Röya qaşlarla bəzədilmiş disk hazırlayır

Mən yeganə müğənniyəm ki, bahalı disk hazırlayıram".
Röyanın başı yaradıcılıq işlərinə qarışıb. "Evlisən" klipinin çəkilişlərini bitirmək üzrə olan müğənni işlərinin çoxluğundan söhbət açaraq, həm də konsert və albom hazırlığı ilə məşğul olduğunu bildirdi. Qeyd edək ki, müğənni özünün yeni diskini hazırlayır. Ən son mahnılarını həmin diskə daxil edən Röya dizaynın fərqli olacağından söhbət açdı. Onun sözlərinə görə, ilin sonunadək işıq üzü görəcək disk qiymətli qaşlarla bəzədiləcək. Bunun yenilik olduğunu deyən Röya yerli müğənnilər arasında yeganə insandır ki, bahalı disk hazırladığını bildirdi. Diskin qiymətinə gəlincə isə, Röya təvazökarlıq edərək qiymətini açıqlamadı və yalnız onun baha qiymətə başa gəldiyini vurğuladı.
Müğənninin ilin sonunda Əl Oyunları İdman Sarayında verəcəyi solo konsertin vaxtı isə dəyişdirilib. Belə ki, dekabrın 6-dan 9-nə qədər nəzərdə tutulan konsert 20-dən 23-dək keçiriləcək. Konsertin təşkilatçısı isə "Səs Orqanization"un rəhbəri Nahid Emiloğludur. Konsertdən sonra müğənnini qarşıda Sərdar Ortacla imzaladığı müqavilə əsasında Türkiyə səfəri gözləyir.