Balamın canı təmiz Türkiyə malıdır...:)

Geniş yayılmış bir məsəl var "Çox and içən,hər zaman doğru danışmır". Bəzi insanlar var ki, adi danışıqları zaman belə tez-tez and içirlər. Bir kimsəni özlərinə inandırmaq üçün öz əzizlərinin canına, ALLAHın adına and içirlər. Təbii ki, zəruriyyətli hallarda and içmək normal haldır. Amma bir çoxları üçün and içmək artıq adət halını alıbdır. Bu cür insanları sınaqdan keçirsək görərik ki, onlar heç də hər zaman doğru danışmırlar.

Adi bir misal çəkək ticarət mərkəzlərində işləyən satıcılar malları satılsın deyə anadan olmamış körpəsinin canından tutmuş ta ki Allaha qədər and içirlər. Onların söylədiyi və and içərək də təsdiqləyi söz həqiqətdirmi? Təbii ki xeyr sadəcə olaraq malları satılsın deyə bu cür yola əl atırlar.
[
Məsələyə dini baxımdan yanaşsaq görərik ki and içmək bir o qədər də qəbul olunan deyil. Yalandan and içmək isə günahların ən böyüyüdür.

Bilməyərəkdən ALLAHın adına and içmək isə mənbələrin qeyd etdiyinə görə 3 halda əhv olunandır- Bunun üçün yalandan and içən şəxs 10 nəfər kasıb adamı doydurmalı və ya 10 nəfəri geyindirməli yaxud da 1 qul azad etməlidir. Bunların heç birinə gücü çatmazsa o zaman 3 gün oruc tutmalıdır.

Ümumiyyətlə çalışamaq lazımdır ki insan həyatında yalanların yeri az olsun, bax o zaman sənə inananlar da bir o qədər də çox olar. Belə olduğu halda isə and içməyə ehtiyacın olmayacaq. Təbii ki, zəruri olan hallarda and içmək günah qazandırmır. Amma tez-tez and içmək isə günahların ən böyüyüdür.

Bəz siz and içməyə necə baxırsınız? And içmək ilə aranız necədir?
Sizcə çox and içən yalan danışandır?
Ticarət Mərkəzlərində malı satılsın deyə yalandan and içən satıcalara münasibətiniz necədir?