Asan hazırlanan reseptlər

XAN BALIĞI VƏ FRİ KARTOFU

1 ədəd xanı balığı (təmizlənmiş və içalatı çıxardılmış)
200 q şampinyon
200 q kartof
40 q qızardılmış badam
Frityür (ərinmiş yağ)
Duz

Şampinyonları doğrayın, badamla qarışdırın və xanı balığının içinə doldurub duzlayın. Balığı tikin, iki tərəfini də qızardın. Kartofu uzun-uzun doğrayın və frityürdə qızardın. Fri kartofunu balığın üstünə tökün.


TƏRƏVƏZLİ TOYUQ SALATI

500 q toyuğun döş əti
300 q pendir
3 ədəd pomidor
3 ədəd xiyar
2 diş sarımsaq
3 x/q mayonez
1 x/q xardal
Cəfəri
Duz, istiot

Toyuğun döş ətini duzlu suda bişirin, soyuyandan sonra uzun-uzun doğrayın. Pendiri sürtgəcdən keçirin, sarımsağı xırdalayın. Xiyarları uzun-uzun, pomidorları hissə-hissə doğrayın, duz töküb 10-15 dəqiqə saxlayın. Fileni pomidor, xiyar, sarımsaq, pendir, xardallı mayonezlə qarışdırın, duz, istiot vurun, doğranmış cəfəri əlavə edin.


ŞOKOLAD VƏ ALMALI KEKS

2 stəkan un
10 q qabartma tozu
1 stəkan bitki yağı
1 stəkan qəhvəyi şəkər tozu
1 stəkan şokolad qırıqları
3 ədəd yumurta
4 ədəd təmizlənmiş və kub şəklində doğranmış alma
2 ç/q vanil
2 ç/q üyüdülmüş darçın
1/2 stəkan qoz (iri doğranmış)

Bütün inqrediyentləri növbə ilə əlavə edib kasada qarışdırın. 180 dərəcə qızdırılmış sobada 40-50 dəqiqə bişirin.