Dini Şe`rlər

[POWER_RANGERS]

Qızına Nəsihət


Ay mənim örtülü hicablı qızım,
Tutqun gecələrdə parlaq ulduzum,
İstərdim səninçün nəsihət yazım,
Sən Allahdan çəkin, ondan qorx qızım.

Sən gülün qönçəsi hicab ləçəyin,
Sənə bənzəri var gülün çiçəyin,
Hicab iffətidir sən tək qönçənin,
Sən Allahdan çəkin, ondan qorx qızım.

Deyirsən tənə ilə qarı deyirlər,
Saçlarını boya sarı deyirlər,
Ən azı şalvar gey barı deyirlər,
Sən Allahdan çəkin, ondan qorx qızım.

Soruşdum bəs nədən işlər nataraz,
Hamı açıq-saçıq, hicablılar az ?
Aşkarda çox olan qiymətli olmaz,
Sən Allahdan çəkin, ondan qorx qızım.

Diqqət et daş-kəsək hər yerdə olar,
Qiymətli cəvahir gizlində qalar,
Dünya asilərlə şeytanla dolar,
Sən Allahdan çəkin, ondan qorx qızım.

[POWER_RANGERS]

Siqaret !...


Girmiş qocanın həm cavanın ağzına tüstü,
Tüstü vurulur hər əsəbi qızğına, tüstü,
Hər bezginə, hər küskünə, hər azğına tüstü,
Məcun edilib diş saralan solğuna tüstü,
Sizlər də vurun sözdəki hər dolğuna tüstü!...

Mən bildiyim atəş əhlinə qəmli dumandır,
Bu tüstü də simvol kimidir, nəmli dumandır,
Tam əksi deyirlər cana məlhəmli dumandır,
Mən anlamıram ki, necə yöntəmli dumandır?!
Onda gərəkir üflənə hər ağrına tüstü!

Qəlbim yanır atəşlərə, az qəlbimi yandır,
Vicdanı yanan olmasa, gəl mətləbi qandır,
Hər yanda qığılcım dolu atəş necə andır?
Çox adiləşib, gəl cavanı indi utandır,
İsmətli gəlirkən üfürür pozğuna tüstü!

Atası deyir oğluna bir paçqa zəhər al,
Oğlu dükana qaçmalı, şər tapmalı dərhal,
Bir paçqa da alsın özünə gizlicə minval,
Əhval belə artırsa da, vay oldu bu əhval,
Çün öyrədəcəksə ata öz oğluna tüstü!...

Söhbət edirəm mən sizə qanuni zəhərdən,
Qanuni zərər təsbit olur dünyada şərdən,
Şər olduğunu inkar edən varsa bəşərdən,
Qanuni-bəşər məntiqə söykəndi çox erkən,
Batillə yorulmuş başa, vur yorğuna tüstü!

[GLAMOURKA]

masallah.

[POWER_RANGERS]

masallah.

[AgLaYaN_BuLuD]

[Tutu20]

Masallah goz deymesin baciskamiza ela serler ela movzular

[Ruzgar_Gulu]

Masallah goz deymesin baciskamiza ela serler ela movzular

baciskamiza movzuyu yazan oglan bak huseyn gormesin

[POWER_RANGERS]

Masallah goz deymesin baciskamiza ela serler ela movzular

[POWER_RANGERS]

YARANIŞ ETİBARİLƏ

Günaha meyl edir insan yaranış etibarilə,
Günahı az edər aqil davranış etibarilə.

Müasir çağda bir dindar ziyan vermirsə İslama,
İslama fayda verəndir anlayış etibarilə.

Düşünən bir beyinin fəhmi-təmənnası gözəldir,
Düşünməyən də azır tez, qavrayış etibarilə.

Quranı dildə sevənlər yolu məntiqlə gedirlər,
Özü də şirk içindələr yalvarış etibarilə.

Haqqa dəvət elədim mən səni gündüz-gecə zatən,
İdmançıya bənzədin sən bu qaçış etibarilə.

Yarışanlar qoy yarışsın xeyir işlərdə haqq üçün,
Ən uca mükafat da var bu yarış etibarilə.

Səni atəşlərə yemkən oradan kim çəkindirir,
Bir xilas yeri qoymursan tullanış etibarilə.

Möminin bir üzü vardır, ona dünya necə dardır?
O nümunələr çıxardır oyanış etibarilə!........

Hər ürək səlim olarsa, günaha sipər tutarmış,
Təəssüf, yox belə əhval aldanış etibarilə.

Çoxunu dünyada şeytan yatırır oyaq biçimdə,
Yuxunu qızıl zənn edir o balış etibarilə.

Dünyada tanışlarınla mənə zülm eyləmisən sən,
O dünyada qurtulmazsan bir tanış etibarilə!

Dünyada yoxdur İslam tək bəşəri sülhə səsləyən,
İnsanlar küsməyi seçmiş uzanış etibarilə!

Yoxdur İslam kimi nəcat, yoxdur İslam kimi mənsur,
Aləmə hüzur gətirməkdə, barış etibarilə!

İslamı anlamasaq biz, bizə özgə cür sunarlar,
Yandırarlar yanmayarkən bir baxış etibarilə!

Bu gedişlə, bu baxışla, bu fəhmlə nə düzəlsin?!
Nə düzəlsin bu cahanda bu axış etibarilə!

Asan eylə, çətin etmə, düzəldən ol, dağıtma gəl,
Kim düzəltmişsə, ucalmışdır alqış etibarilə!

Bəşərin yatdığı günlər sən oyaq vicdana bağlan,
Çün bəla gəlsə, gələr tək bu yatış etibarilə!

[POWER_RANGERS]

ƏLVİDA RAMAZAN

Qafillər içrə gəlib keçdin, əlvida Ramazan,
Acımış ruhumuza eylədin qida Ramazan!

Yadlaşan dünyada qardaşlığı əta elədin,
Səni bəxş eylədi insanlığa ancaq belə din,
Bu din İslam, Ramazan, sən bizə rəhmət ələdin!
Qapına kim ki, gəlir xeyrini daim dilədin,
Sən kimi xeyri bilməyən düşər cüda Ramazan!
Qafillər içrə gəlib keçdin, əlvida Ramazan,
Acımış ruhumuza eylədin qida Ramazan!

Günahkar üzlə oruc müddəti olduqca tamam,
Kobud əxlaqını tərk etməyən vermirsə aram,
Nə bilir etməyəcəkdir bu gedişlərlə haram?
Gözəl əxlaqa fəqət, sən kimi heyran olaram,
O ki, qurana bağlı çox verir səda, Ramazan!
Qafillər içrə gəlib keçdin, əlvida ramazan,
Acımış ruhumuza eylədin qida ramazan!

Ürəyin kirləri ilə səni biz qarşıladıq,
Rəhmətin sirləri ilə səni biz qarşıladıq,
Vay o gündən ki, orucdan nə isə anlamadıq,
Gecələr ağlamadıq, nəfsimizi danlamadıq.
Tövbəsiz neyləyirik eyləsək əda Ramazan?!
Qafillər içrə gəlib keçdin, əlvida Ramazan,
Acımış ruhumuza eylədin qida Ramazan!

İldə bir kərrə dirildi bu ölən qəlbi həyat,
Onu da yatmaq ilə keçirmisənsə, hələ yat!
İli-ildən qiyamətin küləyi əsir rahat,
Daha gəl əyriliyi at yana, irfanına çat,
Əyriliklər düzəldir, istəsən hüda Ramazan!
Qafillər içrə gəlib keçdin, əlvida Ramazan,
Acımış ruhumuza eylədin qida Ramazan!

Aclıqdan ibarətsə oruc sənin vay halına,
Niyyətindən çatacaq hər əməlin misqalına,
Bu ayda xilas olmayan düşüb nəyin dalına?
Günahlar içrə üzən nə istəyir ki, alına!
Ona fürsət əta eləyərkən xuda Ramazan!
Qafillər içrə gəlib keçdin, əlvida Ramazan,
Acımış ruhumuza eylədin qida Ramazan!

Alçaq işlərlə başlayıb bu cürə vermə xitam,
Səbəb eylə onu qəlbində gözəlliklərə tam,
O kobud qəlbini incəltdi bu ay, oldun adam,
Gözəl əxlaqa, bu həsrətlərə bəxş etdi ənam,
Nəfsi ram eyləməyən, eyləməz fəda Ramazan!
Qafillər içrə gəlib keçdin, əlvida ramazan,
Acımış ruhumuza eylədin qida ramazan!

Batilin nuru yox deyə, heç zaman saçmır işıq,
Fəqət, İslamın özü fitrəti eyləyir ayıq,
Ramazan gəldi, bitməsiylə qarşı-qarşıyayıq,
Bu günahlarda davam eyləyiriksə, bəlayıq,
Qorxuram gələn il görməm əbəda Ramazan!
Qafillər içrə gəlib keçdin, əlvida Ramazan,
Acımış ruhumuza eylədin qida Ramazan!

On bir ay nuşi-can ilə yedik, ifraz elədik,
Bir ay da nəfsə nəsihətlər ilə vaz elədik,
Təzə paltar kimi imanımızı tazələdik,
Fəqət ki, ibadəti biz deyəsən az elədik,
Ömrümün qonağı gəlmiş idi, o da Ramazan!
Qafillər içrə gəlib keçdin, əlvida Ramazan,
Acımış ruhumuza eylədin qida Ramazan!