Azərbaycan Xəbərləri

[APA]

<span style="color:#FF0000;font-size:18px;">[b]Azərbaycan və Kuba informasiya texnologiyaları sahəsində əlaqələri gücləndirəcəklər[b]</span>

Bakı. Tamara Qriqoryeva - APA. Azərbaycan və Kuba informasiya texnologiyaları sahəsində əlaqələri gücləndirəcəklər. Kubanın Azərbaycandakı səfiri Marsello Kabalyero Torres APA-ya bildirib ki, gələn ilin fevralında bununla bağlı Kubadan Azərbaycana nümayəndə heyəti gələcək. Tərəflər birgə layihələrin reallaşmasını müzakirə edəcəklər.

[APA]

<span style="color:#FF0000;font-size:18px;">[b]Nobel mükafatı laureatı olan 61 amerikalı Barak Obamanı dəstəkləyib[b]</span>

Vaşinqton - APA. Nobel mükafatı laureatı olan 61 amerikalı alim prezidentliyə namizəd Barak Obamanı və onun elmin inkişafı ilə bağlı planlarını dəstəkləyib. APA-nın "Nature News" portalına istinadən verdiyi məlumata görə, Amerika xalqına açıq məktub ünvanlayan alimlər Corc Buşun prezidentliyi dövründə ABŞ-ın elm sahəsində dünya liderliyini itirdiyini, Barak Obamanın elm və texnologiya sahəsində ölkənin ənənəvi gücünü bərpa edəcəyinə inandıqlarını bildiriblər. Qeyd edək ki, indiyədək heç bir prezidentliyə namizəd bu qədər Nobel mükafatı laureatının dəstəyini qazanmayıb. İndiyədək bu sahədə rekord demokratların 2004-cü ildə prezidentliyə namizədi olmuş Con Kerriyə məxsus idi. Onu 48 laureat dəstəkləmişdi. Respublikaçıların namizədi Con Makkeyn hələlik elmlə bağlı planlarını açıqlamayıb.

[APA]

<span style="color:#FF0000;font-size:18px;">[b]AZAL oktyabrın 4-dən Bakı-Lənkəran marşrutu ilə uçuşlara başlayır[b]</span>

Bakı. Nicat Mustafayev - APA-ECONOMICS. «Azərbaycan Hava Yolları» QSC (AZAL) bu ilin oktyabr ayının 4-dən etibarən Bakı-Lənkəran-Bakı marşrutu ilə sərnişin aviareyslərini həyata keçirməyə başlayacaq.AZAL-dan «APA-ECONOMICS»ə verilən məlumata görə, uçuşlar hər həftənin II və VI günləri, Bakıdan saat 09:00-da yerinə yetiriləcək. Bakı-Lənkəran sərnişin aviareysi AZAL-ın Fransadan yeni aldığı ATR təyyarələri ilə həyata keçiriləcək. Aviabiletin satış qiyməti Bakı-Lənkəran marşrutu ilə 41 manat, Bakı-Lənkəran-Bakı marşrutu ilə isə 82 manat təşkil edəcək.Qeyd edək ki, Lənkəran hava limanının tikintisinə dövlət büdcəsindən 51,1 mln. manat ayrılıb. Aeroport gələcəkdə beynəlxalq status alarsa, buradan beynəlxalq sərnişin və yük daşımalarının da həyata keçirilməsi mümkün olacaq. Hava limanının açılış mərasimi isə yaxın günlərdə keçiriləcək.

[APA]

<span style="color:#FF0000;font-size:18px;">[b]Moldovanın Curculeşti neft terminalı Xəzər neftinin Avropaya nəqli sisteminə daxil edilə bilər[b]</span>

Bakı. Tamara Qriqoryeva - APA. Moldova və Azərbaycan Curculeşti neft terminalını Xəzər neftinin Avropaya nəqli sisteminə daxil etməyi planlaşdırırlar. APA-nın "Komsomolskaya pravda"ya istinadən verdiyi məlumata görə, Xəzərin enerji ehtiyatlarının Avropaya yeni nəql yollarının yaradılmasında Moldovanın iştirakı məsələsi hazırda həm ikitərəfli, həm də regional səviyyədə müzakirə olunur. Hər iki ölkənin diplomatik missiyaları bu sahədə əməkdaşlıqla bağlı konkret layihələr hazırlayırlar. İlin sonunda layihələr hökumətlərarası komissiya tərəfindən öyrəniləcək.

[APA]

<span style="color:#FF0000;font-size:18px;">[b]Qadınları cinsi istismar məqsədi ilə Dubaya göndərən şəxs tutulub[b]</span>

Bakı-APA. Daxili İşlər Nazirliyinin İnsan Alverinə Qarşı Mübarizə İdarəsi əməkdaşlarının keçirdikləri əməliyyat tədbirləri nəticəsində Zərifə Zeynalova insan alveri faktı ilə bağlı tutulub. Bu barədə APA-ya Daxili İşlər Nazirliyinin mətbuat xidmətindən bildirilib. Məlumata görə, Z. Zeynalova insan alveri ilə məşğul olaraq qadınları Birləşmiş Ərəb Əmirliklərinin Dubay Əmirliyinə göndərərək cinsi istismara məruz qoyması faktı ilə bağlı saxlanılıb.

[APA]

<span style="color:#FF0000;font-size:18px;">[b]Azərbaycan yanvarda Berlində keçiriləcək beynəlxalq sərgidə iştirak edəcək[b]</span>

Bakı. Nicat Mustafayev - APA-ECONOMICS. Gələn ilin yanvar ayının 16-25-də Berlində (Almaniya) «Beynəlxalq Yaşıl Həftə» («International Green Week») sərgisi keçiriləcək. Azərbaycan Sahibkarlar Konfederasiyasından (ASK) «APA-ECONOMICS»ə verilən məlumata görə, sərgidə Azərbaycan sənayesi, mətbəxi və mədəniyyətinin geniş şəkildə təqdim edilməsi məqsədilə milli pavilyonunun yaradılması nəzərdə tutulub.Bu sərgidə Azərbaycan İqtisadi İnkişaf Nazirliyi və ASK-nın təşkilatçılığı ilə yerli şirkətlər də iştirak edəcək. Pavilyonda məhsulların sərgilənməsi üçün şirkətlər vəsait ödəməyəcək. Belə ki, onlar yalnız məhsulların çatdırılması və öz xərclərini ödəyəcək.Əlaqə telefonu: (+994 12) 465-72-43/44/45.

[APA]

<span style="color:#FF0000;font-size:18px;">[b]Göygöl rayonunda baş verən yol qəzasında 3 nəfər ölüb[b]</span>

Bakı-APA. Dünən saat 12.45 radələrində Göygöl rayonu ərazisində, Murovdağ qəsəbə sakini Mülkədar Məmmədovun idarə etdiyi "VAZ-21011" markalı və Gəncə şəhər sakini Rafiq Mədətinin idarə etdiyi "VAZ-2106" markalı avtomaşınlar toqquşub. Daxili İşlər Nazirliyinin mətbuat xidmətindən APA-ya verilən məlumata görə, M. Məmmədovun sərnişinlərindən qızı Nurcan hadisə yerində ölüb, xəsarət alan M. Məmmədov, oğlu İsmayıl, qızı Lalə, qohumu Könül Məmmədova, habelə R. Mədəti və onun sərnişinləri, Gəncə şəhər sakinləri Elşad Həsənov, Rəna Hüseynova isə xəstəxanaya yerləşdiriliblər. R. Mədəti və İsmayıl orada ölüblər. Faktla bağlı Göygöl rayon Polis Şöbəsi tərəfindən araşdırmalar aparılır.

[APA]

<span style="color:#FF0000;font-size:18px;">[b]Azərbaycan transsərhəd çayların çirklənmə vəziyyəti ilə bağlı son məlumatları açıqlayıb[b]</span>

Bakı. İlhamə İsabalayeva - APA-ECONOMICS. Azərbaycan Ekologiya və Təbii Sərvətlər Nazirliyinin Ətraf Mühit üzrə Milli Monitorinq Departamenti Kür, Araz çayları və onların transsərhəd qollarının çirklənmə səviyyəsini öyrənmək məqsədilə sentyabrın ikinci ongünlüyündə keçirdiyi monitorinqin nəticələrini açıqlayıb. Nazirliyin mətbuat xidmətindən «APA-ECONOMICS»ə verilən məlumata görə, monitorinq zamanı Kür çayının Gürcüstan ərazisindən transsərhəd çirklənməyə məruz qalan məntəqələrində suyun tərkibindəki spesifik çirkləndiricilərdən fenol və mis birləşmələrinin yol verilən qatılıq həddini (YVQH) dəfələrlə keçdiyi müşahidə olunub. Belə ki, Kürün Şıxlı-2 məntəqəsində suyun əsas çirkləndiricilərindən fenollar 3 dəfə, mis birləşmələri 4 dəfə, Ağstafaçay və Ağstafaçay su anbarında isə fenollar və mis birləşmələri 3 dəfə YVQH-i keçib. Biogen maddələr norma daxilində olub.Ermənistan ilə transsərhəd olan Araz çayında da mis və fenolun miqdarı normadan dəfələrlə artıq müşahidə olunub. Çayın Horadiz məntəqəsində suyun əsas çirkləndiricilərindən fenollar 3 dəfə, mis birləşmələri 5 dəfə, I Şahsevəndə fenollar 3 dəfə, mis birləşmələri 4 dəfə, Bəhramtəpədə isə fenollar 3 dəfə, mis birləşmələri 4 dəfə YVQH-i keçib.Biogen maddələrdən nitrat və ammonium ionları norma daxilində olsa da, nitrit ionları Araz çayının Bəhramtəpə və I Şahsevən məntəqələrində 1,5 dəfə YVQH-i ötüb. Buna səbəb isə Ermənistan ərazisindən təmizlənmədən birbaşa su obyektlərinə axıdılan çirkab sulardır. Suyun oksigen rejimi bütün məntəqələrdə 5,99-7,17 mq/l arasında dəyişərək norma daxilində olub.

[APA]

<span style="color:#FF0000;font-size:18px;">[b]Ziyad Səmədzadə və Ərəstun Cavadov Belarus parlamentinə seçkilərin gedişini izləyəcəklər[b]</span>

Bakı. Elbrus Seyfullayev-APA. Sentyabrın 28-də Belarus Milli Məclisinin Nümayəndələr Palatasına seçkilər keçiriləcək. Parlamentin mətbuat xidmətindən APA-ya daxil olan məlumata görə, Milli Məclisin iqtisadi siyasət daimi komissiyasının sədri Ziyad Səmədzadə və deputat Ərəstun Cavadov bu seçkilərdə beynəlxalq müşahidəçi qismində iştirak edəcəklər. Parlament nümayəndə heyəti seçki prosesini izləyəcək, bununla bağlı təəssüratlarını bölüşəcəklər. Səfər sentyabrın 29-da başa çatacaq.

[APA]

<span style="color:#FF0000;font-size:18px;">[b]Bu gün Nyu-Yorkda Azərbaycan, Ermənistan və Türkiyə xarici işlər nazirlərinin görüşü keçiriləcək[b]</span>

Nyu-York - APA. Bu gün axşam Nyu-Yorkda Azərbaycan, Ermənistan və Türkiyə xarici işlər nazirlərinin üçtərəfli görüşü keçiriləcək.

APA-nın məlumatına görə, görüşdə əsas müzakirə mövzusu Dağlıq Qarabağ münaqişəsinin sülh yolu ilə həlli məsələsi olacaq. Tərəflər Türkiyə-Ermənistan münasibətlərinə də toxunacaqlar. Görüşdən sonra Türkiyənin xarici işlər naziri Əli Babacan Bakı vaxtı ilə saat 22.50-də açıqlama verəcək. Qeyd edək ki, üçtərəfli görüşün təşəbbüskarı Türkiyədir.