<span style="color:#FF0000;font-size:18px;">[b]Azərbaycanlı millət vəkilinin oğlunun işi ilə bağlı Rusiya baş prokuroruna və Federal Təhlükəsizlik Xidmətinin rəisinə müraciət olunub[b]</span>
Bakı. Ramil Məmmədli - APA. Azərbaycanın Ədalət Partiyasının sədri, Milli Məclisin deputatı İlyas İsmayılovun oğlu Etimad İsmayılovun işi ilə bağlı Rusiyanın Baş Prokuroruna, Federal Təhlükəsizlik Xidmətinin (FTX) rəisinə müraciət olunub.
[E. İsmayılovun vəkili Cərulla Ramazanov APA-ya bildirib ki, müdafiə tərəfi prosesin Çelyabinsk Vilayət Məhkəməsində aparılmasının əleyhinədir və bununla bağlı martın 31-də FTX-də və Rusiya Baş Prokurorluğunda aidiyyəti şəxslərlə görüşəcək. Vəkil Çelyabinsk vilayəti rəhbərliyinin E. İsmayılovun həbsində maraqlı olduğunu da bildirib: "Bu səbəbdən Çelyabinsk Vilayət Məhkəməsində işə baxılması ədalətsiz qərarın çıxarılmasına səbəb olacaq. Necə ki, artıq vilayət rəhbərliyi Etimad İsmayılov barəsində iki aylıq həbs-qətimkan tədbirinin seçilməsinə nail olub. Prosesdə vəkil kimi iştirakıma isə yerli hüquq-mühafizə orqanları maneçilik törədir, Etimad İsmayılovla görüşə icazə verilmir. Ümumilikdə isə Çelyabinsk qubernatorunun maliyyə fırıldaqları nəticəsində vilayətdə fəaliyyət göstərən şirkətlərin əli ilə 172 milyon Rusiya rublu (7,2 milyon ABŞ dolları) məbləğində yeyinti baş verib". C. Ramazanovun sözlərinə görə, yaxın günlərdə qərardan kassasiya şikayəti də veriləcək. Qeyd edək ki, E. İsmayılov "Avroasiya" Sənaye-Maliyyə Qrupu Məhdud Məsuliyyətli Cəmiyyətinin sahibidir. Çelyabinsk qubernatorunun himayəsində olan şirkətlərdən birinin "Avroasiya"ya 1 milyon ABŞ dolları məbləğində borcu var. Arbitraj Məhkəməsi həmin şirkətin Etimad İsmayılovun rəhbəri olduğu şirkətə borcunun olduğunu təsdiqləyən sənəd də verib. Xatırladaq ki, Milli Məclisin deputatı İlyas İsmayılovun oğlu Etimad İsmayılov martın 25-də gecə Bakıdan Moskvaya qayıdarkən Rusiya Federal Təhlükəsizlik Xidmətinin əməkdaşları tərəfindən Domodedovo hava limanında saxlanılıb. E. İsmayılov barəsində Rusiya Cinayət Məcəlləsinin "çirkli pulların yuyulması" və "dələduzluq" maddələri ilə ittiham irəli sürülüb və martın 27-də Çelyabinsk Şəhər Məhkəməsinin qərarı ilə barəsində iki ay müddətinə həbs-qətimkan tədbiri seçilib.
Azərbaycan Xəbərləri
Printable View
-
03-29-2008, 02:46 PMAPAAzərbaycanlı millət vəkilinin oğlunun işi ilə bağlı Rusiya baş prokuroruna və Federal Təhlükəsizlik Xidmətinin rəisinə müraciət olunub
-
03-29-2008, 03:01 PMAPAGürcüstan Milli Hərəkat Partiyasının baş katibi Kvemo Kartlinin qubernatoru təyin edilib
<span style="color:#FF0000;font-size:18px;">[b]Gürcüstan Milli Hərəkat Partiyasının baş katibi Kvemo Kartlinin qubernatoru təyin edilib[b]</span>
Tiflis - APA. Gürcüstanın əhalisinin əksəriyyəti azərbaycanlılardan ibarət olan Kvemo Kartli regionuna yeni qubernator təyin edilib.
[APA-nın məlumatına görə, prezident Mixail Saakaşvilinin fərmanı ilə Zurab Melikişvili qubernator vəzifəsindən azad edilib və onun əvəzinə bu posta hakim Milli Hərəkat Partiyasının baş katibi David Kirkitadze təyin olunub. M. Saakaşvili martın 28-də Bolnisi rayonuna səfər edərək yeni qubernatoru əhaliyə təqdim edib. Elə həmin gün Rustavi şəhər bələdiyyəsində regional idarəçilik üzrə dövlət naziri David Tkeşelaşvili və yeni qubernatorun iştirakı ilə toplantı keçirilib. D. Tkeşelaşvili gördüyü işlərə görə sabiq qubernator Z. Melikişviliyə təşəkkür edib. Sonra D. Kirkitadze çıxış edərək öz planları haqda iştirakçılara məlumat verib. Qeyd edək ki, Z. Melikişvili mayın 21-də keçiriləcək parlament seçkilərində iştirak edəcəyini açıqlayıb. -
03-29-2008, 03:46 PMAPATarkan Bakıda verəcəyi konsert proqramında Krımdan olan müğənni Zarema ilə birgə çıxış edəcək
<span style="color:#FF0000;font-size:18px;">[b]Tarkan Bakıda verəcəyi konsert proqramında Krımdan olan müğənni Zarema ilə birgə çıxış edəcək[b]</span>
[Bakı. Ülkər Qasımova - APA. Türkiyənin meqa-starı Tarkanın Bakıda verəcəyi "Vay anam vay" adlı konsertinin biletləri sabahdan Yaşıl Teatrın kassalarında satışa çıxarılacaq. Bu barədə APA-ya konsertin təşkilatçısı "Səs Organization"un rəhbəri Nahid Emiloğlu məlumat verib. Onun sözlərinə görə, mayın 9-10-da Yaşıl Teatr Bakı Konsert Kompleksində keçiriləcək konsertin biletləri 50-350 manat arasındadır. N. Emiloğlu onu da deyib ki, artıq konsertin afişaları vurulmağa başlanılıb. Telekanallarda isə reklam çarxlarının nümayişinə aprelin ilk ongünlüyündə start veriləcək. Konsert proqramında Tarkandan əvvəl Krımdan olan məşhur müğənni Zarema çıxış edəcək. Zaremanın sənətə yeni gəldiyini qeyd edən N. Emiloğlu qısa müddət ərzində müğənninin çox tanındığını vurğulayıb. O bildirib ki, Zaremanın "Atak" adlı mahnısına çəkdirdiyi klip Krımda ən bahalı klip hesab olunur. Təşkilatçı iki günlük konsert proqramı çərçivəsində Zaremanın 6 mahnı ifa edəcəyini qeyd edib. Müğənnini konsertdə özünün xüsusi rəqs qrupu müşayiət edəcək. Konsertin biletlərini almaq üçün 050-510-96-26 nömrəli telefona müraciət etmək olar. Qeyd edək ki, konsertin informasiya dəstəyi APA İnformasiya Agentliyinə məxsusdur. -
03-29-2008, 03:51 PMAPAYeni Azərbaycan Partiyası prezident seçkilərinə hazırlıq işlərini yekunlaşdırmaq üzrədir
<span style="color:#FF0000;font-size:18px;">[b]Yeni Azərbaycan Partiyası prezident seçkilərinə hazırlıq işlərini yekunlaşdırmaq üzrədir[b]</span>
[Bakı. Elnur Məmmədli - APA. "Yeni Azərbaycan Partiyası bu il keçiriləcək prezident seçkilərinə hazırlıq işlərini yekunlaşdırmaq üzrədir və növbəti mərhələdə yalnız rəsmi olaraq namizədin irəli sürülməsi barədə qərar qalıb". Bu açıqlamanı APA-ya YAP icra katibinin müavini, millət vəkili Mübariz Qurbanlı verib. Onun sözlərinə görə, prezident seçkiləri ilə bağlı partiyanın ali orqanın toplantısı keçiriləcək və burada ölkə prezidenti İlham Əliyevin prezidentliyə növbəti dəfə namizədliyi irəli sürüləcək. O, qurultayın vaxtının hələlik dəqiqləşmədiyini qeyd edib: "Qurultayın çağırılması Nizamnaməyə uyğun olaraq həyata keçiriləcək. Bunun üçün sədrin sərəncamı olmalı və yaxud Siyasi Şura və ya İdarə Heyəti qərar verməlidir. Sədr nə zaman məsləhət bilsə, o zaman qurultay keçiriləcək". -
03-29-2008, 04:26 PMAPAHuman Rights Watch: "Ermənistan hökuməti dinc aksiyaların keçirilməsinə mane olmamalıdır"
<span style="color:#FF0000;font-size:18px;">[b]Human Rights Watch: "Ermənistan hökuməti dinc aksiyaların keçirilməsinə mane olmamalıdır"[b]</span>
[Bakı. Tamara Qriqoryeva - APA. Human Rights Watch beynəlxalq insan hüquqları təşkilatı Ermənistanda vəziyyətlə bağlı bəyanat yayıb. APA-nın təşkilatın saytına istinadən yaydığı məlumata görə, qurum Ermənistan hakimiyyət orqanlarını müxalifət tərəfdarlarının dinc nümayiş keçirməsinə imkan verməyə və kütləvi aksiyaları qadağan etməməyə çağırıb. Human Rights Watch həmçinin Ermənistan hökumətinin sərbəst toplaşmaq haqqında qanunda nəzərdə tutulan məhdudiyyətləri ləğv etməsini və mitinqlərə polis qüvvələrinin gətirilməsini dayandırmasını istəyib. Bəyanatda İrəvan küçələrində "xalq gəzintisi" adlanan dinc aksiyalar zamanı 80 nəfərin həbs olunması pislənib. Human Rights Watch hesab edir ki, sərbəst toplaşmaq azadlığını məhdudlaşdıran sərəncam və qanunlar Ermənistanın üzərinə götürdüyü beynəlxalq öhdəliklərə ziddir. -
03-29-2008, 04:36 PMAPAMixail Saakaşvili Abxaziyaya qeyri-məhdud muxtariyyət təklif edib
<span style="color:#FF0000;font-size:18px;">[b]Mixail Saakaşvili Abxaziyaya qeyri-məhdud muxtariyyət təklif edib[b]</span>
[Tiflis - APA. Gürcüstan prezidenti Mixail Saakaşvili Abxaziyaya qeyri-məhdud muxtariyyət təklif edib. APA-nın "Novosti-Qruziya"ya istinadən verdiyi məlumata görə, M. Saakaşvili Strateji Tədqiqatlar Mərkəzində politoloqlarla görüşdə Abxaziyaya Gürcüstan dövlətinin tərkibində qeyri-məhdud muxtariyyət, federalizm, təhlükəsizlik və dinc inkişaf təminatı, mərkəzi hakimiyyət strukturlarında geniş təmsilçilik, hətta vitse-prezident postu verməyə hazır olduqlarını bildirib: "Abxazların hüquqlarını pozacaq qərarların qəbulunu əngəlləmək üçün onlara Konstitusiya dəyişikliklərinə və qanunların qəbuluna veto qoymaq hüququ da təklif edirəm". M. Saakaşvili Abxaziyanin faktiki rəhbərliyi ilə danışıqlara hazır olduğunu da söyləyib. -
03-29-2008, 05:11 PMAPAİosif Şaqal: "Erməni soyqırımı" məsələsini İsrail parlamentinin müzakirəsinə çıxarmaq istəyən qüvvələr var"
<span style="color:#FF0000;font-size:18px;">[b]İosif Şaqal: "Erməni soyqırımı" məsələsini İsrail parlamentinin müzakirəsinə çıxarmaq istəyən qüvvələr var"[b]</span>
Bakı. Laçın Sultanova-APA. "Erməni soyqırımı" məsələsini İsrail parlamentinin müzakirəsinə çıxarmaq istəyən qüvvələr var". Bu açıqlamanı APA-ya Knessetin üzvü, Azərbaycan-İsrail Assosiasiyasının prezidenti İosif Şaqal verib. O, bu müzakirələrin baş tutmaması üçün bütün mümkün vasitələrdən istifadə edəcəklərini deyib:
["Vəziyyəti dramatikləşdirmək lazım deyil. Məsələ müzakirəyə çıxarılsa belə, İsrailin soyqırımı məsələsinə münasibəti birmənalıdır. İsrail dövləti heç bir soyqırımı tanımır. Əgər erməni soyqırımı tanınırsa, onda ermənilərin azərbaycanlılara qarşı törətdiyi soyqırımı faktı da tanınmalı, Ukraynadakı "Qolodomor" da soyqırımı kimi qəbul olunmalıdır". İ. Şaqalın sözlərinə görə, İsrailin öz dövlət maraqları, strateji maraqları var: "Bu, müttəfiqlik, təhlükəsizlik və digər ölkələrdə yaşayan yəhudilərin taleyi ilə bağlı anlayışlardır. Ermənistanda yəhudilər demək olar ki, yoxdur. İsrail bir yəhudiyə təsir edə biləcək addımı heç vaxt atmayıb və atmayacaq. Azərbaycanda yəhudilər hər zaman çox gözəl yaşayıb və yaşayır, Azərbaycanın İsrail ilə yaxşı münasibətləri var. Biz bu münasibətləri pozmaq istəmirik. Azərbaycan və Türkiyə bizim regionda real müttəfiqlərimizdir, Türkiyə ilə bizim çox ciddi münasibətlərimiz var". -
03-29-2008, 05:36 PMAPAGoranboyda 75 yaşlı kişi qətlə yetirilib
<span style="color:#FF0000;font-size:18px;">[b]Goranboyda 75 yaşlı kişi qətlə yetirilib[b]</span>
[Bakı. Şəhriyar Əlizadə - APA. Bu gün Goranboyun Qaraçinar kəndində qətl hadisəsi baş verib. Goranboy Rayon Polis Şöbəsindən APA-ya verilən məlumata görə, əslən Kəlbəcər rayonundan olan 1951-ci il təvəllüdlü Novruz Murtuzayev qonşusu 75 yaşlı Məmməd İsayevi münaqişə zəminində ağacla döyərək qətlə yetirib. İlkin araşdırmalar zamanı qonşular arasında münaqişənin boş qalmış ərazi üstündə baş verdiyi məlum olub. Faktla bağlı Goranboy RPŞ-də 120.1 (qəsdən adam öldürmə) maddəsi üzrə cinayət işi başlanılıb. -
03-29-2008, 06:41 PMAPAAzərbaycanda gənc aktyorların müsabiqəsi keçiriləcək
<span style="color:#FF0000;font-size:18px;">[b]Azərbaycanda gənc aktyorların müsabiqəsi keçiriləcək[b]</span>
[Bakı. Ülkər Qasımova-APA. Azərbaycan Mədəniyyətinin Təbliği Mərkəzi Azərbaycan Dövlət Akademik Milli Dram Teatrı ilə birgə ilk dəfə olaraq gənc aktyorların müsabiqəsini keçirəcək. Mərkəzin direktoru Arif Mədətov APA-ya deyib ki, mayda start götürəcək müsabiqədə iştirak üçün 20 nəfər seçiləcək. Müsabiqədə iştirak edən gənc aktyorlar komik, lirik və dramatik obrazları canlandıracaqlar. A. Mədətov bildirib ki, yaşayış yeri və fəaliyyətindən asılı olmayaraq istənilən gənc aktyor bu müsabiqəyə qatıla bilər. Münsiflər heyətində Siyavuş Aslan, Firəngiz Mütəllimova, Mərahim Fərzəlibəyov, Hacı İsmayılov və Arif Mədətovun təmsil olunacağı müsabiqənin seçim turları Dövlət Akademik Milli Dram Teatrında aparılacaq. Mərkəz rəhbərinin sözlərinə görə, münsiflər heyəti iştirakçı seçimi zamanı əsasən gənc aktyorların istedadına və səs tembrinə önəm veriləcək. Müsabiqənin sonunda 20 iştirakçıdan 10-u I dərəcəli, 10-u isə II dərəcəli mükafatla təltif olunacaq. Birinci dərəcəli gənc aktyorlar eləcə də, paytaxt teatrlarında işlə təmin olunacaqlar. -
03-29-2008, 06:46 PMAPABu ilin yanvar-fevral aylarında Azərbaycanda 2837 cinayət hadisəsi qeydə alınıb
<span style="color:#FF0000;font-size:18px;">[b]Bu ilin yanvar-fevral aylarında Azərbaycanda 2837 cinayət hadisəsi qeydə alınıb[b]</span>
Bakı. Məhbubə Qasımbəyli-APA. Bu ilin yanvar-fevral aylarında ölkədə 2837 cinayət hadisəsi qeydə alınıb. Bu barədə APA-ya Dövlət Statistika Komitəsindən bildirilib. Qeydə alınan cinayətlərin 37 faizi ictimai təhlükəsizlik və ictimai qayda əleyhinə, 30 faizi iqtisadi sahədə, 28 faizi şəxsiyyət əleyhinə, 5 faizi dövlət hakimiyyəti əleyhinədir.
[Cinayətlərin 41-i xarici vətəndaşlar tərəfindən, 11-i isə xarici vətəndaşlara qarşı törədilib. Əməliyyat-istintaq tədbirləri nəticəsində bu ilin iki ayı ərzində açılmış cinayətlərin 14,7 faizi bir qrup şəxs, 9,1 faizi əvvəllər cinayət törətmiş şəxslər, 3 faizi yetkinlik yaşına çatmayanlar və ya onların iştirakı ilə, 2,8 faizi sərxoşluq vəziyyətində olan şəxslər tərəfindən, 1 faizi isə narkomanlar və narkotik təsir altında olan şəxslər tərəfindən törədilib.