Ən sürətli internetin sahibləri

[POWER_RANGERS]

“Akamai Technologies” şirkətinin apardığı son araşdırmalara görə, Cənubi Koreya və Yaponiya vətəndaşları internetə qoşulmanın orta sürəti üzrə dünyada liderdirlər. şirkətin təqdim etdiyi hesabatda, Cənubi Koreya bu göstəriciyə görə birinci olub.
Cənubi Koreyada orta internetə qoşulma sürəti saniyədə 14,6 meqabit təşkil edir. Yaponiya isə saniyədə 7,9 meqabitlə ikinci yerdədir.
Siyahının növbəti pillələrində Honkonq, Rumıniya, İsveç, İrlandiya, Niderland, İsveçrə, Danimarka və Çexiya yer alıb. ABŞ isə 3,9 mb/s orta qoşulma sürəti ilə yalnız 18-ci yeri tuta bilib.
Qeyd edək ki, Cənubi Koreyada internet-qoşulmaların 74 faizi genişzolaqlıdır. Yaponiyada bu göstərici 60, Honkonqda isə 46 faizdir.