Türkiyə Xəbərləri

Türkiyənin futbol üzrə 12-ci superliqi başa çatıb

Futbol üzrə Türkiyə Superliqasında 12-ci tura yekun vurulub. Çempionatın lideri Qalatasaray bu tur Gənclərbirliyini qəbul edib. Oyuna aktiv başlayan Qalatasaraylılar, rəqiblərini 3-2 hesabı ilə məğlub etməyə nail olublar.

Bundan başqa, “Sivasspor” Beşiktaş klubu ilə qarşılaşıb. Bu qarşılaşma Beşiktaşın növbəti məğlubiyyəti ilə nəticələnib. Qarşılaşma 2-1 hesabı ilə başa çatıb.

Xatırladaq ki, bundan əvvəl də Beşiktaş ingilis rəqiblərinə 8-0 hesabı ilə uduzaraq azarkeşlərini məyus etmişdi. /ANS TV/


ANS-PRESS / © 2007 Bütün hüquqlar qorunur.

İlqar Qurbanov Türkiyə liderinə qələbə topu qazandırıb

"Sivasspor" - "Beşiktaş" oyununda 81-ci dəqiqədə meydana daxil olan İlqar Qurbanov qələbə qolunu vurub

Futbol üzrə Türkiyə çempionatında turnir cədvəlinə "Sivasspor" klubu başçılıq edir.

Sivaslılar son oyunda İstanbulda "Beşiktaş"a 2-1 hesabı ilə qalib gəliblər. Azərbaycan yığma komandasının yarımmüdafiəçisi İlqar Qurbanov 81-ci dəqiqədə oyuna daxil olub. Elə qələbə qolunu da məhz İlqar vurub.

"Sivasspor" klubu hazırda 12 oyundan 28 xalla trunir cədvəlinə başçılıq edir.

ANS Press

Kral Abdullah Türkiyəyə səfər edib


Səudiyyə Ərəbistanının kralı Abdullah Bin Əbdüləziz əl-Suud Türkiyəyə rəsmi səfər edib.

Özü ilə böyük heyəti gətirən Ərəbistan kralı Ankaraya 9 təyyarə ilə gəlib. Abdullah bin Əbdüləzizi Esenboğa Hava Limanında Türkiyə Prezidenti Abdullah Gül, xarici işlər naziri Ali Babacan, dövlət naziri Sait Yazıcıoğlu və digər rəsmilər qarşılayıblar. Hava limanından birbaşa prezident iqamətgahına yola düşən kral, Çankayada Prezident Abdullah Güllə təkbətək görüş keçirib. Sonra isə heyətlərarası danışıqlar baş tutub. Növbəti görüşlərin Baş nazir Rəcəb Tayyib Ərdoğan və xarici işlər naziri Ali Babacanla keçirilməsi planlaşdırılır. Danışıqlar zamanı siyasi, iqtisadi və mədəni əlaqələrin inkişafı perspektivləri müzakirə olunacaq.

Zaman

Türkiyə ordusunun PKK girovluğunda olmuş 8 əsgəri həbs edilib

İki həftə PKK terrorçularının girovluğunda qalan və noyabrın 4-də sərbəst buraxılan Türkiyə Silahlı Qüvvələrinin 8 hərbi qulluqçusu haqqında həbs qətimkan tədbiri seçilib.

APA-nın Türkiyə bürosunun məlumatına görə, əsgərlərdən 5-i əmrə itaətsizlikdə israr etməkdə, 2-si əmrə itaətsizlikdə israr etmək və ölkə xaricinə fərarilikdə, çavuş rütbəli hərbçi isə vəzifə səlahiyyətlərinə zidd hərəkət etməkdə ittiham olunur. Onlar noyabrın 11-də Van Hərbi Məhkəməsinin qərarı ilə həbs ediliblər. Əsgərlər məhkəmədə verdikləri ifadələrdə ittihamları qəbul etməyərək şəhid olan yoldaşları kimi sona qədər döyüşdüklərini, güllələri qurtardıqdan sonra təslim olmaq məcburiyyəti qarşısında qaldıqlarını bildiriblər. Vəkillər 7 gün ərzində həbs qərarından kasasiya şikayəti verəcəklərini açıqlayıblar.

Xatırladaq ki, oktyabrın 21-də Türkiyənin cənub-şərqindəki Hakkari rayonu ərazisində baş verən döyüşdə 12 türk əsgəri həlak olmuş, 8-i isə terrorçular tərəfindən qaçırılaraq İraqın şimalına aparılmışdı.

Nigar Talibova hırsızların kurbanı oldu.

Ünlü mankenin evine giren hırsızlar, 80 bin YTL nakit para ve 100 bin YTL’lik mücevher alıp kaçtı.

Hizmetçi vurgunu
Nigar Talibova'nın evinden 80 bin YTL'lik nakit para ile 100 bin YTL'lik mücevher çalındı. Ünlü manken, bunu Moldovyalı hizmetçisinin yaptığını öne sürdü.

Herkesin kabusu olan hırsızların son kurbanı, manken Nigar Talibova oldu. Güzel mankenin başına gelen hırsızlık olayı, kendisinin söylediklerine göre şöyle gelişti: Nigar, salı akşamı bir arkadaşının evinde kaldı. Sabah Ulus Belediye Sitesi'ndeki evine dönen manken, kapıyı açık buldu. Evine hırsız girdiğini anlayan Nigar Talibova, ilk iş olarak nakit para ile mücevherlerinin bulunduğu çekmeceye baktı. Ancak, Nigar'ın yaklaşık 80 bin YTL'lik nakit parası ile 100 bin YTL'lik mücevheri çalınmıştı. Bunun üzerine, güzel manken soluğu Levent Karakolu'nda aldı.

'ŞİRKET ARACILIĞIYLA...'
Soruşturmanın devam ettiğini belirten Nigar Talibova, şunları söyledi: Hırsızlık olayını, bir şirket aracılığıyla yanımda çalışmaya başlayan Moldovyalı hizmetçimin gerçekleştirdiğini düşünüyorum. Kendisi yurt dışına kaçmış olabilir. Gerçek, Türk polisi tarafından en kısa zamanda ortaya çıkartılacak.

Takvim / Aydın Hamza

Türkiyə ilə Yunanıstan arasında inşa olunmuş boru kəməri vasitəsilə gələcəkdə ildə 12 mlrd. kubmetrədək qaz nəql olunacaq

Bu ilin noyabr ayının 18-də Türkiyə ilə Yunanıstan arasında inşa olunmuş qaz boru kəmərinin açılış mərasimi keçiriləcək. Tədbirdə iki ölkənin baş nazirləri iştirak edəcək, həmçinin Azərbaycan Prezidenti İlham Əliyev və İtaliyanın Baş naziri Romano Prodi də mərasimə dəvət olunublar. ”APA-Economics”in məlumatına görə, iki ölkənin qaz kəmərləri şəbəkələrini birləşdirəcək bu boru xəttinin inşasına dair ilkin sənəd 2002-ci ilin aprel ayında imzalanıb. Kəmərin ümumi uzunluğu 285 km, o cümlədən Türkiyə ərazisinə düşən hissəsi 209 km, layihənin ümumi dəyəri isə 250 mln. avro təşkil edir. Xəzər regionu ölkələri, o cümlədən Azərbaycan, gələcəkdə isə Türkmənistan və Qazaxıstandan, hətta İran və Misirdən təbii qazın Avropa bazarlarına nəql edilməsi üçün nəzərdə tutulan bu boru xətti vasitəsilə ilkin mərhələdə gündə 700 min kubmetr, ildə isə 250 mln. kubmetr qazın nəqli nəzərdə tutulub. Lakin sonrakı 15 il ərzində bu göstəricinin 11,5 mlrd. kubmetrə çatdırılması planlaşdırılır. Artıq 2012-ci ilin sonunadək isə Adriatik dənizinin dibilə daha bir kəmərin inşası planlaşdırılır və bu xətt Yunanıstanla İtaliyanı birləşdirəcək. Nəticədə, Xəzər regionunda hasil olunan təbii qazın Mərkəzi

Avropaya çatdırılması imkanı yaranacaq.Məsələ ilə bağlı açıqlama verən Amerika Dövlət katibinin xüsusi nümayəndəsi Metyu Brayza bu xəttin istifadəyə verilməsinin müdhiş yenilik olacağını söyləyib. Amerikanın bu layihəyə önəm verdiyini vurğulayan Brayza proyektin Avropanın strateji xəritəsinin daha yaxşı yönə doğru dəyişməsində rol oynayacağını bildirib.

Xatırladaq ki, qazın nəqlinə dair saziş Türkiyənin “BOTAŞ” və Yunanıstanın DEPA şirkətləri arasında hələ 2003-cü ilin sonunda imzalanıb.

Türkiyə Yaxın Şərqdə sülh missiyasını öz üzərinə götürür

Türkiyə Fələstin və İsrail arasında yarım əsrdən artıq davam edən münaqişənin aradan qaldırılması üçün vasitəçilik missiyasını öz üzərinə götürüb.

Bu məqsədlə bu gün Türkiyənin təşəbbüsü ilə Ankarada Fələstin və İsrail rəhbərləri - Mahmud Abbas və Şimon Peres bir araya gələrək münaqişənin aradan qaldırılması yollarını müzakirə edəcəklər.

Türkiyə get-gedə regionda xüsusi nüfuza malik olan ölkəyə çevrilməkdədir. Bunu Türkiyənin Fələstin və İsrail arasında problemlərin çözülməsi missiyasını öz üzərinə götürməsi də bir daha sübut edir. Bu çərçivədə dünən Ankaraya gələn İsrail dövlət başçısı Şimon Pereslə görüşən Prezident Abdullah Gül mətbuata verdiyi açıqlamada: “Biz Yaxın Şərqdə ədalətli və uzunmüddətli sülhün əldə edilməsi və bölgədəki gərginliyin aradan qaldırılmasının vacibliyi barədə Pereslə fikir ortaqlığı nümayiş etdirdik”, - deyib. Gül və Peres görüşdən sonra keçirdikləri mətbuat konfransında Türkiyənin Fələstin-İsrail münaqişəsinin aradan qaldırılması məsələsində həyata keçirdiyi vasitəçilik missiyasının tarixi əhəmiyyət daşıdığını vurğulayıblar. Abdullah Gül deyib ki, Fələstin-İsrail münaqişəsinin aradan qaldırılması yalnız bölgə üçün deyil, həm də beynəlxalq aləm üçün xüsusi əhəmiyyət daşıyır. Belə ki, bu problemin aradan qaldırılmaması digər beynəlxalq münaqişələrin də həllinə mənfi təsir göstərir. Türkiyə Prezidenti həmçinin ölkəsinin nüvə enerjisindən dinc məqsədlər üçün istifadə edilməsi ilə bağlı aparılan tədqiqatların əleyhinə olmadığını, ancaq bundan kütləvi qırğın silahlarının yaradılması niyyətilə istifadə edilməsinin əleyhinə çıxdığını bildirib.

Abdullah Gül: “Biz qonşuluğumuzda nüvə silahına malik ölkənin olmasını arzu etmirik”, - deyib. O, qaçırılan iki İsrail əsgəri ilə bağlı məsələnin də müsbət nəticələnməsi üçün cəhdlərə baş vurduqlarını deyib.

İsrail prezidenti Şimon Peres də Türkiyənin iki qitəni bir-birinə bağlayan önəmli bir coğrafi məkanda yerləşdiyini və Ankaranın Yaxın Şərqdə sülh əldə edilməsi üçün baş vurduğu vasitəçilik missiyasını təqdirlə qarşıladıqlarını deyib. Abdullah Gül ilə ilk dəfə bir araya gəldiklərini xatırladan Peres iki ölkə arasında əməkdaşlığın bölgə üçün faydalı olacağını söyləyib. O, Mahmud Abbasla Ankarada görüşməsindən də məmnunluq duyduğunu və bunun münaqişənin həllində önəmli rol oynayacağına inandığını vurğulayıb.

[

Türkiyə vasitəçilik missiyasını davam etdirir: Gürcüstanın Baş naziri ölkəsində sabitliyin təmin edilməsi üçün Ərdoğandan kömək istədi

“Türkiyə Gürcüstanın siyasi birliyini, ərazi bütövlüyünü və hakimiyyətini dəstəkləyir. Bir çox məsələlərdə Gürcüstanla mövqelərimiz üst-üstə düşür. Bunu dəfələrlə Gürcüstan tərəfinə bildirmişik. Xüsusilə, Abxaziya və Cənubi Osetiya problemlərinin sülh yolu ilə həllini arzu edirik”. Bu sözləri Gürcüstanın Baş naziri Zurab Noqaydeli ilə görüşdən sonra keçirilən mətbuat konfransında Türkiyənin Baş naziri Rəcəb Tayyib Ərdoğan deyib.

İki gün öncə İsrail Prezidenti Şimon Peres və Fələstin Prezidenti Mahmud Abbasın Ankarada görüşünü təşkil edən Türkiyə hökuməti regionda sülhə nə qədər önəm verdiyini bir daha nümayiş etdirdi. Problemli ərazilərdə sülhə nail olmaq üçün vasitəçilik missiyasını davam etdirən Türkiyə bu dəfə kömək əlini Gürcüstana uzadıb. Baş nazir Rəcəb Tayyib Ərdoğanın dəvəti ilə Türkiyəyə işgüzar səfər edən Gürcüstanın Baş naziri Zurab Noqaydelinin Ankarada Ərdoğanla görüşündən sonra keçirilən mətbuat konfransında söylədikləri də bu fikirləri təsdiq edir.

Gürcüstanın ərazi bütövlüyünün qorunmasında Türkiyənin verdiyi dəstəyə görə həmkarına təşəkkür edən Z. Noqaydeli Türkiyənin çox önəmli ölkə olduğunu, Gürcüstanda sabitliyin təmin edilməsində qonşu ölkənin yardımına bel bağladıqlarını və Türkiyənin bölgədə vasitəçilik missiyasını sürdürməsinin vacibliyini vurğulayıb. O, bu çərçivədə problemlərin həll edilməsi üçün Türkiyənin dəstəyinin mühümliyinə diqqət çəkib... Ərdoğanla görüşdə iki ölkə arasındakı iqtisadi münasibətlərə də toxunduqlarını deyən Gürcüstan rəsmisi sərbəst ticarət müqaviləsinin imzalanmaq mərhələsində olduğunu bildirib.

İki türk Danimarka parlamentinin üzvü seçilib

Noyabrın 9-da Danimarkada keçirilən parlament seçkilərində əslən türk olan iki qadın millət vəkili seçilib. APA-nın Türkiyə bürosunun xəbərinə görə, 31 yaşlı Özləm Çəkic Sosialist Xalq Partiyasından, 34 yaşlı Yıldız Akdoğan isə Sosial-Demokrat Partiyasından parlament üzvü seçilməyə nail olublar.

APA

Türkiyədə "gənə" həyəcanı

Türkiyə həyəcan içərisindədir. Ölkə mətbuatının məlumatına görə, əhali gənələrin hücumuna məruz qalıb. Ölkənin səhiyyə idarəsi açıqlamada "indiyədək belə problemlə qarşılaşmamışdıq" deyib. Gənələrin dişi yarılaraq orqanizmdən çıxarılır. Gənə dişlədiyi şəxslərə həm də infeksiya ötürür. Həkimlər infeksiyanın insandan insana keçmə ehtimalını irəli sürüblər. Buna görə də təbiət gəzintisinə gedənlərdən ehtiyatlı olmaları tələb edilib. Azərbaycanda "gənə problemi" yalnız vaqonlarda yaşanır. Xüsusilə rayonlara gedənlər vaqonlarda gənə, ağcaqanad, siçan və tarakanların "hücumundan" müdafiə olunmaq məcburiyyətindədilər. Respublika Gigiyena və Epidemiologiya Mərkəzindən bildiriblər ki, vaqonların təmizliyilə Dəmir Yolu İdarəsinin nəzdində fəaliyyət göstərən gigiyena idarəsi məşğul olmalıdır. İdarədən isə məsələyə açıqlama vermək istəməyiblər.

Menbe: "OLAYLAR"

PKK terror təşkilatının mina mütəxəssisi təlim vaxtı məhv olub

PKK terror təşkilatının mina mütəxəssisi təlim vaxtı məhv olub. Türkiyənin haberler.com saytının yaydığı məlumata görə, kod adı “Hakkı Losano” olan Ozan Gökkan adlı terrorçu minanı zərərsizləşdirmə təlimi verərkən baş vermiş partlayışda ölüb. Mənbə, terrorçunun uzun illərdir qruplaşmada mina mütəxəssisi kimi faliyyət göstərdiyini, bu peşəyə 1993-cü ildə İspaniyada yiyələndiyini bildirib.

Mənbə: ANSPRESS

Alıntı:

---

yeshu Nickli Üyeden Alıntı

Ərdahanda Türkiyə-Azərbaycan qardaşlığı məktəbi açılıb

Türkiyənin Ərdahan vilayətində "Palmali" Şirkətlər Qrupunun inşa etdirdiyi məktəbin açılışı olıb. Məktəb dünya standartlarına uyğun tikilib, ən müasir texnika və avadanlıqlarla təhciz olunub. Bu təhsil ocağında yaxınlıqdakı Altaş və Seyitorən kəndlərindən olan şagirdlərlə yanaşı, ətraf ucqar kəndlərdən uşaqlar da təhsil ala biləcəklər. Şagirdləri məktəbə aparıb gətirmək üçün "Palmali" məktəbi avtobusla təhciz edib. "Palmali" Şirkətlər Qrupunun prezidenti Mübariz Mənsimov deyib ki, şirkət bununla öz işini bitmiş hesab etmir və gələcəkdə də məktəbin təminatını öz üzərinə götürməklə şagirdlərin qayğısına qalacaq. "Palmali" Şirkətlər Qrupunun Bakı təmsilçiliyinin mətbuat xidmətinin məlumatına görə, məktəb Türkiyə-Azərbaycan qardaşlığı məktəbi adlandırılıb. Qeyd edək ki, bu, Palmali Şirkətlər Qrupunun Türkiyə və Azərbaycanda həyata keçirdiyi təmənnasız humanitar layihələrdən biridir.

---

Allah razı ola öncülük edenlerden,çok güzel bir girişim,ama bu yetmez bütün dünya ya göstermeliyiz bizim bir olduğumuzu

Ne mutlu Türküm diyene ve Türk gibi yaşayana ::aze::

İNSANIN 4 İL ÖMRÜ QALIB?

İndi hər şey arılardan asılıdır

Ötən gün Türkiyənin “Vətən” qəzeti maraqlı bir elmi araşdırmanın nəticələrini dərc edib. Həmin araşdırmaya görə, insanın cəmi-cümlətani 4 il ömrü qalıb. Belə ki... Amerikada ötən qış aylarında arıların 35 faizi itib. Bu isə 87 əsas məhsulun arılar sayəsində istehsal edilməsi faktına ciddi zərbədir.

Xatırladaq ki, bal arılarının ötən il anlaşılmaz bir şəkildə azalmağa başlaması səbəbindən dünya miqyasında böyük bir həyəcan yaşanmışdı. Aradan keçən zaman ərzində arıların yox olması səbəbi ilə bağlı aparılan araşdırma isə nəticə vermədi. Alimlərsə bunun bir sindromdan qaynaqlandığı nəticəsinə gəldilər. Baxmayaraq ki, həmin sindroma yol açan faktorun nə olduğu heç cür təsdiqlənmədi. Dünyaca məşhur xəbər jurnalı “Nevsveek” son nömrəsində arı krizinin sürətlə davam etdiyini yazdı.

Jurnala görə, iki il öncə arılarının 30 faizini itirən amerikalı arıçılar ötən qış daha 35 faizlik itki yaşadı. “Nevsveek”ə görə, bitkilərin tozlanmasında böyük rol oynayan arıların yox olması gözlənilən böyük bir qida böhranından xəbər verir. Kanada, Braziliya, Hindistan, Çin və Avropada panika davam edir. İngiltərə Arıçılar Birliyi “2018-ci ildə İngiltərə sərhədlərində bir arı belə qalmaya bilər. Nəticədə 330 milyon dollarlıq əkin sənayesi çökə bilər” açıqlamasıyla təhlükənin sərhədlərini gözlər önünə sərib. Amerika Bal İstehsalçıları Birliyi isə “Trilyon dollarlıq əkin sənayesi tək bir səndələməkə param-parça olmağa hazır xristal kimidir” deyərək, təhlükəyə diqqət cəlb edib.

Alimlər arıların ortadan yox olmasının gilas, alma, xiyar, badam, qreyfurt istehsalını böhrana salacağını bildirir.

Alman alimi Albert Eynşteyn isə “Əgər arılar yer üzündən itərsə, insanın, sadəcə, 4 il ömrü qalar. Arı olmasa, tozlanma, bitki, heyvan və insan olmaz” demişdi.

Menbe: Musavat

Türkiyə yığması tarixinin ən böyük qələbəsini iyunun 20-də qazanıb

Türkiyə milli komandası Xorvatiya ilə əlamətdar tarixdə qarşılaşacaq. Avropa çempionatının yarımfinalına yüksəlmək üçün türkiyəlilər uğurlu gündə istəyinə nail olmalıdırlar. Belə ki, “ay-ulduzlu” komanda tarixi ərzində ən böyük hesablı qələbəsini iyunun 20-də qazanıb.

1954-cü ildə İsveçrədə təşkil olunan mundialda Cənubi Koreyanı 7:0 hesabı ilə darmadağın edən türkiyəlilər bu səviyyədə belə qələbə qazana bilməyiblər. Ümumilikdə, qonşu ölkənin seçmə komandası daha iki dəfə bu hesabla qalib gəlib. Suriya və San-Marinonun da qapısından yeddi cavabsız top keçirən Türkiyə yığması bu görüşləri final mərhələlərində keçirməyib. İsveçrədəki qələbəyə iyunun 20-də imza atan komanda eyni tarixdə Avropa çempionatlarında ilk mükafatını qazana bilər. Bunun üçün Xorvatiyanı üstələməli olan türkiyəlilər qələbə sayəsində ən azı bürünc medala sahib çıxacaq. Ümumilikdə, Türkiyə iyunun 20-də cəmi iki oyun keçirib və hər ikisində qalib gəlib. “Ay-ulduzlu” komanda 1995-ci ilin bu tarixində Yeni Zelandiyanı 2:1 hesabı ilə yenib.

Xorvatiya yığması isə iyunun 20-də yalnız bir dəfə meydana çıxıb. 1998-ci ilin dünya çempionatında balkanlılar Yaponiyanı məğlub ediblər – 1:0.

Menbe: APA Sport