Marsda yaşayış məntəqələri inşa olunacaq

ABŞ-ın Kosmik Araşdırmalar Mərkəzi (NASA) 13 il bundan əvvəl Mars planetindən düşən daşı yenidən araşdırıb. Agentlik araşdırmalardan sonra planetdə həyat izlərinin olması ilə bağlı məlumat yayıb.

2019-cu ildə Marsa adam göndərməyi planlaşdıran NASA Avropa Kosmik Araşdırmaları Mərkəzi (ESA) ilə birgə fəaliyyət haqqında razılığa gəlib. Araşdırmaların bu templə davam edəcəyi halda 50 il müddətinə ABŞ-ın Marsda yaşayış üçün xüsusi məntəqələr quracağı gözlənilir. Bu isə insanların yalnız filmlərdə müşahidə etdiklərinin reallığa çevirilməsi anlamına gəlir.

Kosmosun öyrənilməsində böyük təcrübəyə malik olan Rusiya da Mars planetinə adam göndərmək niyyətindədir. Nüvə enerjisi ilə çalışacaq raketin layihəsinin 2012-ci ilə qədər tamamlanacağı, 2019-cu ilə kimi isə istehsal olunacağını bildirilib.

Qeyd edək ki, bu layihə Rusiyaya təxminən 600 milyon dollara başa gələcək. Keçən ay Vatikanda toplaşan 30-dan çox elm adamı 4 gün boyunca yer kürəsindən kənarda yaşayışla bağlı müzakirələr aparıb.
[