlumat verən İK-nın üzvü Frants Bekkenbauer deyib ki, 2016-cı ildən Avropa çempionatının final mərhələsində 16 yox, 24 komanda qatılacaq. Yeni qərar bu gün keçiriləcək xüsusi mətbuat konfransında rəsmən bəyan olunacaq. UEFA-nın yeniliyi Azərbaycan milli komandasının indiyədək qatıla bilmədiyi AÇ-nin final mərhələsinə çıxmaq şansını artırıb.Qeyd edək ki, 1960-76-cı illərdə 4, 1980-92-ci illərdə 8, 1996-cı ildən indiyədək isə AÇ-nin həlledici mərhələsində 16 komanda mübarizə aparırdı.

<span style="color:#FF0000;font-size:18px;">[b]Azərbaycan mikrosığortanın perspektivləri ilə bağlı Bazeldə keçirilən beynəlxalq konfransda iştirak edib[b]</span>

[Bakı. Nicat Mustafayev - APA-ECONOMICS. Bazeldə (İsveçrə) Beynəlxalq Ödəmələr Bankının Maliyyə Sabitliyi İnstitutu tərəfindən təşkil edilmiş «Mikrosığortanın maliyyə sisteminə inteqrasiyası: tənzimləmə, nəzarət və siyasət məsələləri» mövzusunda beynəlxalq konfrans keçirilib.Azərbaycan Maliyyə Nazirliyindən «APA-ECONOMICS»ə verilən məlumata görə, konfransda 35 ölkədən 70-ə yaxın nümayəndə iştirak edib. Azərbaycanı bu toplantıda Maliyyə Nazirliyi Dövlət Sığorta Nəzarəti Şöbəsinin baş məsləhətçisi Zəka Mirzəyev təmsil edib. Tədbirdə Dünya Bankı və Beynəlxalq Əmək Təşkilatının vəzifəli şəxsləri ilə yanaşı, mikrosığortanın tətbiq edildiyi bir sıra ölkələrin - Çin, Hindistan, CAR və Filippindən olan ekspertlərin məruzələri dinlənilib və interaktiv müzakirələr aparılıb. Mikrosığortanın tətbiqi ilə bağlı qeyd olunan ölkələrdən başqa, Kolumbiya və Uqandanın da təcrübəsindən bəhs edilib.Qeyd edək ki, mikrosığorta əhalinin az gəlirli təbəqəsinə müxtəlif hüquqi şəxslər tərəfindən göstərilən, lakin qəbul edilmiş ümumi sığorta təcrübəsinə uyğun qaydada həyata keçirilən maliyyə əməliyyatlarını ehtiva edir. Ailə başçısının ölümü, xəstəlik, gəlirin və ya əmlakın itirilməsi hallarında baş verən çətinliklərin dövlət tərəfindən tam qarşılana bilməməsi daimi yoxsulluğu saxlayan amillərdəndir.

<span style="color:#FF0000;font-size:18px;">[b]Havanada Kuba-Azərbaycan biznes-forumu keçiriləcək[b]</span>

[Bakı. Tamara Qriqoryeva-APA. Noyabrda Havanada Kuba-Azərbaycan biznes-forumu keçiriləcək. Kubanın Azərbaycandakı səfiri Marselo Kaballero Torresin APA-ya verdiyi məlumata görə, Kubaya səfər edəcək nümayəndə heyətinin tərkibinə ticarət, investisiyalar, energetika sahəsində çalışan iş adamları daxildir. Biznes-forum ənənəvi illik Havana beynəlxalq sərgisi çərçivəsində baş tutacaq.

<span style="color:#FF0000;font-size:18px;">[b]BQXK-nin Azərbaycan nümayəndəliyinə yeni rəhbər təyin olunub[b]</span>

[Bakı. Hafiz Heydərov-APA. Beynəlxalq Qızıl Xaç Komitəsinin (BQXK) Azərbaycandakı nümayəndəliyinə yeni rəhbər təyin olunub. BQXK-nin mətbuat xidmətindən APA-ya verilən məlumata görə, nümayəndəliyə Belçikadan olan Tun Vandenhuv rəhbərlik edəcək. O, oktyabrın 1-dən səlahiyyətlərinin icrasına başlayacaq. Tun Vandenhuv artıq Bakıdadır və bu gündən görüşlərə başlayacaq. Məlumata görə, T. Vandenhuv 1992-ci ildən BQXK-nin dünyanın bir çox ölkələrindəki nümayəndəliklərində çalışıb. Qeyd edək ki, BQXK-nin Azərbaycandakı nümayəndəliyinə bundan əvvəl Martin Amaşer rəhbərlik edib.

<span style="color:#FF0000;font-size:18px;">[b]Son üç ayda dünya bazarında neft 28% ucuzlaşıb[b]</span>

[Bakı. Vüqar Mustafayev - APA-ECONOMICS. Sentyabrın 25-də Nyu-Yorkun NYMEX əmtəə birjasında keçirilən hərracın gedişində WTI neftinin ixracına dair noyabr müqaviləsinin dəyəri 2,29 dollar yüksələrək 1 barelə görə 108,02 dollar təşkil edib. Hərracın gedişində neftin qiyməti 103,22-107,80 dollar/barel diapazonunda dəyişib. «APA-ECONOMICS»in məlumatına görə, ICE London qitələrarası birjasında noyabrda ixrac etməklə Brent markalı neftin 1 barelinin dəyəri 2,15 - 104,60 dollaradək bahalaşıb.Bu gün səhər isə WTI neftinin qiyməti 1,32 dollar - 106,70 dollaradək, Brent markalı neftin dəyəri 1,13 dollar - 103,47 dollaradək enib. Qeyd edək ki, son üç ayda dünya bazarında neft 28% ucuzlaşıb.

<span style="color:#FF0000;font-size:18px;">[b]MSK-nın xəbərdarlığından sonra prezidentliyə namizəd Fuad Əliyevin təbliğat materiallarının dəyişdirilməsinə başlanılıb[b]</span>

[Bakı. Elnur Məmmədli - APA. Mərkəzi Seçki Komissiyası (MSK) prezidentləri namizəd, Azərbaycan Liberal Demokrat Partiyasının (ALDP) sədri Fuad Əliyevə müraciət edib. APA-nın məlumatına görə, bu barədə qurumun mətbuat xidmətinin rəhbəri Azər Sarıyev məlumat verib. Onun sözlərinə görə, F. Əliyev təşviqat şəkillərində rekvizitləri göstərməyib. A. Sarıyev bildirib ki, bu qanunun müddəalarına ziddir və müraciətdən sonra F. Əliyevin həmin şəkilləri öz partiyası tərəfindən təbliğat lövhələrindən yığışdırılır, onun yerinə isə rekvizitlər göstərilən yeni şəkillər yapışdırılır. A. Sarıyevin sözlərinə görə, prezidentliyə namizədlər çap etdirdikləri bütün təşviqat materiallarının bir nüsxəsini MSK-ya təqdim edirlər. O seçkiyə qatılmış 7 namizədin 6-nın artıq bu materialları quruma təqdim etdiyini bildirib. Yalnız Qulamhüseyn Əlibəyli hələlik heç bir təşviqat materialı çap etməyib.

<span style="color:#FF0000;font-size:18px;">[b]Aleksandr Lukaşenko Abxaziya və Cənubi Osetiya başçılarının xahişini rədd edib[b]</span>

[Minsk - APA. Gürcüstanın separatçı əraziləri - Abxaziya və Cənubi Osetiyanın başçıları Belarus prezidenti Aleksandr Lukaşenkoya müraciət ediblər. APA-nın "İnterfaks"a istinadən verdiyi məlumata görə, abxaz separatçılarının lideri Sergey Baqapş və Cənubi Osetiya separatçılarının lideri Eduard Kokoytı Aleksandr Lukaşenkodan onları tanımasını xahiş etsələr də, istəklərinə nail ola bilməyiblər. Belə ki, A. Lukaşenko onların xahişini nəzakətlə rədd edib. Belarus prezidentinin mətbuat xidmətindən məsələ ilə bağlı aşağıdakı açıqlama verilib: "Abxaziya və Cənubi Osetiya rəhbərlərinə Belarus tərəfinin mövqeyi ifadə edilmiş cavab göndərilib".

<span style="color:#FF0000;font-size:18px;">[b]Gürcüstan prezidentinin anası Bakıya gəlib[b]</span>

[Bakı. Laura Cəbrayıllı-APA. Gürcüstan prezidenti Mixail Saakaşvilinin anası, türkoloq, professor Giulli Alasaniya Bakıya gəlib. Bu barədə APA-ya Ailə, Qadın və Uşaq Problemləri üzrə Dövlət Komitəsindən bildirilib. G. Aalasiniya bu gün Bakıda keçirilən Azərbaycan Qadınlarının 3-cü Qurultayında iştirak edir. Məlumata görə, Gürcüstan prezidentinin anası sentyabrın 28-nə kimi Bakıda olacaq. Onun Milli Məclisdə, Heydər Əliyev Fondunda, ölkədə fəaliyyət göstərən bir sıra qadın təşkilatlarında görüşləri nəzərdə tutulub.