Dünyanın ən balaca adamı öldü

Dünyanın ən balaca adamı sayılan çinli Xi Pinpin vəfat edib.
21 yaşlı Xi Pinpin Romada televiziya proqramının çəkilişi zamanı özünü pis hiss edib. Onu təcili xəstəxanaya çatdırsalar da, həkimlər Pinpinin həyatını xilas edə bilməyiblər.Dünyanın ən balaca adamının boyu 74,61 santimetr idi. Onun karliklik xəstəliyindən əziyyət çəkdiyi bildirilirdi. Digər məlumatlara görə, Pinpin genlərindəki mutasiya nəticəsində balaca qalıb.“Ginnesin Rekordlar Kitabı”nın şef-redaktoru Kreyq Qlandey bildirib ki, Pinpin boyunun balaca olmasına baxmayaraq, insanlara güclü təsir imkanlarına malik olub: “Onun xoş təbəssümü və xarakteri insanları valeh edirdi. O, görüşdüyü hər bir insanın həyatını daha parlaq edirdi və özündən narazı şəxslərə optimizm bəxş edirdi”.
Xe Pinpin 1988-ci ildə Ulançabu şəhərində doğulub. Doğulan zamanı onun boyu normal insanın əli boyda, çəkisi isə 500 qram olub. Onun ağzı adi əmzik üçün həddən artıq kiçik olduğundan, valideynləri ona südü xüsusi saman çöpü vasitəsilə verirlərmiş. Pinpin 3-4 yaşında yeriməyə və danışmağa başlayıb. O, 18 yaşına çatanda boyu 74 santimetr, çəkisi isə 7 kiloqram olub. Pinpin özünü normal adam sayırmış və evlənməyə hazırlaşırmış.



[