Təhlükəsiz İnternet Günü

[POWER_RANGERS]

9 fevral – Təhlükəsiz İnternet Günü dünyanın 60-dan çox ölkəsində qeyd olunur.
Bu günün qeyd olunması təşəbbüsünü Avropa Komissiyası irəli sürüb.
Qurumun bu təşəbbüsü “European SchoolNet” və “Insafe” qeyri-kommersiya təşkilatları tərəfindən dəstəklənib. 2004-cü ildən etibarən bu gün fevral ayının ilk çərşənbə axşamında qeyd olunur. Onun məqsədi isə əsasən dünya üzrə uşaqlar və yeniyetmələr arasında onlayn-texnologiyalardan daha təhlükəsiz və məsuliyyətli istifadəni təbliğ etməkdən ibarətdir.
Bu il Təhlükəsiz İnternet Günü “Think before you post!” (Yerləşdirməzdən əvvəl fikirləşin) şüarı altında keçiriləcək. Həmin deviz istifadəçiləri hər bir informasiyanı Qlobal Şəbəkədə yerləşdirməzdən və ya ismarıc göndərməzdən əvvəl düşünməyə çağırır.
Qeyd edək ki, Təhlükəsiz İnternet Gününün keçirilməsi bu istiqamətdə təhlükəsizliyin artırılması və qanunsuz kontentlə mübarizə məqsədlərini daşıyan və Avropa Birliyində həyata keçirilən daha qlobal bir proqramın tərkib hissəsidir.