Gürcüstana Rusiya terefindən hucum ..!

**ChaosCastle** · 08-09-2008, 02:33 PM

Salam
Gürcüstanda səfərbərlik elan edilib
Ehtiyatda olan hərbiçilərin səfərbərliyi barədə məlumatı Gürcüstan televiziyası ilə telemüraciətində prezident Mixail Saakaşvili deyib
Bu gün səhər saatlarında Gürcüstanda ehtiyatda olan hərbiçilərin səfərbərliyi elan edilib. Bu barədə məlumatı Gürcüstan televiziyası ilə telemüraciətində prezident Mixail Saakaşvili verib: «Gürcüstanda ehtiyatda olan hərbiçilərin səfərbərliyi elan edilib və bu, davam edəcək».
Bundan əvvəl isə Gürcüstan Daxili İşlər Nazirliynin analitik şöbəsinin rəisi Şota Utiaşvili «Novosti Qruziya» ya səfərbərlik elan edilmədiyini demişdi. «Könüllülər var. Onlar Gürcüstanın hər yerindən hərbi komissarlıqlara gəlirlər və lazım gələrsə döyüşmək istədiklərini bildirirlər». Onun sözlərinə görə, Tsinxvali bölgəsində vəziyyət çox gərgindir.
Qeyd edək ki, bundan əvvəl də mətbuat ehtiyatda olan hərbiçilərin Tiflisdəki «Lokomotiv» stadionuna toplaşması barədə məlumat verilmişdi. Məlumata görə, son illərdə 100 mindən artıq insan hərbi təlim keçib və ehtiyata alınıb. Hazırlıq keçənlər 25-45 yaş arasındadır.

Xatıraldaq ki, avqustun 8-nə keçən gecə tanınımamış Cənubi Osetiya Respublikasında genişmiqyasıl hərbi əməliyyatlar başlayıb. Səhərə yaxın isə gürcü hərbiçilərinın Tsinxvaliyə girdikləri barədə məlumatlar yayılıb. Rəsmi Tiflis baş verən hadisələri «konsitutsiyon nizam-intizamın bərpası» adlandırır. Tanınmamış Cənubi Osetiya hökuməti isə Rusiyadan hərbi yardım isəyir.

/ANS PRESS/

**ChaosCastle** · 08-09-2008, 02:46 PM

Salam

Türkiyədən Gürcüstana mühüm dəstək
Rəsmi Tiflisin xahişi ilə bu gündən Türkiyədən Gürcüstana elektrik enerjisi ötürülür
Türkiyə, rəsmi Tiflisin xahişi ilə bu gündən Gürcüstana elektrik enerjisi ötürməyə başlayıb. Məlumatı Türkiyənin NTV telekanalı yayıb. Məlumatda deyilir ki, rəsmi Ankara addımı Gürcüstan hökumətinin fövqəladə vəziyyətlə bağlı müraciətindən sonra atıb. Ötürülən elektrik enerjisinin həcmi sutkada 40 meqavatt təşkil edir. Lakin Türkiyə hökuməti hələlik bu məlumatı təsdiqləməyib.
Türkiyə Xarici İşlər Nazirliyi Gürcüstandakı hadisələrlə bağlı bəyanatla da çıxış edib. Bəyanatda deyilir ki, Gürcüstan və Cənubi Osetiya arasında dünəndən başlanan və geniş miqyaslı döyüşlərə çevrilən hadisələri əndişə ilə izləyir: «Ölkəmiz, qonşusu və dost münasibətlərinin mövcud olduğu Gürcüstanın problemlərinin sülh yolu ilə həllinin vacibliyini bildirir. Bu mövqeymizi həm ikitərəfli təmaslarda, həm də beynəlxalq səviyyəli görüşlərdə bəyan etmişik». Türkiyə XİN, tərəfləri silahları yerə qoymağa və dialoqa başlamağa çağırır.

/ANS PRESS/