elif-elif Nickli Üyeden Alıntı
Hər kəs xoşbəxt olmaq istər. Xoşbəxt olmaq çətindirmi? Necə düşünürsünüz? Rahat nəfəs ala bilmək xoşbəxtlik deyildirmi? Söhbəti çox uzatmadan mövzuya girək və xoşbəxtlik üçün lazım olan şərtləri sadalamağa başlayaq:
- “Əsla” sözünü işlətməyin. Əsla “əsla” deməyin.
- “Amma” və “ancaq” deməyin.
- “Fərqi yoxdur”, - demək, yalan söyləyirsiniz. Yalan söyləməyin.
_ Heç bir cümlənizin feli mış, miş, lar, lər, mışlar, mişlər, larmış, lərmiş-lə bitməsin. Bunlar sizin bilmədiyiniz və görmədiyiniz, başqalarının söylədiyi şeylərdir. O söylənənlərə görə hərəkət etsəniz, həm özünüzə, həm də başqalarına zərər vermiş olarsınız.
- Başqasının yerinə düşünməyin.
- Başqasının yerinə qərar verməyin.
- Özünüzü düşünün. Çünki fitrət etibarilə xudbindir, həmişə özünü düşünər. Əksini deyib və ya düşünüb özünüzü aldatmayın. Səmimi olun və beləcə kim olduğunuzu, harada olduğunuzu öyrənin. Bu halda başqalarına daha az zərər vermiş olarsınız.
- Doğru bildiyiniz şeylərdən vaz keçməyin.
- Keçmişə bağlı qalmayın. Əgər bir şey əldə edə bilməmisinizsə, o məğlubiyyətdən nəticə çıxarın. Ancaq o uğursuzluğunuzu tez-tez xatırlayıb özünüzü üzməyin.
- Xoşbəxt olmaq və irəli getmək üçün məlum təcrübələri yaşamağa ehtiyac yoxdur. Siz başqalarının təcrübəsindən faydalanmağa çalışın.
- Özünüzə və ətrafınızdakılara, insanlara güvənin, onları sevin.
- Ümumiləşdirməkdən uzaq durun. “Kişilər belədir, qadınlar elədir” deməyin.
- Siz hiss etdiyinizi, doğru bildiyinizi yaşayın, başqalarının nə düşündüyünə çox da əhəmiyyət verməyin.
- Bir xoşbəxt anı yaşamaq üçün illəri xərcləmək uğursuzluqdur. Əsl uğur bir anda illəri yaşaya bilməkdir.
- “Mən elə hey verirəm, amma bir şey almıram” deməyin. Əgər belə düşünürsünüzsə, verdiyiniz də öz ünvanına çatmaz. Almağı bilməyən verməyi də bilməz, verməyi bilməyən almağı da bilməz. Ürəkdən ağlaya bilməyən, gerçəkdən gülə bilməz, kədəri yaşamayan sevinməyi bacarmaz. Hər şeyin öz qarşılığı var.
- Və... Qərar verin: bu an sizin yeni bir həyata başlama anınız olsun!
Bunları yaşamaq çox çətindirmi? Yazın, əməl etməyə çalışın, həyatınızın dəyişdiyini görəcəksiniz.
-Alıntı-
Yer imleri