Ulduz pillələrlə Ay endi yerə...

[NuriyeV]

Ulduz pillələrlə Ay endi yerə


Bilədim axşamdır,ya geceydir,
Bilmədim yatmışdım,yoxsa oyaqdım.
Hyqırdı qəlbimin lal süqutları,
Mən birdən çevrilib göylərə baxdım.
Süzüb kainatın üfüqüylə Ay
Sanki öz qonuna alır aləmi.
Yanır ilahiyyət şəfəqiylə Ay,
Göylərin nur saçan ürəyi kimi.
Ulduz dünyasında yerlərə axan
Cahanın sükutlu bir səsiydi o.
Sandım kainata göylərdən baxan
Nurlu bir insanin çöhrəsiydi o,
Dini səssiz - səsiz könül harayım,
Dedim: - Aləmlərin nur aləmisən!
Necə muqəddəssən,a parlaq Ayım,
Kimleri dünyada sən görməmisən.
Sirli bir səs axdı göylərdən bəri:
-Bilirsən Adəmdən Məhəmmədədək
Görmüşəm mən bütün peyğəmbəriləri.


Birdən yaxınlaşdı uzaq zamanlar,
Gördüm ağ dəvələr yola düzəlir.
Qumlar dənizində üzən karvanlar
Bu günə tarixin qoynundan gəlir.
Ağ dəvə alçaq gedər.
Qlunda qolçaq gedər..
Düşür səhra boyu ağır ləpirlər.
Ləpirlər silinməz izlərə dönür.
Sirli zınqırovlar nəğmə səpirlər
Dunyada susmayan səslərə dönür.
Ulduzlar - torpağı enib öpürlər.
Ulduzlar nur saçan gözlərə dönür.
Üfüqlər necədə çırağban olub
Sanki səyyalərəl yanir şam kimi.
Ləngərlə adlayan karvanın yolu
Əks edir göylərdə Kəhkəşan kimi!
Yayılır cahana ədalət səsi,
Zülmətlər qovuşur Günəşlə,Ayla.
Məhəmməd - Allahın böyük elçisi
Çıxır ilk səfərə haqqın yoluyla.

Baxıram səmaya...Görürəm Ayı...
Mənə bu sirləri Ay piçildayır.
Torpaq mö'cüzəli,üfüq sehirli
Ulduz çiçəklidir göylər çəməni.
Ay üçün qəribə bir söz derirlər
Deyirlər çox baxsan Ay çəkər səni.
Birdən nə görürəm,burda nə sir var,
Göylər elə bil ki,söykənir yerə.
Nurlu pillələrə dönür ulduzlar
Ulduz pillələrlə Ay enir yerə.
Ay ilə üz - üzə dayaniram mən,
İlahi bir nura boyanıram mən.
Mən sehrə düşmüşdüm bu axşamçağı.
Çatdı qulağıma məhrəm bir səda:
-Məyər istəməzsən Allah qonağı?
-Allaha da qurban,qonağına da,
Xəzər sahilinə enib dindi Ay,
Uca,yaşıl sərvə qonub dindi Ay.
-Gəl səni yer oglu mən salamlayım.
-Sən bizim torpağa xoş gəldin,Ayım!
-Eşit insan oğlu,sən məni dinlə,
Yerin ilk vüqarı,ilk qürurusan.
-Sən on dörd gecəlik gözəlliyinlə
Bütöv bu dünyanı bütöv nurusan.
-Bütöv?Gün görmüşəm,müqəddəs,ulu
Mənim parçalanan vaxtım da olub,
-Ay da parçalanar,
-Yer üzərində.
Böyük Peyğəmbərə şəkk gətirəndə,
Öz qara fikrini dedi kafirlər:
-Bu an dağılmaqçın sehirli,sirlər
Sən Ayı göylərdən yerlərə endir.
Bilək onda qüvvə Peyğəmbərindir.
Məhəmməd Allaha tutub üzünü
Müqəddəs duayla dedi sözünü:
-Allahım,mən yerdə sənin qulunam,
Məni sədaqətçün doğubdur anam.
Kafirlər sınağa çəkirlər məni,
Göstər düşmənlərə öz iradəni.
-Birdən göydə bu nəydi?
Ulduz,ulduza dəydi.
Mən birdən haçalandım,
İkiyə parçalandım.
Enib,Tanrı - deyə mən,
Zirvədən - zirvəyə mən,
Mən öz mehvərimdən ilk dəfə çıxdım,
Bu an öz gözümdə özümdə qalxdım,
Baş əyib Allahın haqq qərarına,
Düşdüm Peyğəmbərin ayaqlarına.
Yerə xıncım - xıncım oldum da gəldim,
Min yanar qığılçım oldum da gəldim.
Əyildi qucmağa məni Peyğəmbər,
Ayıda qucaqlamaq mümkünmü məyər?
Kafirlər...mat - mə'təl qalmışdı onlar,
Şübhəylə göz - gözə baxışdı onlar.
Axı kor doğulub yalanla hiylə,
Kafirlər bilməz ki, həqiqət nədir.
İkiyə bölündüm Tanrı əliylə
Nadanlar dedi ki, bu mö'cüzədir!



Dünyada Peyğəmbər sözü qət'idir,
Mö'cüzə - Peyğəmbər həqiqətidir.
Peyğəmbər duyğusu döndü nifrətə
Nadanlar sözündən ürək də sızlar.
Lə'nətə layiqdir,ancaq lə'nətə,
İmana inamsız baxan qansızdır!
Yenə üfür nurlu,ulduzlar titrək,
Yenə bütövləşdim,çağırdı göylər.
Qansız kafirlərdən üz döndərərək
Peyğəmbər yoluyla getdi Peyğəmbər...