Sevgi ölməyi tələb edirsə...

**_ultrAslan_** · 03-29-2010, 10:41 AM

Ən gözəl duyğulardan biri bəlkə də ən əhəmiyyətlisi sevməkdir... İnsanı həyata bağlayan ona insan olduğunu xatırladan və istəsə də istəməsə də hər insanın ürəyində olan duyğudur...

Sevmənin dəyərini bilənlər üçün sonsuzdur sevgi. Çünki onlar qarşılıqsız sevərlər Yaradandan ötəri. Buna görə qiymətlidir bütün insanlar. Gözəldir sevmək; dostu sevmək sevdiyinlə dost olmaq gözəldir. Çətin olan sevgini paylaşmaqdır. Sərhədsiz sevgini...

Və təqdim etməkdir sevilənə. Bəzən əvəzi ağır olsa da çox vaxt sevildiyini hiss etmək gözəldir. Buna görə qorxu da sevginin bir parçasıdır. Dostlarımıza dost ola bilməmə qorxusu... Bir az da bu qorxu idarə edər davranışlarımızı və istiqamətləndirər düşüncələrimizi. Sevgimizi köhnəltmək qorxudar bizi. Onu qorumaq sevginin hakim olduğu yerlərdə olmağa,yaşlı gözlərlə və sevdalı könüllərlə birlikdə olmağa diqqət göstərməmizin səbəbidir.

Ürəyimizdəki hər sevgi zərrəsinin bir sahibi vardır mütləq buna görə o sevgilər bizə əmanətdir. Buna görə çətindir sevmək, sevgini təqdim etmənin əvəzi olmasının səbəbi budur.

Lakin artıq əmanətlərimizi təqdim etmənin bir az cəsarət və bir parça ağrıyla... Sevilənə yönələrək iki damla gözyaşıyla yaş ovuclarla ona sevdiyimizi göstərmənin vaxtıdır. Və əgər gerçək sevgini və gerçək Sevgilini tapmış isək əvəzi ağır olmayacaq zənn etdiyimiz qədər. Onsuz da ONun uğrunda lazım olsa canımızı fəda edəcək qədər böyüksə sevgimiz...