Evre Başak Clarke - Erməni əsilli qadın təhqir etdiyi türklərdən yardım topladı

[Aynura79]

Evre Başak Clarke (doğma adı ilə Evre Başak Okumuş, d. 1985, İstanbul, Türkiyə) — Türk internet məşhuru, moda dizayneri, rəqəmsal dizayner, rəssam.

Həyatı

---

Evre Başak Clarke 1985-ci ildə İstanbulda anadan olub. Rize Çamlıhemşin mənşəli erməni bir ailədən gələn sənətçi, Mimar Sinan Gözəl Sənətlər Universitetinin Moda Dizaynı fakültəsini bitirib və 2009-cu ildə İstikbal Milli Tekstil Naxışları Müsabiqəsində birinci yeri qazanıb. Sənət karyerasına fokuslanaraq rəsm və rəqəmsal illüstrasiya sahəsində işlər görüb. Heyvan portretləri və eksperimental sənət əsərləri ilə məşğul olan Clarke, 2023-cü ildə İngiltərə vətəndaşı Philip Clarke ilə evlənib və eyni ildə oğlu Oscar dünyaya gəlib. Clarke ailəsi ilə birlikdə İngiltərədə sadə və sənətlə iç-içə bir həyat yaşayır. Sənət əsərləri ilə sosial mediada çox diqqət çəkməyən Clarke, X platformasında xəstə olduğunu elan etdikdən sonra daha çox tanınmağa başlayıb. Oğluna yardım məqsədilə GoFundMe üzərindən başladığı və təxminən 230.000 funt sterlinə çatan ianə kampaniyası mübahisələrə səbəb olub. Clarke-ın keçmişdə türkləri alçaldan paylaşımları, xüsusilə türklər üçün “həll soyqırımdır” kimi ifadələri, ianə kampaniyasına reaksiyaları artırıb. Həkimindən gəldiyini iddia etdiyi və 3-4 həftəlik ömrü qaldığını bildirən e-poçt ekran görüntülərini əvvəlcə paylaşması, sonra isə silməsi, dələduzluq şübhələrini artırıb.