Toylar Kralı yenidən başlayır

[Baku]

ANS telekanalında mütəmadi olaraq yayımlanan «Toylar Kralı» layihəsinə yenidən start verilir. Bu haqda məlumatı Milli.Az xəbərlər portalına layihənin münsif üzvü, müğənni Əli Mirəliyev verib: «Artıq yeddinci dəfədir ki, reallaşacaq yarışmada iştirak edəcək 20 nəfərin adı bəllidir. Bizə müraciət edən ifaçılar arasında seçim edib, onları bəyəndik. Vaxtilə sevilən ifaçı olan Rafuf Əsədov da seçilənlər arasındadır».

Yarışma ilə bağlı fikirlərini dilə gətirən Ə.Mirəliyev «Məqsədimiz regionlarda olan və heç cür efirə çıxa bilməyən müğənnilərin tanınmasına şərait yaratmaqdır».

Hər zaman şou-biznes nümayəndələrinin ünvanına kəskin iradlar səsləndirən Əli Mirəliyev yenə də öz ənənəsinə sadiq qaldı: «Bu millətin müğənniləri düzələn deyil. Kompüterlə səs olmur axı, gərək oxumaq üçün səsin olsun. Oxuyanın fitri istedadı, Tanrı vergisi olmalıdır. Ay balam, mən indi neyləyim ki, Səməd oxuyan deyil?! Mən səhnə mədəniyyətini, oxumağı klassik müğənnilərdən öyrənmişəm, onlardan bəhrələnmişəm. Ona görə də Əli Mirəliyev oldum».

Aytən
Milli.Az

[Adelina-20]