"Əvvəlcə Azərbaycanın işğal altında olan 5 rayonu qaytarılmalı, 5 il ərzində isə qalan 2 rayon qaytarılmalıdır. Bu torpaqların qaytarılması Azərbaycanın ərazi bütövlüyü prinsipini əks etdirir. Bunu ATƏT-in Minsk qrupunun amerikalı həmsədri Metyu Brayza müsahibəsində bəyan edib.
Onun sözlərinə görə, Ermənistanda olarkən Azərbaycan prezidenti İlham Əliyevin Rusiya kanalına verdiyi müsahibədə istifadə etdiyi sözləri təkrar edib. "Hamı bilir ki, Dağlıq Qarabağ hüquqi cəhətdən Azərbaycanın ərazisidir. Ermənistan KİV-də yazıldığı kimi 7 rayonun qaytarılıması Azərbaycanın ərazi bütövlüyünün bərpası demək olduğunu deməmişəm. Mən deyirəm ki, 7 rayonun qaytarılması Azərbaycanın ərazi bütövlüyü prinsipini əks etdirir." deyə Brayza bildirib.
Metyu Brayza hesab edir ki, Dağlıq Qarabağ münaqişəsi həll olunduqdan və azərbaycanlılar öz ərazilərinə qayıtdıqdan sonra Dağlıq Qarabağda hərbçilər olmalıdır. Ancaq amerikalı diplomat əraziyə hansı qüvvələrin yerləşdirişlməsi barədə hər hansı fikir söyləməyə tələsmir. O bildirib ki, Azərbaycan əhalisi Qarabağa qayıtdıqdan sonra orada müharibə təhlükəsi olmamalıdır. "Qarabağda elə şərait olmalıdr ki, orada yaşayan əhaliyə qarşı heç bir təhlükə yaranmasın. Orada elə şarait olmalıdır ki, bütün əhali, o cümlədən azərbaycanlılar da Qarabağa qayıtdıqdan sonra sakit və rahat yaşasınlar." deyə Brayza bildirib.
Dağlıq Qarabağın statusuna gəldikdə isə Metyu Brayza bunu, orada yaşayan əhalinin özünün müəyyənləşdirməli olduğunu deyir: "Biz hələ Qarabağ münaqişəsinin necə nəticələnəciyini bilmirik. Amma referendumun keçirilməsi əsas məqamlardan biri olacaq.
Qeyd edək ki, regiona səfəri çərçivəsində əvvəlcə Ermənistanda olan ATƏT-in Minsk Qrupunun amerikalı həmsədri Metyu Brayza bu gün Tiflisə yollanıb. Avqustun 13-də isə o, Bakıya gələcək.
arada bir siyasetimize de nezer salaq
Yer imleri