oXUYAN HER KESE TESEKKURLEr!

Darıxmışam

Mənə sənin eşqin, qəlbin gərəkdir,
Ürək tellərimi çəksin tarıma.
Könül nə arzular, bilirsənmi heç?
Əllərim toxunsun qoy saçlarına.

Görünür razısan öz taleyindən,
Məni nə zamandır soraqlamırsan?!
Sənsiz saçlarıma qonub xeyli dən,
Ömür kitabımı varaqlamırsan.

Sənsiz sevinmərəm, sənsiz gülmərəm,
Qəlbim bir quruyan dənizdir indi.
Səni özgəsindən ala bilmərəm,
Səadət hamıya əzizdir indi.

Məni qəmli görsən əgər yollarda,
Bil ki, bu qəm sənin, kədər sənindir.
Mənim fikrim harda, səninki harda,
Günlərim keçsə də hədər sənindir.

Məndən əbəs yerə qaçırsan, əbəs,
Keçirsən yanımdan səssiz-səmirsiz.
Qəlbini sıxırmı mülayim bir səs,
"Bir zaman sevmişik, sevilmişik biz"



Ayrılıq nəğməsi
Yenə qəm dumanı bürüyür məni
Başına qar yağmış o dağlar kimi
Sənsiz gecələr də üşüdür məni
Donunu soyunmuş budaqlar kimi.

Vəfalı dost sözü dadıma çatır,
Ayrılıq nəğməsi qəlbəhüzn qatır,
Ağaran saçlarım günbəgün artır
Payızda saralan yarpaqlar kimi.

Sönüb eşqimizin odu, ocağı,
İndi buza dönüb yataq otağı.
Sənsiz yetiməm mən, ana qucağı
Əlindən alınmış uşaqlar kimi.

Nakam sevgimizi yaşayacağam,
Səni sevəcəyəm nə qədər sağam.
Qara gözlərinə her an möhtacam
Yayda kölgə salan qovaqlar kimi.



Unudam gərək
Ayrıldıq…güc gəldi bizə hücumlar,
Ayrıldıq,usanıb tənədən sözdən.
Bizdən razı qaldı yadlar,qohumlar,
Biz razı qalmadıq öz-özümüzdən.

Ayrıldıq…nəğməmiz qaldı yarımçıq,
Fikirlər pərişan,könüllər qırıq.
Ayrıldıq de harda ləngidi zəmanə
İndi nə sən sənsən,nə də mən mənəm.

Başımda tufanlar hayqırığından
Meyvəsi dəyməmiş tökülən mənəm.
Dağlara dırmanıb ardımca qoşdun,
O axar sulara qarışan mənəm

Taleyin hökmüylə səm çox vuruşdun,
Bu ağır hökm ilə barışan mənəm.
Döyən də,vuran da,yıxılan da mən,
Ayrıldıq… bilmədik neçin,nədən biz
Ayrıldıq… Ayrılmaq istəmədən biz.
Yoxdur sənə qəzəb,kin
Yadıma düşməyir bəd əməllərin
Nifrətsiz ayrılıq ayrılıq deyil.

Nifrətsiz ayrılıq ölümdən şirin.
Gülüm sevə-sevə ayrılırıq biz,
Ürək kökdən düşən tək simə bənzər.
Bizim gözü yaşlı bədbəxt eşqimiz

Atalı-analı yetimə bənzər.
Deyirəm unudum səni mən gərək.
Mümkünmü
Arzuya əməl tən gərək!
Unuda bilməkçün səni sevgilim,
Təzədən doğulum,təzədən gərək.

cox guzel siirlerdi,tesekkur edirem.size aiddirmi?

Yox weirler menim deyil, sadece oxudum xowuma geldi, sizlerinde oxumasını istedim.

cox guzel siirlerdi,bir daha tesekkurler..