Sabah beynəlxalq abidələr və tarixi yerlər günüdür
Bununla əlaqədar respublika konfransı keçiriləcək
18 aprel beynəlxalq abidələr və tarixi yerlər günüdür. 1993-cü ildən YUNESKO-nun təşəbbüsü ilə keçirilən bu gün Azərbaycanda da geniş miqyasda qeyd olunur. Bütün muzeylər, tarixi yerlər və qoruqlarda açıq qapı günü keçirilir. Bu günlə əlaqədar olaraq, Mədəniyyət və Turizm Nazirliyi aprelin 19-da Muzey Mərkəzində “Tarix və mədəniyyət abidələrinin qorunması” mövzusunda respublika konfransı keçirəcək.
Konfransı giriş sözü ilə mədəniyyət və turizm nazirinin müavini Ədalət Vəliyev açacaq. Daha sonra konfransın proqramında mövzu ilə bağlı bu gün üçün zəruri və aktual olan məsələlər ətrafında müxtəlif maraqlı çıxışlar olacaq.
Qeyd edək ki, respublikamızın ərazisində 6308 daşınmaz tarixi və mədəniyyət abidələri var. Bunun da 2034-ü ölkə, 4209-u yerli, 65-i isə dünya əhəmiyyətlidir.
Yer imleri