Naxçıvana Turist axını

Naxçıvan Muxtar Respublikanın ekoloji cəhətdən təmiz iqlimi, tarixi abidələrlə zəngin olması bölgəyə turist axınını gücləndirir.

Ötən il bölgədə turizmə həsr olunmuş beynəlxalq konfransın keçirilməsi turizm imkanlarının təbliğində mühüm rol oynayıb. Naxçıvan MR Mədəniyyət və Turizm Nazirliyindən Lent.az-a verilən məlumata görə, ötən il MR-a Azərbaycanın digər bölgələrindən və xarici ölkələrdən gələnlərin sayı 219 min nəfərdən çox olub. Turistlərin bölgədə daha çox maraq göstərdikləri sahələr isə tarixi abidələrdir.

Qeyd edək ki, Möminə Xatun, Yusif İbn Küseyir, Qarabağlar və Şeyx Xorasan türbələri, “Əshabi-kəhf” ziyarətgahı, Qızlar bulağı, Açıq Səma Altındakı Muzey və Duzdağ Fizioterapiya Mərkəzi bölgəyə xeyli turist cəlb edir. Ötən il MR ərazisindəki abidələr pasportlaşdırılıb və öyrənilməsi üçün “Naxçıvan abidələri” ensiklopediyası çap olunub.