Cümhuriyyətin 90 illiyi “Qafqaz”da qeyd olundu

Cümhuriyyətin 90 illiyi “Qafqaz”da qeyd olundu

Qafqaz Universitetində Mədəniyyət şöbəsinin təşkilatçılığı ilə Türkiyə Cümhuriyyətinin 90-cı ildönümünə və böyük Mustafa Kamal Paşa Atatürkün xatirə gününə həsr olunan “Türkiyə Cümhuriyyəti 90 Yaşında!” adlı ədəbi-bədii proqram keçirilib. Türkiyə Cümhuriyyətinin İstiqlal marşının oxunması ilə başlanan proqramda bu günün həm Azərbaycan xalqı üçün, həm də türk xalqı üçün əlamətdar və fərəhli bir gün olduğu xüsusilə vurğulanıb. Türk xalqının yenilməz cəsarəti ilə böyük Atatürkün dühasının, məharətinin birliyi sayəsində qazanılan qələbəyə həsr olunan mahnılarda, şeirlərdə Türkiyə Cümhuriyyətinin yaranma tarixi, keçdiyi şərəfli yol, əldə etdiyi uğurlara işıq tutuldu. Sürəkli alqışlarla müşayiət olunan rəqs kollektivinin “Çırpınırdı Qara dəniz” rəqs-kompozisiyası proqrama xüsusi rəng qatıb.

[