[
Palçıq deyəndə çoxlarının ağlına bataqlıqlar və çirkab yığınları gəlir.
Ancaq bu bir həqiqətdir ki, palçıq olmasaydı nə elektronika elmi olar, nə də qitələr və peyklərarası rabitə meydana gələ bilərdi. Hətta XX əsrin ən böyük uğurlarından biri olan komputer də kəşf edilməzdi. Çünki, elektronikanın əsasını təşkil edən yarımkeçiricilər palçıqdan başqa bir şey deyil. Rabitədə yeni bir cığır açan superkeçiricilər də həmçinin.
Palçıqla bağlı möcüzələr bununla da bitmir. Palçıq həm də ən yaxşı katalizatordur. Neftayırmada palçığın əvəzi yoxdur. Digər tərəfdən, palçıq zəhərli maddələrdəki zəhəri özünə çəkərək onları neytrallaşdırır. Palçığın başqa mühüm xüsusiyyətlərindən biri də radioaktiv elementlərdəki radiasiyanı neytrallaşdıraraq onların ətraf mühitə zərər verməsinin qarşısını almasıdır.