İlahi möcüzə

**montin490** · 08-30-2009, 09:10 PM

Allah bundan 14 əsr əvvəl insanlara yol göstərici kitab olan Quran-ı Kərimi göndərmiş və bütün insanlığı Qurana uyaraq qurtuluşa çatmağa dəvət etmişdir. Ayətdə də bildirildiyi kimi Quran "...aləmlərə bir zikr (öyüd, xatırlatma, hökm və üstün bir şərəf)dən başqa bir şey deyil." (Qələm Surəsi, 52) Quran göndərildiyi gündən qiyamət gününə qədər insanlığın tək yol göstəricisi olan son İlahi kitab olacaq. Quranda ancaq 20-ci və 21-ci əsr texnologiyasıyla əldə etdiyimiz bəzi elmi gerçəklərin 1400 il əvvəl bildirilmiş olması ilə bərabər Allahın sözü olduğunu isbat edən çox sayda möcüzəvi xüsusiyyətə də malikdir. Bu xüsusiyyətlərdən biri də "riyazi möcüzə"lərdir. Bu möcüzəyə bir nümunə isə Qurandakı bəzi söz təkrarlarının verdiyi ortaq ədəddir. Bir-biriylə əlaqədar bəzi sözlər möcüzəvi şəkildə eyni sayda təkrarlanırlar. Aşağıda bu cür sözlər və Qurandakı təkrarlanma ədədləri verilmişdir.

"Yeddi göy" ifadəsi 7 dəfə keçir. "Göylərin yaradılışı (xəlqi səmavat)" ifadəsi də 7 dəfə təkrarlanır.

"Gün (yəvm)" ifadəsi tək olaraq 365 dəfə keçərkən, çoxluq yəni "günlər (əyyam və yəvməyn)" sözləri 30 dəfə təkrarlanır. "Ay" sözünün təkrar sayı isə 12-dir.

"Bitki" və "ağac" sözlərinin təkrar sayı eynidir: 26

"Cəza" sözü 117 dəfə çəkilərkən Quran əxlaqının təməl xüsusiyyətlərindən olan "bağışlamaq" ifadəsi bu ədədin tam 2 misli qədər yəni 234 dəfə təkrarlanır.

"De" sözlərini saydığımızda çıxan nəticə 332-dir. "Dedilər" sözünü saydığımızda da eyni rəqəmi əldə edirik.

"Dünya" sözü və "axirət" sözünün təkrarlanma ədədləri də eynidir: 115

"Şeytan" sözü Quranda 88 dəfə keçir. "Mələk" sözünün təkrar sayı da 88-dir.

"İman" və "küfr" sözləri Quranda 25 dəfə təkrarlanır.

"Cənnət" və "cəhənnəm" sözü də eyni sayda təkrarlanır: 77.

"Zəkat" sözü Quranda 32 dəfə təkrarlanarkən, "bərəkət" sözünün təkrarlanma sayı da 32-dir.

"Yaxşılar (əbrar)" 6 dəfə təkrarlanarkən "pislər (fuccar)" sözü isə tam yarısı qədər yəni 3 dəfə keçir.

"Yaz-isti" sözləri ilə "qış-soyuq" sözlərinin işlənmə ədədləri də eynidir: 5

"Şərab (hımr)" və "sərxoşluq (səkərə)" sözləri də Quranda eyni ədəddə təkrarlanır: 6

"Ağıl etmək" və "nur" ədədlərinin təkrar sayı da eynidir: 49

"Dil" və "öyüd" sözləri bərabər ədəddə -25 dəfə- təkrar edilir.

"Fayda" sözü 50, "pozma" sözü də 50 dəfə təkrarlanır.

"Sevgi" və "itaət" sözlərinin təkrar sayı eynidir: 83

Quranda "çevrilmə" və "sonsuz" sözləri bərabər ədəddə iştirak etmişdir: 28

"Müsibət" sözü və "şükr" sözü Quranda eyni sayda keçir: 75 dəfə

"Günəş (şəms)" və "işıq (nur)" sözləri Quranda 33 dəfə keçir. (Sayarkən "nur" sözünün yalnız adlıq halları diqqətə alınmışdır.)

"Doğru yola çatdıran (Əlhuda)" və "rəhmət" sözlərinin təkrar sayı bərabərdir: 79

Quranda "çətinlik" sözü 13 dəfə iştirak edərkən, "dinclik" sözü də 13 dəfə təkrarlanır.

"Qadın" və "kişi" sözlərinin təkrar sayı da eynidir: 23

Qadın-kişi sözlərinin Quranda təkrar sayı olan 23, eyni zamanda insan rüşeyminin (embryo) meydana gəlməsində yumurta və spermdən gələn xromosom sayıdır. İnsanın xromosom sayı da ana və atadan gələn 23 xromosomun cəmi olaraq 46-dır.

"Xəyanət" sözü 16 dəfə keçərkən, "xəbis" sözünün təkrar sayı da 16-dır.

"İnsan" sözü Quranda 65 dəfə keçir; insanın yaradılış mərhələlərinin sayının cəmi də eynidir.

Salavat sözü bütün Quranda 5 dəfə keçir və Allah insanlara gündə beş dəfə namaz qılmalarını bildirmişdir.

"Quru" sözü Quranda 13 dəfə keçərkən, "dəniz" sözü 32 dəfə keçməkdədir. Bu ədədlərin cəmi bizə 45 ədədini verir. Əgər torpağın Quranda çəkilmiş sayı olan 13-ü 45-ə bölsək %28,888888888889 sayını taparıq. Dənizlərin Quranda sayı olan 32-i 45-ə böldüyümüz zaman isə %71,111111111111 sayını alırıq. Bu nisbətlər isə planetimizdəki su və quru parçalarının gerçək nisbətidir. (Scientific Miracles)