"Kaş ki"...

Yolumu gözləyən bir qadını tərk etdim. Qarşılaşdıq bir müddət sonra. Gözlərinin işığı sönüb dedi mənə. nə oldu sənə?-deyə gerçəyi söyləyincə, mən də doğru söyləməyə çalışdım ona.
Sənin gözəlliyinə nə oldusa mənim gözlərimə də o oldu dedim.

5 - 10 cümləyə sığışmış qəmli bir eşq hekayəsi... Buruq, qırılmış oyuncaqlar qədər...
Və məğlub. 'kaş ilə dolu cümlələr kimi... Bu sözü neçə cümlənizin əvvəlinə əlavə etmisinizsə o qədər səhv etmisinizdir həyatda...

Dörd mövsümlük bir il olsa ömür, 'kaş ki', onun payızına bərabər gəlir.
Bütünlüklə imtina etmək üçün tezdir, Uyğunlaşmaq üçün gec...

Məğlubiyyətin ilişikliyidir 'kaş ki'...
Qaçırılmış fürsətlərin, basdırılmış duyğuların, xərclənmiş həyatların, boşa yaşanmış ya da haqqıyla yaşana bilməmiş illərin, gecikmiş etirafların ağrısıdır.

[
Vurulub çıxılmış bir qapıda, yazılıb göndərilməmiş bir məktubda, göz yumulmuş bir haqsızlıqda, vaxt varkən öpülməmiş bir əldə, dilin ucuna gəlib təxirə salınmış bir sözdədir.

Parıltısı sönmüş bir cüt gözdə ya da itib getmiş bir gözəlliyin ardından ah çəkməkdə...

'Yolunu gözləməsəydim', 'elə deməsəydim', 'tərk edib getməsəydim', 'ən gözəl illərimi verməsəydim' deyə deyə sızlanar gedər.

'Kaş kinin antoqonisti yəni onun zəhərini məhv edən 'yaxşıki dir.
İlki nə qədər cılızdırsa, ikinci o cür igiddir.

[
'Kaş ki', əksəriyyətlə bir 'ah ilə qopub gəlir ciyərdən... təəssüflər, hayıflanmalar, sürüyər arxasından...

'Yaxşı ki' isə, müzəffər bir 'oh ilə böyüyər; cürətiylə öyünər.

'Kaş kili cümlələrdə necə yaşanmamışlığın, yarım qalmışlığın o əzik quruluğu varsa, 'yaxşı kililərdə də, riskə girə bilmişliyin, dadına baxa bilmişliyin məğrur yaraları qanayar.

Məktəbdən heç qaçmamısınız, sevgilinizlə öpüşməmisiniz;

[
Danışmağınız lazım olduğunda susmuş, qaçacağınız zaman dayanmış, qucaqlayacağınız yerdə qopmusunuz.

Bir insana, bir işə, bir iddiaya ömrünüzü həsr etmisiniz. O insanın, o işin, o iddianın, buna layiq olmadığını hissetmənin xəyal qırıqlığındadır 'kaş ki'...

'İndiki ağlım olsaydı' döyünməsindədir. Geriyə dönüb baxdığınızda, ayıblayaraq, qadağan edərək, qorxulara, fəda edilmiş, 'Nələrəsə qurban verilmiş, son istifadə etmə tarixi keçmiş bir yığın həzz

'Kaşkililərin həyatı, bir peşmanlıqlar qəbiristanlığıdır.


[
'Yaxşı ki'! ...

Onda, yara bərə içində də olsa, yana yana, amma doyunca yaşamış olmanın iç dincliyi və haqlı qüruru qışqırar.

'Yaxşıkilərinizi yığın bu gün və 'kaşkilərinizdən çıxardın. Çoxdursa qazancdasınız deməkdir.

[
Vecinizə almayın ürəyinizdəki ağrıları, acı xatirələri.....

'Kaşkiləriniz, 'yaxşı kilərdən çoxsa...
Kompensasiya üçün əlinizi tez atıb tutun. Tutunki, yolunuzu gözlərkən tərk etdiyinizlə bir gün yenidən qarşılaşdığınızda siz susayarkən, işığı sönən gözləriniz 'kaş ki' deyə nəmlənməsin...


PS : Həyatda heç vaxt kaş ki deməyin. Sadəcə onu bilin ki Allah da bu kəlməni sevmir...