Göydən balıq da yağdı!

Avstraliyada çöllük ərazidə yaşayan insanlar şokdadırlarAvstraliyada çöllük ərazidə yerləşən və 650 nəfər sakini olan Lajamanu qəsəbəsində qəribə hadisə baş verib. Qəfil göy üzündən yerə balıq yağmağa başlayıb. Bir anda yüzlərlə balıq yerə düşüb. Balıqların əksəriyyəti canlı olub. Qəsəbə sakinləri evlərindən çıxaraq balıq yığmağa başlayıblar. Qəsəbə sakini Christine Balmer deyib ki, Avstraliyanın digər şəhərlərində yaşayan qohumlarına zəng açıb, göydən canlı balıqların düşdüyünü söyləsə də, onu dəli sayıblar. O, göydən timsah düşmədiyinə görə sevindiyini də bildirib. Metroloqlar isə bu olayın güclü hava burulğanı nəticəsində baş verdiyini bildiriblər. Çünki bu zaman okean və dəniz üzərində olan burulğan suyu canlılarla birlikdə havaya qaldırıb, quru üzərinə gətirə bilir. Bir müddət sonra isə burulğan zəifləyir və havaya qalxan su və canlılar yerə düşür.

beh, beh orada olmaq isterdim :D