Aygün Kazımova saçları göy rəngə boyadıb

[Baku]

ANS PRESS-in məlumatına görə, bir ay əvvəl “Extrime” realiti şousu üçün saçlarını qırxdıran xalq artisti indi də həmin qısa saçlarını göy rəngə boyayıb.

Aygün Kazımova bu addımı “Tərzlərin üç dövrü” layihəsi çərçivəsində atıb. Layihədə xalq artistləri Zülfiyyə Xanbabayeva və Brilliant Dadaşova da iştirak edir. Xalq artistləri sözügedən layihədə son onilliyi müxtəlif imiclərlə yenilənmiş obrazlarla təqdim edəcək. “Tərzlərin üç dövrü” layihəsində səksəninci illərdən bu günə qədər olan zaman kəsiyi fərqli çalarlarla təqdim olunacaq. Müğənnilər fotoşəkillər və videoçarxlarla fantastik əhval-ruhiyyə yaradacaqlar.

Bütün müğənnilər “Tərzlərin üç dövrü” adlı yeni layihə çərçivəsində xarici görünüşündə dəyişiklik edib. Zülfiyyə Xanbabayeva və Brilliant Dadaşovanın fotosessiyaları artıq hazırdır. Aygün Kazımovanın da çəkilişləri başa çatdıqdan sonra layihənin təntənəli təqdimatı olacaq.