İlham Mirzəyev “Space”dən gedir

Parapsixoloq İlham Mirzəyev bu yaxınlarda Azərbaycanda analoqu olmayan klinika açmağa hazırlaşdığını xəbər verib.

Parapsixoloq bu klinikanı psixoloji yardıma ehtiyacı olanlara kömək etmək məqsədilə açmaq istədiyini bildirib.

Aparıcının “Space TV”-dən getməsi barədə xəbər bu açıqlamadan sonra yayılıb.

“Etiraf” verilişinin aparıcısına adını açıqlamaq istəmədiyi telekanaldan təklif gəlib. İlham Mirzəyev təkifi qəbul etməyə tələsmir, qəbul edəcəyi hər hansı layihənin yalnız psixologiya elminə aid olmasını vacib sayır: “Neçə illərdir, tamaşaçını bezdirmədən eyni layihəni təqdim etməyi bacarıram və öz auditoriyamı toplamışam. Düşünürəm ki, artıq öz şərtlərimi irəli sürməyə ixtiyarım çatır. Buna görə də tələsik qərar vermək istəmirəm. Özümün də həyata keçirməyi nəzərdə tutduğum layihələrim var. Amma hansısa bir telekanal öz layihəsilə bağlı mənə müraciət edərsə, layihə ürəyimcə olarsa və mənim şərtlərim nəzərə alınarsa, təklifi dəyərləndirməyi düşünərəm”

Lalə Yusifqızı