"Bu şəhərdə"nin qəhrəmanları Rafael İsgəndərov və Coşqun Rəhimov yeni layihə üzərində çalışırlar.
Onlar hər həftənin cümə günü axşam saatlarında 2 saat davam edəcək canlı proqrama çıxacaqlar. Bu haqda məlumat verən Rafael İsgəndərov dinləyicilərə çox maraqlı bir proqram təqdim edəcəklərini bildirib":: "Telefon xəttində olan dinləyicilər arasında müsabiqə keçiricəyik. Həmçinin lətifə yarışması olacaq. Yəni verilişə qoşulacaq dinləyicilər lətifənin başlanğıcını danışacaqlar, əgər biz lətifənin tamamını bilsək, onda iştirakçı uduzmuş sayılacaq. Əks halda onlar müsabiqənin qalibi olacaqlar və bizdən müxtəlif hədiyyələr qazanacaqlar. Bundan başqa, proqrama maraqlı qonaqlar dəvət ediləcək". R.İsgəndərov qonaqları daha çox teatr işçiləri arasından seçəcəklərini söyləyib. Rafael və Coşqunun "Space" telekanalında efirə gedəcəyi gözlənilən başqa bir layihəsində isə yumor ustaları səhər saatlarında tələbə yataqxanasının kiçik otağında məskunlaşacaqlar. Bura onların qonaqları - estrada ulduzları, aktyorlar, siyasət adamları, eyni zamanda adi insanlar təşrif buyuracaqlar.