Əllər gözəllik nişanəsidir

[Baku]

Saç, üz və gözlər kimi, əllər də gözəllik nişanəsidir və onlar da qulluq tələb edir. Keyfiyyətsiz təmizlik vasitələri (məsələn, yuyucu tozlar, sabunlar və s.), həmçinin günəşin mənfi şüaları əllərə də təsirsiz ötüşmür.

Lakin bitki yağları əllərdə yaranan bu çatışmazlığı aradan qaldırır. Portağal, buğda və çobanyastığı kimi bitkilər dərinin təzələnməsində, təravətli olmasında əsas rol oynayır. Yaşlanmanı ləngitmək, ləkələrlə vidalaşmaq və beləliklə də, əllərə zəriflik və təravət vermək üçün bitki yağlarından və kremlərdən istifadə etmək olar. Bu yağlar həm də dırnaqları möhkəmləndirir. Kremi əllərə həftədə üç dəfə və gecələr sürtmək məsləhətdir. Çünki dəridəki hüceyrələr həmin saatlarda yenilənir. Kremi əlinizə sürtün və pambıq əlcək geyib yatın. Əllərinizi kremləyərkən mütləq ovun. Dırnağın altına da krem çəkməyi unutmayın.