Rəşad Sadıqov yaşıl meydanlardan kənar düşdü

[Baku]

"Həkimlər 2 həftəlik müalicə yazıblar. Bu müddət ərzində meydandan kənar qalacam. Təxminən iki həftədən sonra komanda ilə birgə məşqlərə başlayacam. Hələlik, Bakıya gəlmək fikrim yoxdur", - deyə Rəşad Sadıqov bildirib.

O, Türkiyədəki son oyunu ilə bağlı fikirlərini açıqlayıb: "Həmin gün "Fənərbaxça" çox yaxşı oynayırdı və biz məğlub olduq. Onlar da istədikləri hər bir şey alındı. Baş məşqçinin tapşırıqlarının hamısını yerinə yetirə bilmədik. Çalışırdıq, amma rəqib çox güclü idi".

"Eskişəhirspor"da heç bir problemi olmayan futbolçu azarkeşlərə təşəkkür edib: "Klubda vəziyyətim əladır. Heç bir problemim yoxdur. Mənə qarşı münasibətləri tam normaldır. Məni sevən, oyunumu izləyən hər kəsə təşəkkür edirəm".

"Fənərbaxça" ilə oyunda zədələnən Rəşad Sadıqov bu səbəbdən yığmamızın Çernoqoriya ilə oyununu da buraxmalı olacaq. ANSPRESS