Ey Rəbbim! Ölüləri Necə Dirildirsən?

Həzrəti İbrahim (ə.s) bir gün dəniz kənarında bir heyvan leşi gördü. Bir müddət ona tamaşa etdi. Dənizin suları qabardıqca balıqlar leşdən bir parça qoparır,sular çəkiləndə onu vəhşi heyvanlar parçalayır,uçub gələn quşlar da onun əti ilə qarınlarını doldurudular.Bu leş bir çox heyvanın qidası olmuş və hər parçası bir tərəfə dağılmışdı.
İnsanlar da belədir.Torpağa basdırıldıqdan sonra cəsəd çürüyüb torpağa qarışır.Belə ki,bəzən qurd və həşaratlar yeyir,bəzən yırtıcı heyvanlar insanı parçalayır,bəzən dənizə batanlar balıqlara yem olur.Sözün qısası,cəsəd olduğu kimi qalmayıb parçalara ayrılır.
ALLAH ölənlərə yenidən həyat verəcək,çürüyən ətlər və sümüklər yenidən diriləcək və hər yana dağılmış parçaları bir yerə toplayıb həmin insana can verəcək.Lakin nə cür? Həzrəti İbrahim (ə.s) sualın cavabını bu dünyada görmək istəyirdi və RƏBBinə belə dedi:
- Ya Rəbbim! Ölüləri necə dirildirsən ,mənə də göstər. Haqq-Təala:
- Ey İbrahim! Sən ölülərə həyat verəcəyimə inanmadınmı? – deyəndə Həzrəti İbrahim (ə.s):
- İnandim,Rəbbim,ancaq qəlbimin daha çox əmin olması üçün bunu mənə göstərməyini arzu edirem,-dedi
Allah- Təala belə buyurdu:
-Elə isə dörd quş al.Onları özünə alışdır.Sonra hər birini kəs və parçala.Parçaları biri-birinə qarışdır.Dörd ayrı dağın təpəsində həmin qarışdırdığın ət parçalarını qoy, sonra da onları çağır.Uça-uça sənin yanına gələcəklər.
Həzrəti İbrahim Peyğəmbər ALLA-ın buyurduğunu etdi.Artıq İbrahim Peyğəmbər də onları digər heyvanlardan fərqləndirə bilirdi.Nəhayət,Həzrəti İbrahim Peyğəmbər quşları kəsib parçaladı və aparıb dağa töküb geri qayıtdı.Sonra onları yanına səslədi. parçalar birləşib Peyğəmbərin yanına gəldilər.Həzrəti İbrahim Peyğəmbər bu mənzərə qarşısında Rəbbinə Şükr edərək,bir daha boyun əydi.Həzrəti İbrahim Peyğəmbər əmin oldu ki,belə bir-birinə qarışmış parçaları bir yerə yığıb onlara yenidən həyat verən ALLAH ,əlbətdə ki,torpaq altındakı insanları yenidən birləşdirib canlandırmağa və sorğu-sual etməye qadirdir.
[