Lider TV-də yayımlanan “Rəngarəng” verilişinin növbəti və fərqli buraxılışı hazırlanıb. Bu dəfə verilişi Zaur Nəbioğlu deyil, məşhur estrada müğənnisi Natavan Həbibi aparıb. Verilişdə həm qonaq, həm də aparıcı olan Natavan haqda maraqlı faktlar üzə çıxıb.

Rejissor Aynurə Tahirqızının ərsəyə gətirdiyi verilişdə Zaur Nəbioğlunun iştirak etməməsinin səbəbi, hələ ki, sirr saxlanılır. Görəsən, yayımlandığı gündən tamaşaçıların qarşısına məhz Zaur Nəbioğlunun təqdimatında çıxan verilişi niyə Natavan Həbibi aparıb? Bəlkə, Zaur verilişdən uzaqlaşıb? Bu suala cavabı isə budəfəki veriliş zamanı alacaqsınız.

Onu da bildirək ki, Natavanla yanaşı, verilişdə xalq artisti, Şöhrət ordenli İlhamə Quliyeva, bəstəkar Vaqif Gərayzadə, əməkdar artist İlqar Muradov, Natavanın dostu, bəstəkar hacı Nazim Məmmədov və başqaları iştirak edib.

Odur ki, fərqli “Rəngarəng” verilişini izləmək istəyirisinizsə, bu həfənin cümə günü saat 21:00-da gözünüz Lider TV-də olsun.