Eşidmisən bu mahnını? Səndən ayrılandan bəri həmişə bu mahnını dinlədim. Çünki bu mahnıda hər şey var, sevgidə, nifrətdə. Bilirsən sevgilim sənə bənzəyən hər şeyi sevdim. Səndə axtardığımı tapdım amma yanıldım. Yalnızlığın kədəriylə qüruru satın aldım. Çünki özüm-özümə bir gün dönərsən dedim. Gözlədim, param-parça oldum, amma yenə də səndən incimədim. Unutdum acılı ağrılı sözlərini, davalarımızı. Unutdum, zənglərimə cavab vermədiyini bir tək səni unutmadım. Amma yolun başında idik. Bahar gəlmədən ayrıldıq. Haradasan sevgilim? Varlığın haradadır? Getməyinlə hər şeyimi apardın. Artıq sən qoyub getdiyin qız deyiləm. Doğrudur yenə gülürəm, amma güldükcə də içim ağrıyır, çünki həmişə səni xatırlayıram. Sən mənim hər şeyim idin. İllər sonra bəlkə yenə qarşılaşdıq. O zaman mən sənin olmayan bir mən, sən isə mənim olmay bir sən olacaqsan. Bilirsənmi sevgilim? Mən yenidən aşiq ola bilərəm? Sənə aid olan qəlbimi kiməsə verə bilərəm? Vermərəm! İçində səni görərlər deyə. Mən səni hər kəsdən, özümdən belə qısqandım. Gəl keçmişə qayıdaq. Nə gözəl başlamışdıq. İkimizdə çılğın idik. Davaların ən gözəlini biz edirdik, çünki barışmaqda da ayrı zövq var idi. Gerçək sevgini yaşadıq bunu səndə bilirsən. Elə isə eyni hisslərlə qalmalı deyilikmi? Biz birlikdə olmasaq da, bu təmiz sevgini, təmiz hisslərlə bitirməliyik elə deyilmi? Sənindəmi göz yaşların mənim göz yaşlarımla yarışır? Sən mənim güclü, qocaman sevgilim deyilmisən? Güclüsən sən. Sil göz yaşlarını. Hər şeyi özümüz məhv etdik. Sevgi körpü qurmaq kimi bir şeydir, biz körpü quracağımız halda, divar hörüb yalnız qaldıq. Mən həmişə özüm-özümə deyirəm. Sabah tam fərqli bir qız olacam. Sonra yenə davam edirəm, onda niyə bu gündən başlamayım? Bəlkə illər hər şeyi mənə unutduracaq, amma söz verirəm səndən başqasını əsla sevməyəcəm. Əgər bir gün başqası ilə ailə həyatı qursam, səni sevmədiyimdən deyil, sadəcə qanunlarımın qurbanı olacam.
Və Səni ömür boyu unutmayacam...
Yer imleri