Azərbaycan Xəbərləri

<span style="color:#FF0000;font-size:18px;">[b]AŞƏS-in keçirdiyi «exit-poll»un nəticələrinə görə də İlham Əliyev seçkilərdə qalib gəlib[b]</span>

Bakı. Rəşad Süleymanov - APA. «Azad, Şəffaf, Ədalətli Seçkilər» Koalisiyası (AŞƏS) keçirdiyi «exit-poll»un son nəticələrini açıqlayıb. Koalisiyadan APA-ya verilən məlumata görə, AŞƏS 57 seçki dairəsinin 488 məntəqəsində "exit-poll" keçirib

[Dairələrdən 15-i Bakı şəhərində, 42-si isə regionlardadır. AŞƏS-in keçirdiyi «exit-poll»da Bakı şəhəri üzrə ümumilikdə 45300, regionlarda isə 29800 seçici iştirak edib, ümumi seçicilərin fəallığı təxminən 73,1% faiz olub.Səsvermə günü AŞƏS Koalisiyasının keçirdiyi «exit-poll»un nəticələrinə əsasən, təxmini ilkin hesablamalarına görə, seçkinin qalibi 85,7% səslə İlham Əliyevdir. Sonrakı yerləri İqbal Ağazadə (3,5%), Qulamhüseyn Əliyev (3,1%), Fazil Qəzənfəroğlu (2,7%), Qüdrət Həsənquliyev (2,5%), Fuad Əliyev (1,4%) və Hafiz Hacıyev (0,8%) tutub. «Exit-poll» bülletenlərinin 0,3%-i etibarsız sayılıb. Qeyd edək ki, AŞƏS seçkilərdə həyata keçirdiyi müşahidəçilik və «exit-poll»a əsasən seçkinin nəticələrinə dair ilkin rəyini sabah açıqlayacaq.

<span style="color:#FF0000;font-size:18px;">[b]Milli Məclisin dəvəti ilə seçkiləri izləyən avropalı deputatlar prosesə müsbət qiymət veriblər[b]</span>

[Bakı. Tamara Qriqoryeva - APA. Milli Məclisin prezident seçkilərini izləmək üçün Avropa ölkələrindən dəvət etdiyi müşahidəçilər mətbuat konfransı keçiriblər. APA-nın məlumatına görə, almaniyalı Otto Hauzer seçkilərin azad, ədalətli və şəffaf şəraitdə keçirildiyini bildirib. Onun fikrincə, seçkilərə bu qədər beynəlxalq müşahidəçinin dəvət edildiyi ölkədə saxtakarlıq mümkün deyil. Alman deputat seçkilərə mənfi qiymət verən xarici müşahidəçilərə əvvəlcə öz ölkələrinə baxmağı məsləhət görüb. Böyük Britaniyadan olan Baronessa Okkahayn müxalifətin seçkidə demək olar ki, iştirak etməməsindən məyus olduqlarını söyləyib. O deyib ki, hər siyasi partiya ölkəsinin siyasi həyatında iştirak etməlidir. Baronessa seçkilərin gedişini müsbət qiymətləndirərək mediada bütün namizədlərə bərabər şərait yaradıldığını vurğulayıb. Bolqarıstanlı Solomon Passi isə 7-ci dəfədir Azərbaycana gəldiyini, ölkənin getdikcə inkişaf etdiyini və bu inkişafın seçkilərin keçirilməsində də özünü büruzə verdiyini bildirib.

<span style="color:#FF0000;font-size:18px;">[b]Azərbaycanda keçirilmiş prezident seçkilərini izləyən İran İslam Respublikasından olan müşahidəçilərdən ibarət nümayəndə heyəti yekun bəyanat yayıb[b]</span>

Bakı. Hafiz Heydərov-APA. Azərbaycanda keçirilmiş prezident seçkilərini izləyən İran İslam Respublikasından olan müşahidəçilərdən ibarət nümayəndə heyəti yekun bəyanat yayıb.

[Heyətdən APA-ya daxil olan məlumata görə, nümayəndə heyəti seçkilərə start verilən saatdan etibarən bir neçə müşahidəçi qrupu təşkil edərək, Bakıda və Azərbaycanın müxtəlif rayonlardakı seçki məntəqələrində olub, müşahidələr aparıblar. İranlı müşahidəçilər olduqları seçki məntəqələrində hər hansı qanun pozuntusu müşahidə etmədiklərini bildiriblər: "Səsvermə tamamilə sakit və nizamlı bir atmosferdə keçirilib. Vətəndaşlar seçki məntəqələrindəki səsvermə prosesində geniş formada iştirak edərək, nəzərəçarpacaq fəallıq göstəriblər". İran İslam Respublikasının müşahidəçilərindən ibarət nümayəndə heyəti, seçkilərin təşkilatçılarını təbrik etməklə yanaşı, Azərbaycan dövləti və xalqına tərəqqi və uğurlar arzulayır.

<span style="color:#FF0000;font-size:18px;">[b]Son nəticə: Seçicilərin 75,65 faizi seçkidə iştirak edib[b]</span>

Bakı. Elnur Məmmədli-APA. MSK-nın Seçkilər İnformasiya Mərkəzi (SİM) səsvermə ilə bağlı yekun nəticələri açıqlayıb. APA-nın SİM-dəki müxbirinin məlumatına görə, seçkidə 3 milyon 681 min 529 nəfər seçici iştirak edib. Bu isə ümumi seçicilərin 75,65 faizi deməkdir.

[Seçkidə ən çox seçici aktivliyi 1 saylı Şərur-Sədərək seçki dairəsində müşahidə olunub. Bu dairədə seçicilərin 92,2 faizi səsvermə hüquqlarından istifadə ediblər. 28 saylı Sabunçu 3-cü seçki dairəsində isə seçici aktivliyi aşağı olub. Bu dairədə seçicilərin 57,56 faizi səs verib.

<span style="color:#FF0000;font-size:18px;">[b]Seçici fəallığı (dairələr üzrə)[b]</span>

[Seçki dairəsinin adı Constituency comission Seçici sayı Number of voters Məntəqə sayı Number of polling stations 10:00 12:00 15:00 17:00 19:00

<span style="color:#FF0000;font-size:18px;">[b]Fazil Qəzənfəroğlu İlham Əliyevi seçkidə qalib gəlməsi münasibətilə təbrik edib[b]</span>

Bakı. Hafiz Heydərov-APA. Prezidentliyə namizəd Fazil Qəzənfəroğlu seçkilərin yekununa dair mətbuat konfransı keçirib.

[APA-nın məlumatına görə, səsvermə prosesi zamanı ciddi qanun pozuntularının qeydə alınmadığını deyən F.Qəzənfəroğlu seçicilərin aktivliyini Azərbaycan miqyasında normal qiymətləndirib. Yenidən prezident seçilməsi münasibəti ilə İlham Əliyevi təbrik edən F. Qəzənfəroğlu bildirib ki, iri şəhərlərdən daxil olan məlumatlarda İlham Əliyevdən sonra ikinci yeri o tutub. Prezidentliyə namizəd «exit-poll»ların nəticələri ilə razılaşmayıb. Prezidentliyə namizəd MSK ilkin nəticələri açıqlayandan sonra KİV-ə daha geniş açıqlama verəcəyini bildirib.

<span style="color:#FF0000;font-size:18px;">[b]Qüdrət Həsənquliyev də seçkilərdə qalib gəlməsi münasibətilə İlham Əliyevi təbrik edib[b]</span>

Bakı. Ramil Məmmədov- APA. Prezidentliyə namizəd Qüdrət Həsənquliyev seçkilərin yekunlarına dair mətbuat konfransı keçirib. APA-nın məlumatına görə, Q. Həsənquliyev indiyə qədər daxil olan bütün nəticələrin İlham Əliyevin qalib gəldiyini göstərdiyini deyib. O, İlham Əliyevi qalib gəlməsi münasibətlə təbrik edib.

[Seçkidə qanun pozuntuları ilə bağlı bəzi halların olduğunu vurğulayan Q. Həsənquliyev bunun ümumi nəticələrə təsir etmədiyini də bildirib. Onun sözlərinə görə, qanun pozuntuları əsasən seçici siyahıları ilə bağlı olub. Q. Həsənquliyev həmçinin, dairə seçki komissiyalarından onlara daxil olan ilkin məlumatlarda özünün ikinci olduğunu söyləyib.