Nura ilə Xuraman saçyolduya çıxıb?
Nura: «Məni «Lider»dən heç kim qovmayıb»
Mərhum aktrisa Gülşən Qurbanovanın efirdə yerini tutan Nura artıq xeyli vaxtdır «Lider» telekanalında «Mikser» verilişini aparır. İnternet portallarından birinin yaydığı xəbərə görə, müğənninin növbəti qonağı Xuraman Şuşalı olub. Lakin Xuramana verilişə çıxmaq nəsib olmayıb. Çünki verilişin başlamasına bir neçə dəqiqə qalmış, müğənnilər arasında mübahisə baş verib. Bu mübahisə tərəflərin bir-birinin ünvanına söyüşlər yağdırmaq, daha sonra isə saçyolduya çıxmasıyla nəticələnib. Məsələni belə görən telekanal rəhbərliyi Nuranı layihədən qovub.
Olaya aydınlıq gətirmək məqsədi ilə Nura ilə əlaqə saxladıq. Lakin o, bu xəbərin həqiqətəuyğun olmadığını dedi: «Dünyanın heç bir yerində jurnalist faktı araşdırmamış yazmır. Mən həmin agentliyi məhkəməyə verəcəyəm. Çünki belə bir hadisə olmayıb. Sadəcə, mayın 11-dən (bu gündən – Ü.S.) «Maşın» realiti-şousunda iştirak edəcəyəm. Ona görə də ayın 22-dək olan verilişləri indidən hazırlamışam. Əgər şounun axırına kimi qalsam, layihədən mayın 28-də çıxacağam. Hardasa bir-neçə verilişi hazırlaya bilməyəcəyəm. Görünür, kimsə bundan istifadə edib, haqqımda belə söhbətlər yayıb».
Nuranın sözlərinə görə, verilişinə dəvət olunanların siyahısını layihə rəhbərliyi tərtib edir və bu haqda ona əvvəlcədən məlumat verilir: «Düzdür, bəzən elə olub ki, məndən xəbərsiz kimisə çağırıblar verilişə. Mən də buna etiraz etmişəm. Amma aramızda münaqişə olmayıb».
«Lider»dən qovulmadığını deyən Nura yaxın zamanlarda başqa bir telekanalla əməkdaşlıq edəcəyini də vurğuladı. Dedi ki, Rusiya telekanalında Lolitanın «Bez kompleksov» müəllif verilişinin Azərbaycansayağı variantını hazırlayacaq. Artıq bu barədə «Lider»in rəhbərliyini xəbərdar edən Nura müqavilənin bitməsini gözləyir.
Mənbə: Gündəlik Azərbaycan
Nura ilə Xuraman saçyolduya çıxıb?
Printable View
-
05-12-2007, 03:56 PMAzerbaycanliNura ilə Xuraman saçyolduya çıxıb?
-
05-13-2007, 02:06 AMManolita
Yene qalmaqal. :?
Goresen niye bizlerde bu qeder coxdur? ::yeriyox:: -
05-13-2007, 02:36 AMShulikBoy
Nura'nin ::yerivar:: Xuraman'nin ::yeriyox::
-
05-13-2007, 06:31 PMAzerbaycanliŞou Biznes qalmaqalQalmaqalsız şou bines olar heç. Bütün dünyada qalmaqallı olur.Alıntı:
Manolita Nickli Üyeden Alıntı
-
05-14-2007, 12:41 AMManolitaRe: Şou Biznes qalmaqalQalmaqal olur elbetde. Amma bilmek isteyerdim goresen bizlerdeki qeder cox olur butun dunyada?.... :roll:Alıntı:
Azerbaycanli Nickli Üyeden Alıntı