Msn-in tarixi

[
Bu müvəffəqiyyətin altına imza atan gənc Hindistan əsilli müsəlmanın adı Sabir (Sabeer) Bhatiadır. 1988-ci ildə Sabir, Stanford Universitetində təhsil almaq üçün ABŞ-a gəlir. Buradan məzun olduqdan sonra internet firmalarından birində işi başlayır, sonra eyni universitetdən məzun olan Jack Smith adlı bir gənclə tanış olur.
İki gənc baş-başa verib işlədikləri şirkət içərisində daha sonra özərinə bir şirkət qurmaq haqda planlar qururlar. İşlədikləri şirkətin sahibi onların bu planından xəbər tutur. Onlara bu planın həyata keçirilməsi üçün şirkətin imkanlarından faydalanmamaları üçün xəbərdarlıq edir. Bu zaman Sabir hər kəsin özünə xüsusi bir e-poçt proqramı istifadə etməsinə imkan verən bir proqram hazırlayır. Bu proqramı inkişaf etdirmək və xalqın istifadəsinə təqdim etmək üçün gizli bir şəkildə işlərini davam etdirir. Proqram bazara çıxdığı 1996-cı ildə internet istifadəçiləri arasında sürətlə yayılır. Çünki digər proqramlardan seçilirdi. Bu e-mail proqramı ödənişsizdir və gizliliyə imkan verir. Ayrıca dünyanın hər yerində ondan istifadə etmək olar. Toplu istifadəyə açıldığı ilk on gündə Hotmail milyonlarla insan tərəfindən istifadə edilməyə başlanmışdır. Bu proqram dünyanın ən zəngin adamı olan Microsoft firmasının sahibi Bill Gatesin diqqətini çəkir və bu proqramı satın almaq istəyir. Hotmailə 50 milyon dollar verməyi təklif etsə də proqramın əhəmiyyətinin fərqində olan Sabir, Hotmail üçün 500 milyon dollar istəyir. 1998-ci ilə qədər davam edən danışıqlar nəticəsində Sabir özünün Microsoft şirkətinə ekspert olaraq təyin edilməsi şərtiylə proqramı 400 milyon dollara satmağa razı olur. Bu gün Hotmailin istifadəçiləri təxminən 90 milyona yaxındır və hər gün 3 min yeni istifadəçi bu proqrama üzv olur.
Sabir əldə etdiyi 400 milyonla bir neçə institut quraraq imkansız tələbələrin oxumasına köməklik etmişdir.