Sünnət AİDS riskini iki dəfə azaldır

[Deli_UREK]

Sünnətin İİV-in qarşısını almasına dair iki sınaq tədqiqat o dərəcədə uğurlu olub ki, onları davam etdirməyə ehtiyac qalmayıb.
Keniya və Uqandada 8 min kişinin iştirakı ilə aparılan tədqiqat zamanı məlum olub ki, sünnət virusa tutulma mümkünlüyünü iki dəfə azaldır. Tədqiqatçılar deyirlər ki, bu nəticə o dərəcədə əhəmiyyətlidir ki, onlar bu proseduru daha geniş şəkildə tətbiq etməməyi etikadan kənar hesab edirlər.

Sünnət müdafiəni təmin edir, beləki penisin ucundakı dərinin hüceyrələri İİV tərəfindən daha asanlıqla hədəfə alına bilər.

Ümumdünya Səhiyyə Təşkilatı tapıntıları olduqca inandırıcı adlandırmaqla yanaşı, kondom kimi preventiv metodların əhəmiyyətini azaltmamağa çağırıb.