Zeytun

[
Zeytun yağı – zeytun meyvəsindən hazırlanan bitki yağıdır. Kulinariyada, kosmetologiyada, sabun hazırlanmasında istifadə olunur. Qədim zamanlarad və orta əsrlərdə işıqlandırma üçün də istifadə olunurdu. Tərkibində monodoymamış piy turşularının və polifenolların çox miqdarda olması onu zəngin dietik məhsul saymağa imkan verir. İspaniya dünyada zeytun yağı istehsalı üzrə ilk yeri tutur. Onun ümumi dünya istehsalı həcmində payı 45%-ə qədərdir. Zeytun istehsalı üçün əlverişli iqlim faktoru, yeni becərmə və suvarma sistemləri, becərmə sahələrinin artırılması, müasir texnologiyaların tətbiqi ildə orta hesabla 800 min tondan artıq zeytun əldə etməyə imkan yaradır. Əsas istehsalat Andalusiya vilayətindədir.

İndi isə görək zeytundan nələrə istifadə edirlər.

B vitaminli kompleksli və C vitamini insanı arıqladır. Bu polivitaminlər orqanizmi vitaminlə zənginləşdirib, bədənə daxil olan yağların piyə çevrilməsinə imkan vermir.

Qırışıqlardan azad edir.
Eyni miqdarda zeytun yağını və limon şirəsini qarışdırıb, həftədə iki dəfə üzə sürtmək, sizi qırışıqlardan azad edər.


Qocalmanın qarşısını alar.

Zeytun yağına iri duz əlavə edib, qarışığı əllərə və ayaqlara sürtmək, dərini hamarlaşdırıb, qocalmanın qarşısını alar.

Dırnaq soyulmasının qarşısını alar.

Dırnaqları 5-10 dəqiqə isidilmiş zeytun yağında saxlayıb, sonra onlara yod sürtmək dırnaq soyulmasının qarşısını alar və onları bərkidər.

Tük soğanaqlarını bərkidir.

1 yumurtanın sarısı, 2 xörək qaşığı limon şirəsi, 1 xörək qaşığı zeytun yağı və 0,5 lt. Pivəni yaxşıca qarışdırıb, saçlara 30 dəqiqəlik maska edin. Başı yuduqdan sonra saçları limonlu su ilə yaxalayın. Bu maska tük soğanaqlarını bərkidib, saçları parlaq edəcək.

Quru və tez qırılan saçlar üçün.

Quru və tez qırılan saçlar üçün növbəti maskanı sınaya bilərsiniz: 70 qr. zeytun və 5 damcı lavanda yağını baş dərisinə sürtüb, polietilen kağızla örtüb, səhərə kimi başda saxlamaq lazımdır.


Dişlərin möhkəm olması üçün.

Dişlərin möhkəm olması üçün barmağını zeytun yağında isladıb, damağı və dişləri yorulana kimi masaj et.
[