Cabir Novruz - Anam can vermə , can vermə

[Damla1]

ANAM, CAN VERMƏ, CAN VERMƏ

Anam Qızılgülə son vida

Əziz anam, canım, gözüm,
Anam, can vermə, can vermə!
Qoy laylanı deyim özüm,
Laylam, can vermə, can vermə!

Sənsiz ömrü talan ollam,
Qəm mizrabın çalan ollam,
Can alanın canın allam,
Allam, can vermə, can vermə!

Əl-ayağın buz olsa da,
Bədənin köz-köz olsa da,
Dərdin əlacsız olsa da,
Loğman, can vermə, can vermə!

Quruca nəfəsin, sözün,
Havam, suyum, əzmim, gücüm,
Sən dünyasan mənim üçün,
Dünyam, can vermə, can vermə!

Al mənim qalan ömrümü,
Al övlad, bala ömrümü,Ömrünə cala ömrümü,
Dayan, can vermə, can vermə!

Odlayır göyləri ahım,
Ümidim, arxam, pənahım,
Mənə can verən Allahım,
Canım, can vermə, can vermə,
Anam can vermə, can vermə!

[Xeyallarim]

men de cox tesirlendim