Sevda Ələkbərzadə filmə çəkilib

FİLM MÜĞƏNNİNİN SƏNƏTİ İLƏ BAĞLIDIR.
Müğənni Sevda Ələkbərzadə ARTE alman-fransız telekanalının ekranlaşdırdığı sənədli filmə çəkilib. Bu barədə məlumat verən müğənni qeyd etdi ki, sözügedən filmdə yaratdığı obraz onun sənəti ilə bağlıdır. Bundan başqa, Sevda Ələkbərzadə söz verdiyi kimi, dünya turnesinə çıxmağa hazırlaşır. Onun xarici ölkələrdə verəcəyi konsert 2008-ci ilin ilk aylarında başlayacaq. Onu da qeyd edək ki, müğənni dünya turnesinə "Şəbi hicran" layihəsi ilə çıxacaq. Türkiyədən yeni təklif gəldiyini deyən Sevda Ələkbərzadə digər layihələr kimi, onu da dəyərləndirəcəyini deyərək, qonşu ölkənin "Yeni dünya" musiqi şirkəti ilə işbirliyi quraraq, konsert verəcəyi və disk hazırlayacağına söz verdi.