- Yemək yeyərək çörəyi bıçaqla kəsmək və ya böyük tikədən bir-başa dişləmək olmaz, çörək əllə balaca, xırda tikələrə qırılaraq yeyilir.
- Qəlyanaltılar çörəyin üzərinə qoyulmur, pendir, kolbasa və digər qəlyanaltılar bıçaq və çəngəllə yeyilir.
- Paşteti çəngəllə səliqəli ayırıb yemək lazımdır, qətiyyən çörəyin üzərinə çəkməməli.
- Yemək zamanı şorba olan boşqabı əymək olmaz, əgər içindəkini qaşıqla götürmək olmursa, elə boşqabın içində də saxlamaq lazımdır.
- Yeməkdən sonra qaşığı masanın üstünə deyil, boşqabın içinə qoyurlar.
- Kasalarda verilən şorbalar elə kasalardan da içilir, qaşıq isə içində olan, məsələn yumurta və ya qızardılmış çörək tikələrini (qrenki) götürmək üçün lazımdır.
- Balıq çəngəllə yeyilir, bıçaq yalnız marinada qoyulmuş siyənək balığı (selyodka) yeyildikdə lazım ola bilər.
- Bəzən balığın yanında çəngəl və tıx, qılçıqları ayırmaq üçün xüsusi kürəkcik (lopatka) da verilir, bu halda çəngəl sol, kürəkcik isə - sağ ələ götürülür. Yox əgər masaya iki çəngəl qoyulmuşsa, onda biri yemək, o birsi isə tıxların təmizlənməsi üçün istifadə olunur.
- Əgər balıq boşqabda bütöv verilibsə, onda birinci qabırğa tərəfindəki file, sonra onurğa, daha sonra isə qalan hissələri ayırılır.
- Dəniz məhsulları, xüsusən də molyusklar, əllə yeyilə bilərlər, ancaq əgər onlar xüsusi hazırlanıblarsa – xüsusi yemək dəsti də verilir, məsələn, xüsusi qayçı (şipsı).
- Masaya qınsız yengəc (krab) verilirsə, onu yemək dəstindən istifadə edərək yemək olar, ancaq bütöv verildikdə əllə yemək daha rahatdır: bir əllə başını tutub, o biri ilə quyruğunu bir-balaca bükərək qını sındırıb içindəki əti çox rahat çıxartmaq olar.
- Almalar bıçaqla dörd hissəyə bölünür, hər biri çəngələ taxılıb qabığından təmizlənəndən sonra xırda dilimlərə doğranılır.
Yer imleri