Virtual və real dünya birləşir!

**POWER_RANGERS** · 12-31-2009, 12:59 PM

Elm və texnologiyada insanı şoka salan super inqilab baş verir
ABŞ-ın Massaçusets Universitetində elm və texnologiya dünyasını silkələyəcək bir sistem yaradılıb və hazırda bu sistem təkmilləşdirilir.
“6. His” (SixthSense) adlanan sistemi işlətmək üçün insanın barmaqlarından istifadə etməsi yetərlidir. Başqa sözlə, barmaqların uclarına taxılan sensorlardan və boyuna taxılan kamera-projektordan ibarət bu cihaz virtual dünyanı real həyata gətirir.
Məsələn, əgər email-poçtunuza baxmaq istəyirsinizsə, bir divarın qarşısında barmaqlarınızla "@" işarəsini yazmağınız kifayətdir. Divarda email-poçtunuz açılacaq. Yaxud 4 barmağınızı birləşdirərək şəkil çəkə bilərsiniz.
Bir mağazadan kitab almaq istəyərsinizsə, kitabı əlinizə almaq və barmaqlarınızın ucundakı sensorlardan istifadə edərək onun qiymətini, kitabla bağlı yazılmış şərhləri oxuya bilərsiniz. Bunun üçün boynunuzun arxasına taxdığınız projektoru kitabın üzərinə salmaq yetərlidir.
Yaxud telefonla kiminləsə danışmaq istəyirsiniz. Bunun üçün boynunuzun arxasındakı projektoru ovcunuzun içinə yönəltməyiniz kifayətdir. Ovcunuzda telefon nömrələri görünəcək. Aramaq istədiyiniz insanın telefon nömrəsini ovcunuzda yığıb, danışa bilərsiniz.
Qol saatına da ehtiyacınız olmayacaq. Sensor taxılmış barmağınızla biləyinizin üzərində bir dairə cızmaq yetərlidir. Dərhal həmin cizgidə ekran və ekranda saat görünəcək.
Qeyd edək ki, “6. His” cihazını əldə etmək istəyənlər 350 dollarından keçməli olacaqlar. Yəni bu cihazın qiyməti elə də böyük deyil.