Insanliq ayibi

[
[


İran hökuməti daş-qalaq edilməkdə edam cəzasına məhkum edilən Səkinə Məhəmmədi Aştianini bağışlamaq fikrində olmadığını artıq bildirib. 5 ildir ki, həbsxanada edamını gözləyən 43 yaşlı iki uşaq anasının daş-qalaq edilməsi hələlik təxirə salınsa da, İran şəriət məhkəməsi gec-tez qərarın icra ediləcəyini deyir.

VƏKİL İRANDAN QAÇIB

Aştianini ölümdən qurtarmaq üçün beynəlxalq kampaniya başladan vəkili də İrandan qaçmalı olub. Vəkil Məhəmməd Mustafeyi həbsxanaya çağrılmasından, xanımı və xanımının qardaşının həbsindən sonra İrandan qaçıb.

Mustafeyinin sözlərinə görə, ilk dəfə iyulun 24-də Tehrandakı Evin həbsxanasına çağırılıb. Dövlət ittihamçısı Şahid Moqdasın hüzuruna, dindirilməyə.

Dindirilmə zamanı kifayət qədər ünlü hüquq-müdafiəçisindən nəyə görə edam cəzası alanlara vəkillik elədiyi, və nəyə görə bəzi hallarda bu xidmətlərinə görə pul almadığı soruşulub.

3 saatlıq sorğu-sualdan sonra Mustafeyə deyiblər ki, gedə bilərsən.