Nuriyyə Əhmədova: Ürəyimin hansısa parçasını itirirəm

[Baku]

Xalq artisti Nuriyyə Əhmədova mərhum sənətkar Yaşar Nuri haqqında xatirələrini “Azadinform”la bölüşüb. “Mədəniyyət və İncəsənət Universitetində Yaşar məndən bir kurs yuxarı oxuyurdu. Atası Məmmədsadıq Nuriyevlə Musiqili Komediya Teatrında işləmişəm. Yaşar hələ o vaxtlardan tanınmağa başlamışdım. Uşaq verilişlərinə çıxırdı. Sonra teatr, televiziya tamaşaları, filmlərə çəkilməyə başladı. Yaşarla Vaqif Mustafayevin bir neçə filmində tərəf-müqabil olmuşuq. Özüm kaprizli aktrisa olsam da, tərəf-müqabilim mənim üçün həmişə doğma, əziz olub. Yaşarda özümə qarşı heç bir əmma görmədim. Hətta nəyisə səhv edəndə yaxınlaşıb deyirdi ki, Nuruş, bunu bu cür eləsən, lap əla olar. Yaxud mən ona deyərdim ki, Yaşar, bu yerini o cür elədin, elə o cür də saxla. Yəni biz bir-birimizə dayaq, kömək olmuşuq. Bu gün o cür sənətkarları itirəndə pis oluram, elə bilirəm ürəyimin hansısa parçasını itirirəm” .