<span style="color:#FF0000;font-size:18px;">[b]Mətbuat Şurası prezident İlham Əliyevə təbrik məktubu göndərib[b]</span>
[Bakı. Elbrus Seyfullayev-APA. Mətbuat Şurası prezident İlham Əliyevə yenidən ölkə başçısı seçilməsi münasibətilə təbrik məktubu göndərib. Mətbuat Şurasından APA-ya daxil olan məktubun mətnində bildirilib ki, dövlət başçısının qələbəsini şərtləndirən amillər sırasında son 5 ildə ölkədə bütün sahələri əhatə edən uğurlu islahat proqramlarının həyata keçirilməsi, geniş quruculuq işlərinin aparılması kimi tədbirlər mühüm yer tutur: "15 oktyabr prezident seçkisi göstərdi ki, Azərbaycan dövləti, ictimaiyyəti demokratiyanın geniş vüsət almasını vətəndaş cəmiyyətinin bərqərar olmasının başlıca amili sayır. Sizə göstərilən etimad Azərbaycan Mətbuat Şurası və mediamız üçün həm də ona görə xüsusi dəyərə və əhəmiyyətə malikdir ki, biz bu seçimə milli jurnalistikamızın, KİV-in inkişafı ilə bağlı başlanılan fundamental işlərin davamı mərhələsi kimi baxırıq". Məktubda ötən 5 ildə medianın hüquqi, maddi-texniki bazasının möhkəmləndirilməsi, jurnalistlərin xidmətlərinin dəyərləndirilməsi sahəsində bir sıra sanballı işlər görüldüyü də qeyd olunub.
Azərbaycan Xəbərləri
Printable View
-
10-22-2008, 05:20 PMAPAMətbuat Şurası prezident İlham Əliyevə təbrik məktubu göndərib
-
10-22-2008, 05:30 PMAPARusiya, Azərbaycan və Ermənistan prezidentlərinin görüşü noyabrın əvvəllərində keçirilə bilər
<span style="color:#FF0000;font-size:18px;">[b]Rusiya, Azərbaycan və Ermənistan prezidentlərinin görüşü noyabrın əvvəllərində keçirilə bilər[b]</span>
Moskva - APA. Rusiya, Azərbaycan və Ermənistan prezidentlərinin Moskva görüşü noyabrın əvvəllərində keçirilə bilər.
[APA-nın məlumatına görə, bunu Rusiyanın "Vremya novostey" qəzeti yazıb. Qəzetdə prezident Dmitri Medvedevin Ermənistana səfəri ilə bağlı dərc olunmuş məqalədə bildirilir ki, İrəvandakı danışıqlarda əsas müzakirə mövzularından biri məhz Dağlıq Qarabağ münaqişəsinin həlli olub. Ermənistan prezidenti Serj Sarkisyan jurnalistlərin sualına cavabında "Qarabağ mənim üçün şirin sözdür", deyib. O, Madrid prinsipləri əsasında danışıqları davam etdirməyə hazır olduqlarını və bunun nəticəsində "Dağlıq Qarabağ xalqının öz müqəddəratını təyinetmə hüququnu reallaşdırma biləcəyini" vurğulayıb. S. Sarkisyanın fikrincə, buna birbaşa danışıqlar və kompromis əsasında nail olmaq mümkündür. D. Medvedev isə mövzunu şərh etməyərək Ermənistan və Azərbaycanın razılaşacağı sülh variantını dəstəkləyəcəklərini söyləməklə kifayətlənib. "Vremya novostey"in yazdığına görə, İlham Əliyevin yenidən prezident seçilməsindən sonra həm Bakı, həm İrəvan, həm də ATƏT-in Minsk Qrupunda hesab edirlər ki, münaqişənin həlli üçün növbəti "imkanlar pəncərəsi" açılıb. -
10-22-2008, 05:40 PMAPAABŞ rəsmisi: "NATO avqustda Gürcüstanın əziyyət çəkdiyi münaqişənin təkrarlanmasına yol verməyəcək"
<span style="color:#FF0000;font-size:18px;">[b]ABŞ rəsmisi: "NATO avqustda Gürcüstanın əziyyət çəkdiyi münaqişənin təkrarlanmasına yol verməyəcək"[b]</span>
[Brüssel-APA. "NATO avqustda Gürcüstanın əziyyət çəkdiyi münaqişənin təkrarlanmasına yol verməyəcək". APA-nın məlumatına görə, bu bəyanatla ABŞ Silahlı Qüvvələrinin Birləşmiş Qərargah rəisi Mayk Mullen Latviya prezidenti ilə görüşdə çıxış edib. O bildirib ki, NATO bu kimi analoji münaqişələrin baş verməsinə yol verə bilməz. Qeyd edək ki, Mullen Latviyada işgüzar səfərdədir. -
10-22-2008, 05:50 PMAPAAzərbaycanda Elmi İnnovasiyalar şəbəkəsi yaradılacaq
<span style="color:#FF0000;font-size:18px;">[b]Azərbaycanda Elmi İnnovasiyalar şəbəkəsi yaradılacaq[b]</span>
[Bakı. Kəmalə Quliyeva-APA. Gələn il Azərbaycanda Elmi İnnovasiyalar şəbəkəsi yaradılacaq. Bu barədə APA-ya Azərbaycan Milli Elmlər Akademiyasını (AMEA) nəzdində yeni yaradılan Elmi İnnovasiyalar Mərkəzinin direktoru Fərman Qasımov bildirib. F. Qasımovun sözlərinə görə, yeni şəbəkənin yaradılmasında məqsəd Azərbaycanda qeydiyyatdan keçən elmi işlərin elektron bazasının yaradılmasıdır. Şəbəkə yaradılandan sonra ölkə alimlərinin tədqiqatları ilə elektron formada yaxından tanış olmaq mümkün olacaq. Qeyd edək ki, hazırda Azərbaycanda 2000-dən çox elmi iş qeydiyyatdan keçib. -
10-22-2008, 06:00 PMAPAMilli komandanın sabiq baş məşqçisi həbs olunub
<span style="color:#FF0000;font-size:18px;">[b]Milli komandanın sabiq baş məşqçisi həbs olunub[b]</span>
[Bakı. Mehman Süleymanov - APA-SPORT. Polşa futbol yığmasının sabiq baş məşqçisi Yanuş Voyçik həbs olunub. "APA-SPORT"un məlumatına görə, polis rüşvətxorluqda günahlandırılan təcrübəli məşqçi bu gün Varşavadakı evində saxlayıb.Polşa futbolunda korrupsiya ilə bağlı araşdırmalar 2005-ci ildən aparılır. Ölkə çempionatında danışılmış oyunların təşkilində 153 nəfər şübhəli bilinir.Qeyd edək ki, Voyçik Polşa komandasına 1992-ci il Barselona Olimpiadasında gümüş medal qazandırıb. Daha sonra iki il əsas milli komandaya rəhbərlik etmiş mütəxəssis 2005-07-ci illərdə ölkə parlamentində də təmsil olunub. -
10-22-2008, 06:10 PMAPAAzərbaycan və Rusiya prezidentləri Dağlıq Qarabağ münaqişəsinin nizamlanması ilə bağlı görüşə hazırlıq məsələlərini müzakirə ediblər
<span style="color:#FF0000;font-size:18px;">[b]Azərbaycan və Rusiya prezidentləri Dağlıq Qarabağ münaqişəsinin nizamlanması ilə bağlı görüşə hazırlıq məsələlərini müzakirə ediblər[b]</span>
Bakı. Laçın Sultanova - APA. Bu gün Rusiya prezidenti Dmitri Medvedyevlə Azərbaycan prezidenti İlham Əliyev arasında telefon danışığı olub.
[APA-nın Rusiya prezidentinin rəsmi saytına istinadən verdiyi məlumata görə, prezidentlər yaxın günlərdə Dağlıq Qarabağ münaqişəsinin nizamlanması ilə bağlı Rusiya prezidentinin iştirakı ilə yüksək səviyyədə keçiriləcək görüşə hazırlıq məsələlərini müzakirə ediblər. -
10-22-2008, 06:20 PMAPADələduzluq yolu ilə "Mercedes" markalı avtomaşınların ələ keçirilməsi faktı aşkarlanıb
<span style="color:#FF0000;font-size:18px;">[b]Dələduzluq yolu ilə "Mercedes" markalı avtomaşınların ələ keçirilməsi faktı aşkarlanıb[b]</span>
[Bakı-APA. Samux rayon Polis Şöbəsi əməkdaşları tərəfindən qoşqusunda "VAZ-2106" markalı avtomaşın olan "Asiya" markalı avtomaşın saxlanılıb. Daxili İşlər Nazirliyinin mətbuat xidmətindən APA-ya verilən məlumata görə, avtomaşının yük yerinə baxış zamanı orada dövlət qeydiyyat nişanları olmayan "Mercedes" markalı avtomaşın aşkar edilib. "VAZ-2106" markalı avtomaşının sürücüsü hadisə yerindən qaçıb. "Asiya" markalı avtomaşının sürücüsü, Gəncə şəhər sakini Tariyel İsgəndərov verdiyi izahatda "Mercedes" markalı avtomaşının Tatlı kənd sakini Mətləb Səfərova məxsus həyətdən götürdüyünü bildirib. M. Səfərovun həyətinə baxış zamanı dövlət qeydiyyat nişanları olmayan digər "Mercedes" markalı avtomaşın aşkar edilib. Rayon Polis Şöbəsi əməkdaşlarının keçirdikləri əməliyyat-axtarış tədbirləri nəticəsində M. Səfərovun həyətində aşkar edilmiş avtomaşınların Yevlax rayon sakini Elşad Həsənova məxsus olması və onun Gəncə şəhər sakini Seymur Verdiyev tərəfindən dələduzluq yolu ilə ələ keçirilməsi müəyyən edilib. S. Verdiyevin ətrafında aparılan əməliyyat tədbirləri nəticəsində onun bu ilin iyun ayında Gəncə şəhər sakini Rövşən Şahnəzərov və Bərdə rayon sakini Raqub Əkbərovla birgə, Gəncə şəhər sakinləri Sahib Zeynalovun və Elnur Allahverdiyevin etimadlarını qazanaraq onlara məxsus "Mercedes" markalı avtomaşınları ələ keçirmələri müəyyən edilib. Faktla əlaqədar cinayət işi başlanıb. -
10-22-2008, 06:30 PMAPAİstanbulda azərbaycanlı rəssamın sərgisi açılıb - FOTOSESSİYA
<span style="color:#FF0000;font-size:18px;">[b]İstanbulda azərbaycanlı rəssamın sərgisi açılıb - FOTOSESSİYA[b]</span>
İstanbul. Mayis Əlizadə - APA. İstanbuldakı "Derinlikler" sənət mərkəzində azərbaycanlı rəssam Hümmət Qaracanın "Dörd mövsüm İstanbul" adlı sərgisi açılıb. APA-nın Türkiyə bürosunun xəbərinə görə, sərgidə H. Qaracanın son vaxtlar çəkdiyi 40 yağlı boya tablosu nümayiş etdirilir. Bu, H. Qaracanın "Derinlikler" sənət mərkəzində açılan üçüncü fərdi sərgisidir. Mərkəzin sahibi Mahmud Müftüoğlu yaxın vaxtlarda İtaliya, İngiltərə və ABŞ-da H. Qaracanın sərgilərini açacaqlarını bildirib. Sərginin açılışında nümayiş etdirilən tabloların yarıdan çoxu satılıb.Qeyd edək ki, 1956-cı ildə Borçalı mahalında anadan olan H. Qaraca yaradıcılığını 1992-ci ildən bəri Türkiyədə davam etdirir. Onun indiyə qədər Türkiyədə 20 fərdi sərgisi açılıb, əsərləri bir çox qrup sərgisində nümayiş etdirilib. 2007-ci il iyunun 7-də keçirilən hərracda Hümmət Qaracanın Atatürk portreti rekord qiymətə - 400 min dollara satılıb. Bu, bir azərbaycanlı rəssamın indiyə qədər satılan ən bahalı əsəridir. -
10-22-2008, 06:40 PMAPAKarlos Alberto Torres: "Azərbaycan yığmasında çox güc sərf etdim"
<span style="color:#FF0000;font-size:18px;">[b]Karlos Alberto Torres: "Azərbaycan yığmasında çox güc sərf etdim"[b]</span>
[Bakı. Vüqar Xeyrullayev - APA-SPORT. Braziliya yığmasının sabiq kapitanı, dünya çempionu Karlos Alberto Torres vaxtilə çalışdırdığı Azərbaycan milli komandasını yada salıb. "APA-SPORT"un məlumatına görə, yığmamızın sabiq çalışdırıcısı bu gün vətənində verdiyi müsahibəsində ölkəmiz haqda da danışıb. Milli komandamızı son iş yeri kimi qələmə verən Torres Azərbaycanda ondan narazıların olduğunu etiraf edib: "Məşqçi fəaliyyətimin sonu Azərbaycan yığması ilə bağlı oldu. 2004-05-ci illərdə orada çalışdığım il yarımda çox güc sərf etdim. Hər halda, bu, vaxtımın çoxunu tərcüməçinin yanında keçirdiyimi deyənlərin fikirləşdiyi qədər asan deyildi".Braziliyalı bildirib ki, həmin dövrdə məşqçilik fəaliyyətini bəyənməyənlərə əhəmiyyət vermir: "Hər halda, biz ölkəmizdə futbol oynamağı bacaranların olduğunu dünyaya çoxdan sübut etmişik. Mən də bununla fəxr edirəm".Son 4 ili kurslarda mühazirələr oxumaq və televiziyada oyun şərh etməklə keçirən Torres öz xarakterini də açıqlayıb. Onun fikrincə, millimizdən ayrılmasına da bu səbəb olub: "Futbolçu kimi, mənim ən dahi xüsusiyyətim daim liderliyi üzərimə götürməyim olub. Komandamızda hansı futbolçuların olmağının da mənə dəxli yox idi. Məşqçi kimi, xarakterimin bu çalarını dəyişmədim. Bu da həmişə, istənilən işimdə mənə kömək edib". -
10-22-2008, 06:50 PMAPABakıda Belarus xalq rəssamının sərgisi açılıb
<span style="color:#FF0000;font-size:18px;">[b]Bakıda Belarus xalq rəssamının sərgisi açılıb[b]</span>
[Bakı. Ülkər Qasımova-APA. Bu gün Bədii Sərgi Salonunda Azərbaycanda Belarus Mədəniyyət Günləri çərçivəsində Belarusun xalq rəssamı Qavriil Vapşenkonun fərdi yaradıcılıq sərgisi açılıb. APA xəbərinə görə, tədbirdə çıxış edən Belarusun mədəniyyət nazirinin müavini Vladimir Qridyuşko sərgini yüksək qiymətləndirib. Azərbaycan Rəssamlar İttifaqının katibi Ağəli İbrahimov Q. Vapşenkonun yaradıcılığı ilə hər zaman maraqlandığını qeyd edərək, onun Azərbaycanda sərgisinin açılmasının sevindirici hal olduğunu deyib. Q. Vapşenki özü də açılış mərasimində çıxış edib. Rəssam sərgidə nümayiş olunan əsərlərini yubileyi üçün hazırladığını bildirib. Azərbaycan mədəniyyət və turizm nazirinin müavini Ədalət Vəliyev tədbirdə iştirak edib. Sərgi oktyabrın 24-nə kimi nümayiş olunacaq.