“Dünya ictimaiyyəti 20 Yanvar hadisələri barədə açıq danışmalıdır”

[Baku]

“Dünya ictimaiyyəti 20 Yanvar hadisələri barədə açıq danışmalıdır”

“Dünya ictimaiyyəti 20 yanvar hadisələrinə qiymət verməlidir”. Bu sözləri APA-ya açıqlamasında Slovakiyanın Rusiya və Azərbaycanda akkreditə olunmuş səfiri Yozef Miqaş deyib. Onun sözlərinə görə, belə faciələri qiymətləndirən zaman ikili standartlara yol vermək olmaz: “Bu böyük faciədir. Dinc əhaliyə hərbi güc tətbiq edilməsi qəbuledilməzdir. Mən hər il 20 Yanvar faciəsinin anım tədbirlərində iştirak edirəm. Üstündən müəyyən vaxt keçdikcə, həmin hadisələri daha yaxşı analiz edə bilirsən. Azərbaycan xalqı o zaman layiq olduğu azadlığı tələb edirdi. Lakin SSRİ onların üzərinə hərbi texnika göndərdi və nümayişə çıxan dinc sakinləri vəhşicəsinə qətlə yetirdi. Mən dəfələrlə Azərbaycanda olmuşam. 20 Yanvar hadisələri ilə bağlı sənədli filmlər izləmək və hadisənin şahidləri ilə söhbət etmək imkanım olub. Mən öz ölkəm adından bu faciəni kəskin pisləyirəm”.

[